སྤྱི་ཟླ་10པའི་ཚེས་16ཉིན་གྱི་སྔ་དྲོར། སྐབས་ཉེར་བདུན་པའི་འཛམ་གླིང་ནང་པའི་དད་ལྡན་པ་མཐུན་འབྲེལ་ལྷན་ཚོགས་ཀྱི་ཚོགས་ཆེན་ཧྲན་ཞི་ཞིང་ཆེན་པའོ་ཅི་གྲོང་ཁྱེར་དུ་འཚོགས་འགོ་བརྩམས་ཤིང་། ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་རྒྱུན་ལས་ཨུ་ཡོན་དང་རྒྱལ་ཡོངས་སྲིད་གྲོས་ཀྱི་ཀྲུའུ་ཞི་ཡུས་ཀྲེན་ཧྲེང་གིས་ཚོགས་ཆེན་ལ་རྟེན་འབྲེལ་ཞུ་བའི་འཕྲིན་ཡིག་གནང་།

            ཡུས་ཀྲེན་ཧྲེང་གིས་རྟེན་འབྲེལ་ཞུ་ཡིག་ནང་། སྐབས་ཉེར་བདུན་པའི་འཛམ་གླིང་ནང་པའི་དད་ལྡན་པ་མཐུན་འབྲེལ་ལྷན་ཚོགས་ཀྱི་ཚོགས་ཆེན་གཟབ་རྒྱས་ངང་འཚོགས་འགོ་བརྩམས་པའི་སྐབས་འདིར། ངས་ཀྲུང་གོའི་སྲིད་གཞུང་དང་མི་དམངས་ཀྱི་ཚབ་ཞུས་ཏེ་ཚོགས་ཆེན་ལ་ཞུགས་པའི་རྒྱལ་ཁབ་ཕྱི་ནང་གི་ནང་པའི་ཆོས་ལུགས་ལས་རིགས་ཀྱི་གྲོགས་པོ་ཚོར་སྤྲོ་སེམས་འཁོལ་བའི་ངང་ནས་དགའ་བསུ་དང་ལྷག་བསམ་རྣམ་དག་གིས་འཚམས་འདྲི་ཞུ་རྒྱུ་ཡིན། ནང་པའི་བསྟན་པ་ནི་དམངས་ཁྲོད་ནས་བྱུང་ཞིང་། ཞི་བདེ་དང་། བྱམས་སྙིང་རྗེ། བཏང་སྙོམས། སངས་རྒྱས་པ་བཅས་དར་སྤེལ་གཏོང་གི་ཡོད་པ་དང་། མི་རྣམས་ལ་དགེ་བ་བསྒྲུབ་པའི་བསླབ་བྱ་གཏོང་བ་དང་དགེ་བའི་ཕྱོགས་སུ་སྣེ་ཁྲིད་ཀྱི་ཡོད། ཤེས་རིག་མི་འདྲ་བའི་བར་ཕན་ཚུན་སྤེལ་རེས་དང་དཔྱད་གཞིའི་མེ་ལོང་དུ་འཛིན་པར་སྐུལ་འདེད་བཏང་སྟེ། འཛམ་གླིང་ཡུན་རིང་ཞི་བདེ་དང་ཐུན་མོང་དུ་དར་རྒྱས་གོང་འཕེལ་ཡོང་བར་སྐུལ་སྤེལ་གཏོང་ཆེད་ལེགས་སྐྱེས་སྔར་ལས་ཆེ་བ་འབུལ་རྒྱུའི་རེ་བ་ཡོད་ཅེས་འཁོད་འདུག