ལྷོ་ཁ་གྲོང་ཁྱེར་ལྷོ་བྲག་རྫོང་དུ་དབང་པོ་སྐྱོན་ཅན་དབང་གིས་དབུལ་པོར་གྱུར་པའི་མི་300ལྷག་ཙམ་ཡོད་པ་དང་། ཁོང་ཚོ་ལས་ཞུགས་དབུལ་སྒྲོལ་བྱ་ཆེད། རྫོང་དེས་མ་དངུལ་སྒོར་ཁྲི་160གྲབས་གསོག་བྱས་ནས་དབང་པོ་སྐྱོན་ཅན་གྱི་ལས་ཞུགས་གསོ་སྦྱོང་རྟེན་གཞི་བཙུགས་ནས་ཆེད་མངགས་རྫོང་ཡོངས་ཀྱི་ཚན་པ་དང་ཁེ་ལས་ཁག་ལ་བོད་ཆས་དང་། ལས་གོས། སློབ་གོས་སོགས་གོས་རྒྱན་བཟོ་རུ་བཅུག་ཡོད། ཐོན་ལས་སྦྲེལ་ཐག་རྣམ་པའི་རྩལ་ནུས་གསོ་སྦྱོང་དང་ལས་ཞུགས་དབུལ་སྐྱོར་ལ་བརྟེན་པ་བརྒྱུད། དབང་པོ་སྐྱོན་ཅན་གྱི་དུད་ཚང་མང་པོ་རང་ཁ་རང་གསོ་ཐུབ་ནས་ཟླ་རེར་གླ་ཆ་སྒོར་3000ལེན་རྒྱུ་ཡོད་ཅིང་། འདི་ནི་དབང་པོ་སྐྱོན་ཅན་ཁག་གཅིག་གིས་རྟེན་གཞིར་ཞྭ་མོ་འཚེམ་བཞིན་པ།

            ཉེ་བའི་ལོ་ཤས་རིང་། རྡོ་གཡམ་ནག་པོའི་ཐོན་ཁུངས་ཀྱི་ལེགས་ཆ་འདོན་སྤེལ་གང་ལེགས་བྱས་ནས་ཐོན་ལས་དབུལ་སྒྲོལ་བྱ་ཆེད། སྣ་དཀར་རྩེ་རྫོང་སྟག་ལུང་གྲོང་རྡལ་གླིང་བཞི་གྲོང་ཚོ་དང་བོད་ལྗོངས་ཡར་འབྲོག་གཡུ་མཚོ་ཨར་སྐྲུན་ཀུང་སིས་རང་བྱུང་རྡོ་རྒྱུ་གསར་སྤེལ་ཀུང་སི་བཙུགས་ནས་རྡོ་གཡམ་གྱི་རྣམ་གྲངས་མཉམ་ལས་གསར་སྤེལ་བྱས་པར་ལོར་ཡོང་འབབ་སྒོར་ཁྲི་200ཙམ་བྱུང་སྟེ་ཉེ་འཁོར་གྱི་ངལ་རྩོལ་པ་400ལས་ཀར་ཞུགས་ཐུབ་པ་བྱུང་ཞིང་། འདི་ནི་ཀུང་སིའི་ལས་མིས་རྡོ་གཡམ་གྲ་སྒྲིག་བྱེད་བཞིན་པ།

འདི་ནི་ཟངས་རི་རྫོང་གྲུས་ཐང་ཡུལ་གཞན་དུ་གནས་སྤོས་དབུལ་སྐྱོར་གྱི་བཀོད་སྒྲིག་ས་ཚིགས་ཀྱི་ཟུར་ཞིག་ཡིན་པ།