གཅིག ཞིང་སྡེ་ཡི་ས་ཞིང་བཅོས་སྒྱུར་ལ་ཅིའི་ཕྱིར་དོ་ཁུར་བྱེད་དགོས་སམ།
          1.ལོ་རྒྱུས་ཀྱིས་ཤུལ་བཞག་བྱས་པའི་གནད་དོན་དེ་དུས་ཡུན་རིང་བོར་ཐག་གཅོད་ལེགས་པོ་ཞིག་ཐོབ་མེད་པ།
          2.བུད་མེད་མང་ཚོགས་ཀྱིས་ཞུ་གཏུག་བྱས་པ་ཅུང་མང་པ།
          བུད་མེད། རབ་དུ་བྱུང་བའི་བུད་མེད་དང་གཉེན་འཐོར་བྱས་ཟིན་པའི་བུད་མེད། སྐྱ་ཡ་ཚེ་ལས་འདས་པའི་བུད་མེད། མག་པ་བཞག་པའི་བུད་མེད།
          ཞུ་གཏུག་གནད་དོན། ས་ཞིང་གི་འགན་གཙང་ལེན་བདག་གཉེར་དབང་ཆ་ལ་ཚོད་འཛིན་དང་རྩིས་མེད་བཏང་བ། གཞུང་སྡུད་བྱས་པའི་ས་ཞིང་གི་སྐྱིན་ཚབས་ཁ་གསབ་རིན་དངུལ་བགོ་བཤའ་མི་རྒྱག་པ། སྡོད་ཁང་གི་རྨང་གཞི་ལ་བཀོལ་སྤྱོད་བདག་དབང་མེད་པ། ཞིང་སྡེའི་གཅིག་བསྡུས་ཐོན་རྫས་ལ་གོང་གཅོག་བྱས་པ་སོགས།
          3.ཞིང་སྡེའི་ས་ཞིང་གཏིང་ཟབ་སྒོས་བཅོས་སྒྱུར་བྱེད་པའི་གོ་སྐབས་ལེགས་ཤོས།
          ཞིང་སྡེའི་འགན་གཙང་ལེན་ས་ཁུལ་དང་སྡོད་ཁང་གི་རྟེན་གཞི། ཞིང་སྡེའི་གཅིག་བསྡུས་ཐོན་དབང་ལམ་ལུགས་ཀྱི་བཅོས་སྒྱུར་ཚོད་ལྟ།
          གཉིས། བདག་དབང་གཏན་འབེབས་དེ་ཅིའི་ཕྱིར་ཐོ་འགོད་བྱེད་དགོས་སམ།
          1.ས་ཞིང་གི་འགལ་ཟླའི་རྩོད་གླེང་ཐག་གཅོད་བྱེད་པ།
          2.ཞིང་སྡེའི་ས་ཞིང་བེད་མེད་ས་སྟོང་དུ་ལུས་པའི་གནད་དོན་ཚབས་ཆེན་ཐག་གཅོད་བྱེད་པ།
          3.ཞིང་སྡེའི་གཏིང་ཟབ་སྒོས་བཅོས་སྒྱུར་བྱེད་པར་འགན་བཅོལ་ནུས་ལྡན་མཁོ་སྤྲོད་བྱེད་པ།
          གསུམ། བདག་དབང་གཏན་འབེབས་ཐོ་འགོད་བྱེད་པའི་ནང་དོན་གལ་ཆེན།
          1.ས་གཞི་ལ་དོན་དངོས་ཚད་ལེན་ཞིབ་བཤེར་བྱེད་པ།
          2.ཐོ་འགོད་བྱས་ཏེ་ལག་དེབ་བཟོ་བ། （ཐོ་འགོད་ཡིག་ཆ།）
          བཞི། ཐོ་འགོད་ཡིག་ཆའི་དོན་སྙིང་གལ་ཆེན།
          ཞིང་ལས་པུའུ་ཡི《ཞིང་སྡེའི་ས་ཞིང་འགན་གཙང་ལེན་བྱེད་པའི་བདག་གཉེར་བདག་དབང་གི་ཐོ་འགོད་ཚོད་ལྟ་བྱ་བའི་བསམ་འཆར་གྱི་སྐོར》ལས་གཏན་འབེབས་ལྟར་ན། ས་ཞིང་གི་འགན་གཙང་ལེན་བྱེད་པའི་བདག་གཉེར་བདག་དབང་གི་ཐོ་འགོད་ཡིག་ཆ་ནི་ས་ཞིང་གི་འགན་གཙང་ལེན་བདག་གཉེར་བདག་དབང་གི་རྩོད་གླེང་བར་འདུམ་བྱེད་པའི་བདེན་དཔང་ཡིག་ཆ་གལ་ཆེན་ཞིག་ཡིན།
