ཉེ་ལམ་ལོ་ཤས་རིང་། རང་ལྗོངས་ཀྱིས“ལས་ཞུགས་སྟོན་ཕྱོགས་སུ་བྱེད་པ་དང་། ཞབས་ཞུ་དམིགས་ཡུལ་དུ་བྱེད་རྒྱུ”མཐའ་འཁྱོངས་བྱས་ཏེ་རྩལ་ནུས་སློབ་གསོར་ཤུགས་སྣོན་རྒྱག་པ་དང་། ལས་རིགས་སློབ་གསོའི་ནུས་པ་འཛུགས་སྐྱོང་གི་ལས་དོན་ནན་ཏན་ངང་སྒྲུབ་པ། ལས་རིགས་སློབ་གླིང་གི་སློབ་གཉེར་ཆ་རྐྱེན་ལེགས་སུ་གཏོང་བ། ཆེད་ལས་བཀོད་སྒྲིག་དེ་བས་འཐུས་སྒོ་ཚང་དུ་གཏོང་བ་བཅས་བྱས་པས་རང་ལྗོངས་ལ་བྱང་ཚད་མཐོ་བའི་རྩལ་ནུས་ཤེས་ལྡན་མི་སྣ་འབོར་ཆེན་ཞིག་གསོ་སྐྱོང་བྱས་པ་མ་ཟད། ད་དུང་ཁྱིམ་ཚང་དབུལ་པོའི་ཕྲུ་གུ་ལས་ཞུགས་ལམ་བུའི་ཐོག་སྐྱོད་ཐུབ་པ་བྱས་ཤིང་། འདི་ནི་ལྷ་ས་གྲོང་ཁྱེར་འབྲིང་རིམ་ལས་རིགས་ལག་རྩལ་སློབ་གྲྭ་གཉིས་པའི་དངོས་སྦྱོང་འཁོར་ཁང་ནང་སློབ་མས་དགེ་རྒན་གྱི་མཛུབ་ཁྲིད་འོག་སློབ་སྦྱོང་བྱེད་བཞིན་པ།
