ཕུའུ་ཅིང་གིས་གསུངས་དོན། ཆིང་ཧྭ་སློབ་གྲྭ་ཆེན་མོ་ནི་འཛམ་གླིང་ལ་སྐད་གྲགས་ཆེ་བའི་སློབ་གྲྭ་ཆེན་མོ་ཞིག་ཡིན་ལ། ཀྲུའུ་ཞི་ཞི་ཅིན་ཕིང་གི་མ་ཡུམ་སློབ་གྲྭའང་ཡིན། འདི་ནས་འཇོན་ཐང་ཅན་གྱི་ཕུལ་བྱུང་མི་སྣ་མང་པོ་གསོ་སྐྱོང་བྱས་ཡོད་པ་རེད། དེ་རིང་། ངའི་གྲོགས་པོ་བཟང་པོ་ཀྲུའུ་ཞི་ཞི་ཅིན་ཕིང་གི་བདེན་དཔང་འོག ཆིང་ཧྭ་སློབ་གྲྭ་ཆེན་མོས་ང་ལ་མཚན་འཛིན་འབུམ་རམས་པའི་སློབ་གནས་སྤྲོད་པ་དང་མཛད་སྒོ་རྒྱ་ཆེ་སྤེལ་བ་ལ། ང་རང་ཧ་ཅང་དགའ་བྱུང་ལ། སེམས་འགུལ་ཆེན་པོའང་ཐེབས་བྱུང་། ཀྲུང་གོ་ལ་ལོ་རྒྱུས་ཡུན་རིང་ལྡན་པའི་ཤེས་དཔལ་ཡོད་ལ། སྤོབས་པ་སྐྱེས་འོས་པའི་ཚན་རིག་ལག་རྩལ་གསར་གཏོད་ཀྱི་གྲུབ་འབྲས་ཀྱང་ཡོད། ཨུ་རུ་སུ་དང་ཀྲུང་གོའི་སློབ་གསོའི་བགྲོ་གླེང་མཉམ་ལས་འཕེལ་རྒྱས་མགྱོགས་པོ་བྱུང་ཡོད་ཅིང་། རྒྱལ་ཁབ་གཉིས་ཀར་ཕན་ཚུན་སློབ་སྦྱོང་དུ་ཡོང་མཁན་སློབ་གྲྭ་བ་འབོར་ཆེན་ཡོད། ངས་ལྷག་བསམ་ཟོལ་མེད་ངང་ཆིང་ཧྭ་སློབ་གྲྭ་ཆེན་མོས་གྲུབ་འབྲས་སྔར་བ་ལེགས་པ་ཐོབ་པའི་སྨོན་འདུན་ཞུ་ལ། སློབ་གྲོགས་ཚོས་སློབ་སྦྱོང་ཡག་པོ་བྱེད་པ་དང་ཉིན་བཞིན་ཡར་རྒྱས་ཡོང་ནས། ཨུ་རུ་སུ་དང་ཀྲུང་གོའི་མཛའ་མཐུན་འབྲེལ་བ་རྒྱུན་འཛིན་བྱེད་པ་དང་། ཨུ་རུ་སུ་དང་ཀྲུང་གོའི་མཛེས་སྡུག་ལྡན་པའི་མ་འོངས་པ་མཉམ་དུ་བསྐྲུན་པའི་རེ་བ་ཡོད།
