འདི་ནི་གཞིས་རྩེ་གྲོང་ཁྱེར་རྣམ་གླིང་རྫོང་ཨེ་མ་ཤང་རྩེ་གདོང་གསེར་ཟངས་རྡུང་བཟོའི་གནའ་བོའི་སྒྱུ་རྩལ་ལྟེ་གནས་ཀྱི་སྒྱུ་རྩལ་པས་ཟངས་ཆས་རྡུང་བཟོ་བྱེད་བཞིན་པ།

          རྩེ་གདོང་ཟངས་ཆས་རྡུང་བཟོའི་སྒྱུ་རྩལ་ནི་ནེ་པ་ལ་ནས་དར་བ་ཞིག་ཡིན་པ་དེར་ལོ་རྒྱུས་ཡུན་རིང་ལྡན་ཡོད། 2008ལོའི་ཟླ་6པར་རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་གི་མིང་གཞུང་ནང་བཅུག་པ་དང་། གཞིས་རྩེ་གྲོང་ཁྱེར་རྣམ་གླིང་རྫོང་ཨེ་མ་ཤང་རྩེ་གདོང་གསེར་ཟངས་རྡུང་བཟོའི་གནའ་བོའི་སྒྱུ་རྩལ་ལྟེ་གནས་ཀྱིས་བཟོས་པའི་ཟངས་ཆས་ཀྱི་ཐོན་རྫས་སྣ་ཚོགས་ལ་འཛད་སྤྱོད་པ་ཚོས་ཧ་ཅང་དགའ་པོ་བྱེད་པ་མ་ཟད། ལས་རིགས་ཀྱི་ཁྱབ་ཁོངས་ཧྲིལ་པོར་སྙན་གྲགས་ཆེན་པོ་ཡོད།