          ལྔ། འབྲེལ་ཡོད་ཡིག་ཆ།
          ཞིང་ཆེན་བུད་མེད་ལྷན་ཚོགས་དང་ཞིང་ཆེན་ཞིང་ཕྱུགས་ཐིན། ཞིང་ཆེན་རྒྱལ་དབང་ས་ཁོངས་ཐོན་ཁུངས་ཐིན། ཞིང་ཆེན་སྡོད་ཁང་དང་མཁར་གྲོང་འཛུགས་སྐྲུན་ཐིན། ཞིང་ཆེན་དམངས་སྲིད་ཐིན་བཅས་སྡེ་ཁག་ལྔ་ཡིས《ཞིང་སྡེའི་ས་ཞིང་གི་འགན་གཙང་ལེན་བདག་གཉེར་དབང་ཆ་དང་སྡོད་ཁང་གི་རྟེན་གཞིའི་བཀོལ་སྤྱོད་དབང་ཆ། ཁང་བའི་བདག་དབང་གཏན་འབེབས་བདག་དབང་ཐོ་འགོད་ཁྲོད་ཁྲིམས་བསྟུན་སྒོས་བུད་མེད་ཀྱི་བདག་དབང་ལ་འགེབས་སྲུང་བྱེད་པའི་བསམ་འཆར》མཚོ་སྔོན་བུད་མེད་ལྷན་ཚོགས་ཀྱིས་བཀྲམས། 2015ལོའི་ཡིག་ཆ་ཨང6པ།
          ཁྲིམས་ལྟར་ཞིང་སྡེའི་བུད་མེད་དང་མཁར་གྲོང་དུ་ཁྱིམ་ཐོ་གནས་སྤོར་བྱས་པའི་ཞིང་བ་དག་གི་སྡོད་ཁང་གི་རྟེན་གཞིའི་བདག་དབང་ལ་འགེབས་སྲུང་བྱེད་པ།
          ནང་དོན་གཙོ་བོ། ཞིང་སྡེའི་བུད་མེད་ནི་ཁྱིམ་ཚང་གི་ཁོངས་མི་ཞིག་ཡིན་པའི་ཆ་ནས། སྡོད་ཁང་གི་རྨང་གཞིའི་བདག་དབང་དེ་ནི་བརྟན་འཇགས་ཐོན་རྫས་ཀྱི་ཐོ་འགོད་དེབ་དང་བདག་དབང་ཡིག་ཆའི་ངོས་སུ་འགོད་དགོས། ཞིང་སྡེའི་བུད་མེད་དག་གཉེན་སྒྲིག་བྱས་པའི་དབང་གིས་སྔོན་ཆད་ཀྱི་ཞིང་བ་གཅིག་བསྡུས་ས་ཁུལ་ནས་བུད་སོང་ན་ཡང་། ཁྱིམ་ཚང་གསར་བའི་སྡོད་ཁང་གི་རྟེན་གཞི་བེད་སྤྱོད་བྱེད་པའི་བདག་དབང་བླངས་ཆོག་ལ། དེ་ཡང་ཁྲིམས་ལྟར་བདག་དབང་གཏན་ཁེལ་ཐོ་འགོད་དང་ཆབས་ཅིག་སྔོན་ཆད་ཀྱི་སྡོད་ཁང་རྟེན་གཞིའི་བེད་སྤྱོད་བདག་དབང་རྩིས་མེད་བཟོ་དགོས།
          བྱ་བའི་དགོས་མཁོ། ས་ཁུལ་སོ་སོའི་བུད་མེད་ལྷན་ཚོགས་ཀྱིས་སྲིད་ཇུས་དྲིལ་སྒྲོག་དང་སྡོད་ཁང་གི་རྟེན་གཞིའི་བདག་དབང་ཐོ་འགོད་མར་སྤྲོད་པར་སྐུལ་འདེད་བྱེད་པའི་སྐབས་སུ་རྒྱལ་ཁབ་དང་ཞིང་ཆེན་རིམ་པའི་རྒྱལ་དབང་ས་ཁོངས་ཐོན་ཁུངས་སྡེ་ཁག་གི་ཡིག་ཆའི་དགོངས་དོན་ལག་བསྟར་དངོས་འབབ་བྱེད་པ་དང་། ཚོད་ལྟའི་ས་ཁུལ་གྱི་འཕེལ་རྒྱས་ལ་རྒྱུས་ལོན་ཟབ་མོ་བྱེད་པ། བུད་མེད་དག་གིས་སྡོད་ཁང་གི་རྟེན་གཞི་དང་ཁ་གསབ་བཀོད་བདེའི་བརྒྱུད་རིམ་ཁྲོད་དྲང་བདེན་གྱི་ཁེ་དབང་ཉམས་མྱོང་འཚོལ་བཤེར་བྱེད་ཆོག