ཟླ་7ཚེས་24ཉིན། མིང་ལ“ཉམས་དོད་པའི་ཁམས་པ་བ”ཞེས་པའི་ཁམས་ཁུལ་གྱི་ཡུལ་སྲོལ་གོམས་གཤིས་ལྡན་པའི་གྲོང་ཁྱེར་དུ་སྐོར་སྐྱོད་འཁྲབ་སྟོན་བྱེད་པའི་བྱེད་སྒོ་མཚོ་སྔོན་ཞིང་ཆེན་ཡུལ་ཤུལ་བོད་རིགས་རང་སྐྱོང་ཁུལ་གྱི་ལྟེ་བའི་གྲོང་ཁྱེར་ཡུལ་ཤུལ་དུ་སྤེལ་བ་རེད། ཉིན་དེར་ཡུལ་ཤུལ་ཁུལ་གྱི་གྲོང་ཁྱེར་གཅིག་དང་རྫོང་ལྔ་ནས་ཡོང་བའི་ཁམས་ཁུལ་གྱི་བུ་ཕྲུག་ཚོས་རྟ་ཞོན་པ་དང་།  རྒྱན་ཆས་སྤྲས་པ།  གླུ་ལེན་གར་འཁྲབ་བཅས་ཀྱི་སྐོར་སྐྱོད་འཁྲབ་སྟོན་གྱི་རྣམ་པའི་ཐོག་ནས་ས་གནས་དེ་གའི་མི་རིགས་ཀྱི་ཡུལ་སྲོལ་གོམས་གཤིས་དང་རིག་གནས་མངོན་པར་བྱས་པ་རེད།