ཟླ་3པའི་ཚེས་4ཉིན། རྒྱལ་ཡོངས་སྲིད་གྲོས་སྐབས་བཅུ་གསུམ་པའི་གྲོས་ཚོགས་ཐེངས་གཉིས་པས་ཚོ་ཆུང་གི་གྲོས་ཚོགས་བསྡུ་ཚོགས་བྱས་ཏེ། རྒྱུན་ལས་ཨུ་ཡོན་ལྷན་ཁང་གི་ལས་དོན་སྙན་ཞུ་དང་གྲོས་གཞི་འདོན་པའི་ལས་ཀའི་གནས་ཚུལ་སྙན་ཞུ་གཉིས་ལ་གྲོས་ཞིབ་བྱས། སི་ཁྲོན་དུ་སྡོད་པའི་རྒྱལ་ཡོངས་སྲིད་གྲོས་ཀྱི་ཨུ་ཡོན། ཞིང་ཆེན་སྲིད་གྲོས་ཀྱི་ཀྲུའུ་ཞི་ཁོ་ཙིན་ཕིང་ཀྲུང་གུང་གི་ཚོ་ཆུང་གྲོས་ཞིབ་ཀྱི་ནང་དུ་ཞུགས་ལ། ཁོང་གིས་སྙན་ཞུ་ཡིས་དར་ཆ་མཐོན་པོར་བསྒྲེང་བ་དང་། ནང་དོན་ཕུན་སུམ་ཚོགས་པ། དངོས་ཐོག་བདེན་འཚོལ། ཁྱོན་ཡོངས་ནས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་བསམ་བློའམ་སྒོས་སུ་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མི་དམངས་སྲིད་གྲོས་ཀྱི་ལས་དོན་ལ་ཤུགས་སྣོན་དང་ལེགས་སྒྱུར་བྱེད་པའི་གལ་ཆེའི་དགོངས་དོན་ལག་བསྟར་དོན་འཁྱོལ་བྱེད་པ། རྒྱལ་ཡོངས་སྲིད་གྲོས་ཀྱི་བློ་བརྟན་འགྱུར་མེད་ཀྱིས་འགོག་སྲུང་གཉིས་ལག་ལེན་བྱེད་པའི་ཆབ་སྲིད་ཀྱི་ངེས་ཤུགས་དང་། སྒྱུར་བཅོས་གསར་གཏོད་ཀྱི་དུས་རབས་ཀྱི་སྙིང་སྟོབས།མི་དམངས་བླ་ན་མེད་པའི་རིན་ཐང་ལྟ་བ་བཅས་མངོན་ཡོད་པས། ཁོང་རྦད་དེ་མོས་མཐུན་ཡོད་པར་བསྟན།

        ཁོ་ཙིན་ཕིང་གིས་རྒྱལ་ཡོངས་སྲིད་གྲོས་སྐབས་བཅུ་གསུམ་པ་འགོ་ཚུགས་པ་ནས་བཟུང་། བློ་མཐུན་ཞི་ཅིན་ཕིང་སྲོག་ཤིང་ཏུ་བྱས་པའི་ཏང་ཀྲུང་དབྱང་གི་འགོ་ཁྲིད་བརྟན་པོའི་འོག དུས་རབས་གསར་བའི་མི་དམངས་སྲིད་གྲོས་ཀྱི་འགན་འཁྲི་དམ་དུ་འཛིན་དང་། གསར་གཏོད་དང་རྒྱུན་འཛིན། ལས་དོན་དངོས་སྒྲུབ་པ་བཅས་བྱས་ནས།དུས་རབས་གསར་པའི་མི་དམངས་སྲིད་གྲོས་ཀྱི་རྣམ་པ་གསར་མངོན་ཡོད་ཅེས་གསུངས།
        དེ་མིན་ཁོང་གིས་བསྟན་དོན། རྒྱལ་ཡོངས་སྲིད་གྲོས་ཀྱིས་ས་གནས་སྲིད་གྲོས་ལ་མཛུབ་སྟོན་བྱེད་ཤུགས་ཆེ་རུ་བཏང་ནས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མི་དམངས་སྲིས་གྲོས་ཀྱི་ལས་དོན་ལ་ཤུགས་སྣོན་དང་ལེགས་སུ་གཏང་རྒྱུའི་དགོངས་པ་གལ་ཆེན་ལ་སློབ་སྦྱོང་དང་ལག་བསྟར་བྱ་རྒྱུར་སྐུལ་འདེད་གཏོང་བ། མཐོ་རིམ་ཇུས་འགོད་ལ་ཤུགས་སྣོན་བྱས་ཏེ་འབྲེལ་ཡོད་ཀྱི་མཛུབ་སྟོན་རང་བཞིན་གྱི་ཡིག་ཆ་བཏོན་ནས། གྲོང་ཁྱེར་དང་རྫོང་གི་སྲིད་གྲོས་ཀྱིས་རྒྱལ་ཁབ་བཅོས་སྐྱོང་མ་ལག་དང་བཅོས་སྐྱོང་ནུས་པ་དེང་རབས་ཅན་གྱི་ཁྲོད་དུ་ནུས་པ་གལ་ཆེན་འདོན་དགོས་པའི་རེ་བ་བཏོན། །