སྤྱི་ཟླ་10པའི་ཚེས་15ཉིན། དཀར་མཛེས་ཁུལ་གྱི་ཞིང་ལས་ཐོན་རྫས་འགྲེམ་སྟོན་དང་མི་རིགས་ཀྱི་ཐུན་མོང་མ་ཡིན་པའི་བཟའ་བཅའི་རིག་གནས་ཁྱབ་སྤེལ། ཞིང་ལས་དང་ཡུལ་སྐོར་ཕན་ཚུན་སྐུལ་འདེད་གཏོང་བ་བཅས་ཀྱི་ཆེད།  དཀར་མཛེས་ཀྱི་ཟས་མཆོག་ལ་རོ་མྱོང་བྱེད་པ་ཞེས་པ་བརྗོད་བྱས་པའི་2014ལོའི་ས་གནས་རང་གི་ཞིང་ལས་ཐོན་རྫས་གཡོ་སྐོལ་ལག་རྩལ་འགྲན་བསྡུར་དུང་དཀར་ལུང་པ་ནས་སྤེལ་ཞིང་། བྱེད་སྒོའི་བརྗོད་དོན་གཙོ་བོ་ནི་དཀར་མཛེས་ཀྱི་ཟས་མཆོག དྭངས་གཙང་གི་སྐྱེས་ཁམས་ཞེས་པ་དེ་ཡིན། དེ་ཡང་དཀར་མཛེས་ཁུལ་གྱི་སྐྱེས་ཁམས་ཁྱད་ཐོན་བཟའ་བཅའ་དག་འགྲེམ་སྟོན་དང་ཚལ་རིགས་མིང་གྲགས་ཅན། དེ་བཞིན་ཕུལ་དུ་བྱུང་བའི་གཡོ་སྐོལ་གྱི་ལག་རྩལ་སོགས་ཕྱིར་ངོམས་ཡོད། །