ཕེང་ཆིང་ཧྭ་ཡིས་ཚོགས་འདུར་གཙོ་སྐྱོང་གནང་བར་མ་ཟད་གསུང་བཤད་གནང་།  ཏུའུ་ཡུས་ཞིན་གྱིས་ཀྱང་གསུང་བཤད་གནང་།

       དབྱིན་ལི་དང་ཁོ་ཙུན་ཕིང་།  ཀྲང་པའེ་རུའུ།  ཏེང་ཞའོ་ཀང་བཅས་ཚོགས་འདུར་ཞུགས། 

        སྤྱི་ཟླ་6ཚེས་6ཉིན་གྱི་སྔ་དྲོར།  ཞིང་ཨུའི་སྐབས་བཅུ་གཅིག་པའི་ཚང་འཛོམས་གྲོས་ཚོགས་ཐེངས་ལྔ་པའི་གྲོས་ཚོགས་ཐེངས་དང་པོ་དང་ཞིང་ཆེན་ཡོངས་ཀྱི་“ཐོག་མའི་བསམ་འདུན་མི་བརྗེད་པར།  འགན་འཁྲི་བློ་ལ་བརྟན་པོར་ངེས་པའི་”བརྗོད་དོན་གཙོ་བོའི་སློབ་གསོའི་ལས་དོན་ཚོགས་འདུ་ཁྲེན་ཏུའུ་རུ་འཚོགས། ཚོགས་འདུ་དེ་བརྙན་འཕྲིན་ཚོགས་འདུའི་རྣམ་པ་ལྟར་རྫོང་རིམ་པའི་ཡན་དུ་འཚོགས་ཤིང་།  གྲོང་ཁྱེར་(ཁུལ་)དང་རྫོང་(གྲོང་ཁྱེར་དང་ས་ཁུལ་)དུ་ཡན་ལག་ཚོགས་ར་བཙུགས། ཚོགས་འདུའི་ཐོག་“ཐོག་མའི་བསམ་འདུན་མ་བརྗེད་པར།  འགན་འཁྲི་བློ་ལ་བརྟན་པོར་ངེས་པའི་”བརྗོད་དོན་གཙོ་བོའི་སློབ་གསོའི་ལས་དོན་ཚོགས་འདུའི་ཐོག་གི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་གྱི་དགོངས་དོན་ལ་སློབ་སྦྱོང་ལག་བསྟར་ནན་ཏན་བྱེད་པ་དང་།  ཏང་ཀྲུང་དབྱང་གི་བཀོད་སྒྲིག་བླང་བྱ་ཁྱོན་ཡོངས་ནས་དོན་འཁྱོལ་བྱེད་པ། རང་རེའི་ཞིང་ཆེན་གྱིས་“ཐོག་མའི་བསམ་འདུན་མི་བརྗེད་པར།  འགན་འཁྲི་བློ་ལ་བརྟན་པོར་ངེས་པའི་”བརྗོད་དོན་གཙོ་བོའི་སློབ་གསོའི་སྐུལ་སློང་དང་བཀོད་སྒྲིག་བྱེད་པ།  《ཀྲུང་གུང་སི་ཁྲོན་ཞིང་ཨུའི་“ཐོག་མའི་བསམ་འདུན་མི་བརྗེད་པར།  འགན་འཁྲི་བློ་ལ་བརྟན་པོར་ངེས་པའི་”བརྗོད་དོན་གཙོ་བོའི་སློབ་གསོ་དང་འབྲེལ་བའི་ལག་བསྟར་བསམ་འཆར།》ལ་གྲོས་བསྡུར་བྱས།  ཞིང་ཨུའི་ཧྲུའུ་ཅི་ཕེང་ཆིང་ཧྭ་ཡིས་ཚོགས་འདུར་གཙོ་སྐྱོང་གནང་བར་མ་ཟད་གསུང་བཤད་གནང་། “ཐོག་མའི་བསམ་འདུན་མི་བརྗེད་པར།  འགན་འཁྲི་བློ་ལ་བརྟན་པོར་ངེས་པའི་”བརྗོད་དོན་གཙོ་བོའི་སློབ་གསོའི་ཀྲུང་དབྱང་གི་མཛུབ་སྟོན་ཚོ་ཆུང་བཅུ་པའི་ཙུའུ་ཀྲང་ཀྲང་ཏུའུ་ཡུས་ཀྱིས་གཏམ་བཤད་གནང་། ཞིང་ཨུའི་ཧྲུའུ་ཅི་གཞོན་པ་དང་ཞིང་དཔོན་དབྱིན་ལི།  ཞིང་ཆེན་སྲིད་གྲོས་ཀྱི་ཀྲུའུ་ཞི་ཁོ་ཙུན་ཕིང་།  ཀྲུང་དབྱང་གི་མཛུབ་སྟོན་ཚོ་ཆུང་བཅུ་པའི་ཙུའུ་ཀྲང་གཞོན་པ་ཀྲང་པའེ་རུའུ།  ཞིང་ཨུའི་ཧྲུའུ་ཅི་གཞོན་པ་ཏེང་ཞའོ་ཀང་བཅས་ཚོགས་འདུར་ཞུགས།

        ཕེང་ཆིང་ཧྭ་ཡིས།  ཏང་ཡོངས་སུ་“ཐོག་མའི་བསམ་འདུན་མི་བརྗེད་པར།  འགན་འཁྲི་བློ་ལ་བརྟན་པོར་ངེས་པའི་”བརྗོད་དོན་གཙོ་བོའི་སློབ་གསོ་སྤེལ་བ་ནི།  བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གི་རླབས་ཆེན་གྱི་འཐབ་རྩོད་དང་། རླབས་ཆེན་གྱི་ལས་གཞི།  རླབས་ཆེན་གྱི་བྱ་གཞག  །རླབས་ཆེན་གྱི་ཕུགས་འདུན་བཅས་ལ་གནང་བའི་བཀོད་སྒྲིག་གལ་ཆེན་ཞིག་རེད།  སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་“ཐོག་མའི་བསམ་འདུན་མི་བརྗེད་པར།  འགན་འཁྲི་བློ་ལ་བརྟན་པོར་ངེས་པའི་”བརྗོད་དོན་གཙོ་བོའི་སློབ་གསོའི་ལས་དོན་ཚོགས་འདུའི་ཐོག་གནང་བའི་གསུང་བཤད་གལ་ཆེན་དང་།  བརྗོད་དོན་གཙོ་བོའི་སློབ་གསོའི་དོན་སྙིང་གལ་ཆེན་ལ་རྒྱས་བཤད་གཏིང་ཟབ་གནང་བ།  བརྗོད་དོན་གཙོ་བོའི་སློབ་གསོའི་སྤྱིའི་བླང་བྱ་དང་།  ལས་འགན་གྱི་དམིགས་ཡུལ།  གཙོ་གནད་བྱ་ཐབས་བཅས་རྒྱས་བཤད་གཏིང་ཟབ་གནང་ནས།  སྤུས་ཚད་མཐོ་བའི་ངང་བརྗོད་དོན་གཙོ་བོའི་སློབ་གསོ་སྤེལ་རྒྱུར་བྱ་སྤྱོད་ཀྱི་གཞི་འཛིན་ས་མཁོ་འདོན་གནང་ཡོད།  ཞིང་ཆེན་ཡོངས་ཀྱི་རིམ་པ་ཁག་གི་ཏང་རྩ་འཛུགས་ཀྱིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་གྱི་དགོངས་དོན་ལ་སློབ་སྦྱོང་ལག་བསྟར་ནན་ཏན་བྱེད་པ་དང་།  བརྗོད་དོན་གཙོ་བོའི་སློབ་གསོའི་རྩ་བའི་ལས་འགན་ནན་པོ་འཛིན་པ།  “ཐོག་མའི་བསམ་འདུན་སྲུང་བ་དང་། འགན་འཁྲི་འཁུར་ཕོད་པ། ཧེ་བག་འཚོལ་བ། དོན་འཁྱོལ་ལ་དམ་འཛིན་བྱེད་པ་”བཅས་ཀྱི་སྤྱིའི་བླང་བྱ་ལ་གཞི་བཟུང་ནས།  སློབ་སྦྱོང་སློབ་གསོ་དང་བརྟག་དཔྱད་ཞིབ་འཇུག  །གནད་དོན་ཞིབ་བཤེར།  དག་ཐེར་དོན་འཁྱོལ་བཅས་བརྗོད་དོན་གཙོ་བོའི་སློབ་གསོའི་བརྒྱུད་རིམ་ཧྲིལ་པོར་ཁྱབ་པ་དང་།  རིག་གཞུང་བསླབས་ནས་གྲུབ་འབྲས་ཐོབ་པ་དང་།  བསམ་བློ་དང་ཆབ་སྲིད་ལ་རྟོགས་སད་ཡོང་བ།  ལས་སྒྲུབ་གསར་གཏོད་ཀྱི་འགན་འཁུར་ཕོད་པ།  དམངས་ལ་ཞབས་འདེགས་ཞུ་བའི་དཀའ་གནད་སེལ་བ།  སྤྱོད་གཙང་གཞུང་དྲང་གི་མིག་དཔེ་སྟོན་པ་བཅས་བྱས་ཏེ།  སི་ཁྲོན་བཅོས་སྐྱོང་གི་སྐས་རིམ་གསར་པ་ལ་སླེབས་པར་སྐུལ་འདེད་ཧུར་ཐག་བཏང་ནས།  དུས་རབས་གསར་པའི་ཏང་གི་ལོ་རྒྱུས་ཀྱི་འགན་འཁྲི་མངོན་གྱུར་ཡོང་ཆེད་འབད་བརྩོན་ལྷོད་མེད་བྱ་དགོས་ཞེས་བསྟན།

        ཏུའུ་ཡུས་ཞིན་གྱིས།  སི་ཁྲོན་གྱིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་གྱི་དགོངས་དོན་དང་ཏང་ཀྲུང་དབྱང་གི་བཀོད་སྒྲིག་བླང་བྱ་ལ་སློབ་སྦྱོང་ལག་བསྟར་ནན་ཏན་བྱས་ཏེ།  བརྗོད་དོན་གཙོ་བོའི་སློབ་གསོའི་ལས་འགན་ཁག་ཆད་ལུས་མེད་པར་དོན་འཁྱོལ་ཡག་པོ་བྱ་དགོས་པ་དང་།  རྩ་བའི་ལས་འགན་ལ་དམིགས་ཏེ།  ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་ལ་སློབ་སྦྱོང་དང་ལག་བསྟར་གཏིང་ཟབ་བྱ་རྒྱུ་དེ་མངོན་གསལ་དོད་ཤོས་ཀྱི་གཙོ་ཐིག་ཏུ་བརྩིས་ནས།  བརྗོད་དོན་གཙོ་བོའི་སློབ་གསོའི་བརྒྱུད་རིམ་ཧྲིལ་པོ་དང་ཕྱོགས་ཁག་ཡོངས་རྫོགས་ལ་དོན་འཁྱོལ་བྱ་དགོས།  “ཡིག་འབྲུ་བཅུ་གཉིས་”ཀྱི་སྤྱིའི་བླང་བྱ་ཁོང་དུ་ཆུད་པར་བྱས་ཏེ།  རིམ་པ་ཁག་གི་ཏང་རྩ་འཛུགས་དང་ཏང་ཡོན་ལས་བྱེད་པས་སློབ་སྦྱོང་སློབ་གསོ་དང་།  གནད་དོན་ལ་ལྟ་ཞིབ་བྱེད་དུས་ཐོག་མའི་བསམ་འདུན་རྟོགས་པ་དང་།  ཐོག་མའི་བསམ་འདུན་སྲུང་བ་བཅས་བྱེད་པར་སྐུལ་འདེད་གཏོང་བ།  དག་ཐེར་ཡོ་བསྲང་དོན་འཁྱོལ་དང་གནད་དོན་ཐག་གཅོད་བྱེད་དུས་དཔའ་ངར་ཆེན་པོས་བྱས་རྗེས་འཇོག་པ་དང་།  འགན་འཁྲི་ལག་བསྟར་བྱ་དགོས།  “སྐད་ཆ་ཚིག་ལྔའི་”དམིགས་འབེན་ལ་དམ་པོར་དམིགས་ཏེ།  ཀྲུང་དབྱང་གི་བཀོད་སྒྲིག་དང་ཞིང་ཨུས་གཏན་ལ་ཕབ་པའི་ཆེད་དོན་དག་ཐེར་བཅོས་སྐྱོང་གི་ལས་འགན་དམ་འཛིན་བྱས་ཏེ།  མི་དམངས་མང་ཚོགས་ཀྱི་ཐོབ་ཚོར་དང་། བདེ་སྐྱིད་ཚོར་སེམས། བདེ་འཇགས་ཚོར་སེམས་བཅས་རྒྱུན་མི་ཆད་པར་ཆེ་རུ་གཏང་དགོས།  “ཐོག་མཐའ་བར་གསུམ་དུ་ཁྱབ་པ་”བཞི་མཐའ་འཁྱོངས་དང་།  སློབ་སྦྱོང་དང་ལག་ལེན་ཟུང་འབྲེལ་བྱེད་པ།  ཞིབ་བཤེར་དང་ལེགས་བཅོས་འབྲེལ་མཐུད་བྱེད་པ།  བསམ་བློའི་རང་རྟོགས་ཀྱིས་བྱ་སྤྱོད་ཀྱི་རང་རྟོག་ལ་སྣེ་ཁྲིད་བྱེད་པ།  བྱ་སྤྱོད་ཀྱི་རང་རྟོགས་དེ་བསམ་བློའི་རང་རྟོགས་སུ་གཏིང་ཟབ་གཏོང་བ་བཅས་བྱ་དགོས།  ཕྱི་ཚུལ་རིང་ལུགས་འགོག་གང་ཐུབ་དང་།  བརྗོད་དོན་གཙོ་བོའི་སློབ་གསོར་སྐུལ་སྤེལ་གཏོང་སྟངས་ལེགས་བཅོས་བྱེད་པ།  སྲོལ་ངན་ལུགས་ངན་ཇེ་ཉུང་གཏོང་བ།  གཞི་རིམ་གྱི་ཁུར་པོ་ཇེ་ཡང་གཏོང་བ་བཅས་བྱས་ཏེ།  སྤྱོད་ཚུལ་བཟང་པོར་བརྟེན་ནས་བརྗོད་དོན་གཙོ་བོའི་སློབ་གསོར་ཕན་འབྲས་བཟང་པོ་ཐོན་པར་འགན་ལེན་བྱ་དགོས་ཞེས་བསྟན།
        ཚང་འཛོམས་གྲོས་ཚོགས་ཐེངས་དང་པོ་དང་ཞིང་ཆེན་ཡོངས་ཀྱི་“ཐོག་མའི་བསམ་འདུན་མི་བརྗེད་པར།  འགན་འཁྲི་བློ་ལ་བརྟན་པོར་ངེས་པའི་”བརྗོད་དོན་གཙོ་བོའི་སློབ་གསོའི་ལས་དོན་ཚོགས་འདུ་མཇུག་འགྲིལ་རྗེས་ཚོགས་ཆུང་ཁག་བགོས་ནས་གྲོས་བསྡུར་བྱས།  ཕྱི་དྲོ་ཚང་འཛོམས་གྲོས་ཚོགས་ཐེངས་གཉིས་པ་འཚོགས་ཏེ་《ཀྲུང་གོ་གུང་ཁྲན་ཏང་སི་ཁྲོན་ཞིང་ཆེན་ཨུ་ཡོན་ལྷན་ཁང་གི་སྐབས་བཅུ་གཅིག་པའི་ཚང་འཛོམས་གྲོས་ཚོགས་ཐེངས་ལྔ་པའི་སྤྱི་བསྒྲགས།》ལ་གྲོས་ཞིབ་བྱས་ནས་གྲོས་འཆམ་བྱུང་།  ཕེང་ཆིང་ཧྭ་ཡིས་གསུང་བཤད་གནང་ནས།  ཞིང་ཆེན་ཡོངས་ཀྱི་ས་གནས་ཁག་དང་སྡེ་ཁག་དག་གིས་སྤྱི་ཁྱབ་ཧྲུའུ་ཅི་ཞི་ཅིན་ཕིན་གྱི་གསུང་བཤད་གལ་ཆེན་གྱི་དགོངས་དོན་ལ་སློབ་སྦྱོང་དང་ལག་བསྟར་གཏིང་ཟབ་བྱེད་པ་དང་།  ཐེངས་འདིའི་ཚང་འཛོམས་གྲོས་ཚོགས་ཀྱི་དགོངས་དོན་དོན་འཁྱོལ་ནན་ཏན་བྱེད་པ།  བསམ་བློ་དང་བྱ་སྤྱོད་ཐད་ཏང་ཀྲུང་དབྱང་དང་ཞིང་ཆེན་ཏང་ཨུའི་བཀོད་སྒྲིག་དང་བླང་བྱའི་ཐོག་གཅིག་གྱུར་ནན་ཏན་བྱེད་པ།  ཚད་མཐོའི་ཆབ་སྲིད་ཀྱི་འགན་འཁྲི་འཁུར་སེམས་དང་ལས་འགན་སྒྲུབ་སེམས་ལ་བརྟེན་ནས་བརྗོད་དོན་གཙོ་བོའི་སློབ་གསོ་དམ་འཛིན་བྱས་ཏེ།  དོན་དམ་པའི་ཕན་འབྲས་ཐོབ་པར་འགན་ལེན་ནན་ཏན་བྱ་དགོས་པའི་བླང་བྱ་བཏོན།  ཕེང་ཆིང་ཧྭ་ཡིས་ད་དུང་མིག་སྔའི་གནས་བབས་ཀྱི་ལས་འགན་ཁོང་དུ་ཡང་དག་ཆུད་པ་དང་རང་རེའི་ཞིང་ཆེན་གྱི་ལས་དོན་སྔར་ལས་ཡག་པོར་བསྒྲུབ་རྒྱུའི་ཐད་བཀོད་སྒྲིག་གནང་བ་རེད།
        ཚང་འཛོམས་གྲོས་ཚོགས་དེ་བརྗིད་ཉམས་ལྡན་པའི་《རྒྱལ་སྤྱིའི་གླུ་དབྱངས།》ཁྲོད་རྒྱལ་ཁའི་ངང་མཇུག་སྒྲིལ་བ་རེད་རེད།
        ཀྲུང་དབྱང་གི་མཛུབ་སྟོན་ཚོ་ཆུང་བཅུ་པའི་ཁོངས་མི།  ཞིང་ཨུ་དང་།  ཞིང་ཆེན་མི་དམངས་འཐུས་ཚོགས་ཀྱི་རྒྱུན་ལས་ཨུ་ཡོན།  ཞིང་ཆེན་སྲིད་གཞུང་།  ཞིང་ཆེན་སྲིད་གྲོས་བཅས་ཀྱི་འགོ་ཁྲིད།  ཞིང་ཆེན་རིམ་པའི་བློ་མཐུན་རྒན་གྲས་ཁ་ཤས།  ཞིང་ཆེན་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་གི་རྒྱུན་ལས་ཨུ་ཡོན།  ཞིང་ཆེན་ཨུ་ཡོན་ལྷན་ཁང་གི་སྐོར་ཞིབ་ཚོ་ཆུང་ཁག་གི་འགོ་འཛིན།  གྲོང་ཁྱེར་(ཁུལ)ཁག་དང་།  ཞིང་ཆེན་ཐད་གཏོགས་སྡེ་ཁག་(སྡེ་ཚན་ཁག་)དང་། སི་ཁྲོན་དུ་བཅའ་སྡོད་བྱས་པའི་ཀྲུང་དབྱང་གི་སྒྲིག་གཞི།  སི་ཁྲོན་དུ་ཡོད་པའི་ཁེ་ལས་དང་བྱ་ལས་སྡེ་ཚན་བཅས་ཀྱི་འགན་འཁུར་བློ་མཐུན་གཙོ་བོ།  དམངས་གཙོའི་ཏང་ཤོག་ཁག་གི་ཞིང་ཨུའི་དང་།  ཞིང་ཆེན་བཟོ་ཚོང་མཉམ་འབྲེལ་ལྷན་ཚོགས་ཀྱི་འགན་ཁུར་པ་དང་ཏང་ཤོག་གང་ལའང་མི་གཏོགས་པའི་མི་སྣའི་འཐུས་མི།  ཞིང་ཆེན་ཨུ་ལྷན་གྱི་བརྗོད་དོན་གཙོ་བོའི་སློབ་གསོའི་སྐོར་སྐྱོད་མཛུབ་སྟོན་ཚོ་ཆུང་གི་ཙུའུ་ཀྲང་དང་ཚོགས་གཙོ་གཞོན་པ།  ཏང་གི་ཚོགས་ཆེན་བཅུ་དགུ་པའི་འཐུས་མི་ཁག་གཅིག་དང་ཞིང་ཆེན་ཏང་གི་འཐུས་མི་ཚོགས་ཆེན་ཐེངས་བཅུ་གཅིག་པའི་འཐུས་མིའི་ཁྲོད་ཀྱི་གཞི་རིམ་བློ་མཐུན་སོགས་ཚོགས་ར་གཙོ་བོའི་ཐོག་སྔ་དྲོའི་ཚོགས་འདུར་ཞུགས་ཡོད་པ་རེད། །