སྤྱི་ཟླ་7པའི་ཚེས་26ཉིན།  ཞིང་ཆེན་ཡོངས་ཀྱི་བོད་ཁུལ་གྱི་དབུལ་ཞྭ་ཕུད་པའི་རྫོང་གི་དབུལ་ཐར་འགག་སྒྲོལ་ལས་ཀར་སྐུལ་འདེད་གཏོང་བའི་ཚོགས་འདུ་དེ་དཀར་མཛེས་ཁུལ་གྱི་བྲག་འགོ་རྫོང་དུ་འཚོགས་པ་རེད། ཞིང་ཆེན་ཏང་ཨུའི་རྒྱུན་ཨུ། ཞིང་ཆེན་ཐད་གཏོགས་ལས་ཁུངས་ཀྱི་ལས་དོན་ཨུ་ཡོན་གྱི་ཧྲུའུ་ཅི་ཆུས་མུའུ་ཧྲི་ཧ་གྲོས་ཚོགས་ནང་ཞུགས་ཤིང་གསུང་བཤད་གལ་ཆེན་གནང་བ་རེད། ཞིང་ཆེན་སྲིད་གཞུང་གི་ཞིང་དཔོན་གཞོན་པ་རྡོ་རྗེ་རབ་བརྟན་གྱིས་གྲོས་ཚོགས་གཙོ་འགན་བཞེས་པ་རེད། ཞིང་ཆེན་སྲིད་གཞུང་གི་དྲུང་ཡིག་ཆེན་མོ་གཞོན་པ། ཞིང་ཆེན་དབུལ་སྐྱོར་གསར་སྦོལ་ཅུས་ཀྱི་ཅུས་ཀྲང་རྒྱ་མཚོ། ཁུལ་ཨུའི་ཧྲུའུ་ཅི་གཞོན་པ། ཁུལ་དཔོན་ཞའོ་ཡིའུ་ཚའེ་གྲོས་ཚོགས་ནང་ཞུགས་ཡོད། ཆུས་མུའུ་ཧྲི་ཧ་ཡིས་གསུངས་དོན། ཉེ་བའི་ལོ་འགའ་ལ་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གིས་དམངས་འཚོ་ལེགས་སུ་གཏོང་བ་དང་མི་སེམས་གོང་བུ་འགྲིལ་བ་དེ་འགོ་འཛུགས་ས་དང་དོན་ལ་འབབ་སར་བྱས་ནས་བོད་ཁུལ་གྱི་དབུལ་སེལ་འགག་སྒྲོལ་ལས་ཀར་སྐུལ་འདེད་བཏང་བར་བརྒྱུད། བོད་ཁུལ་དབུལ་ཐར་འགག་སྒྲོལ་ལས་ཀར་གྲུབ་འབྲས་ཆེན་པོ་ཐོབ་ཅིང་། མང་ཚོགས་ཀྱི་ཐོན་སྐྱེད་དང་འཚོ་བའི་ཆ་རྐྱེན་ལེགས་སུ་གཏོང་ཐུབ་ཡོད། མིག་སྔར་བོད་ཁུལ་གྱི་དབུལ་སེལ་འགག་སྒྲོལ་ལས་ཀ་དེ་གནད་འགག་གི་དུས་སུ་སླེབས་པས། ངེས་པར་དུ་མུ་མཐུད་ནས་འབད་བརྩོན་ལྷོད་མེད་བྱས་ནས་མཐའ་གཅིག་ཏུ་བོད་ཁུལ་གྱི་དབུལ་སེལ་འགག་སྒྲོལ་ཆེན་པོ་ལས་རྒྱལ་ཁ་འཐོབ་པ་བྱ་དགོས། ཁོང་གིས་ནན་གསུང་གནང་དོན། ཚང་མས་སྤྱི་ཁྱབ་ཧྲུའུ་ཅི་ཞི་ཅིན་ཕིང་ལགས་ཀྱི་དབུལ་སེལ་འགག་སྒྲོལ་སྐོར་གྱི་རྣམ་བཤད་གལ་ཆེན་གྱིས་ཁྲིད་སྟོན་བྱས་ཏེ་ཀྲུང་དབྱང་དང་ཞིང་ཆེན་ཏང་ཨུ། སྲིད་གཞུང་གི་དབུལ་སེལ་འགག་སྒྲོལ་ཐད་ཀྱི་ཇུས་ཆོད་བཀོད་སྒྲིག་ལྟར་གོང་འོག་ཚང་མས་སེམས་ཤུགས་གཅིག་སྒྲིལ་དང་རྡོག་རྩ་གཅིག་སྒྲིལ་གྱིས་དཀའ་གནད་སེལ་བ། མཐའ་གཅིག་ཏུ་བོད་ཁུལ་གྱི་དབུལ་ཕོངས་རྫོང་ཚང་མ་དབུལ་ཞྭ་ཕུད་ཐུབ་པའི་དམིགས་འབེན་ལས་འགན་འགྲུབ་པ་བྱས་ནས་སྦྱངས་འབྲས་ལེགས་པོའི་ཐོག་ནས་ཀྲུང་གོ་གསར་པ་དབུ་བརྙེས་ནས་ལོ་70འཁོར་བར་ལེགས་སྐྱེས་འབུལ་དགོས། ཞའོ་ཡིའུ་ཚའེ་ཡིས་ཁུལ་ཨུ་དང་ཁུལ་སྲིད་གཞུང་གི་ཚབ་མཛད་དེ་ཤིས་ཚིག་ཕུལ་བ་དང་གསུང་བཤད་གནང་། ཚོགས་ཐོག་ཁུལ་ཨུ་སྒྲིག་འཛུགས་པུའུ་དང་ཞིང་ཆེན་བཅོས་བསྒྱུར་འཕེལ་རྒྱས་ཨུ་ལྷན། ཞིང་ཆེན་འཕྲིན་གཏོང་དོ་དམ་ཅུས་ཀྱི་འཐུས་མིས་ཞིང་ཆེན་ཐད་གཏོགས་སྡེ་ཁག་གི་ཚབ་བྱས་ནས་ཚོགས་ཆེན་ཐོག་གཏམ་བཤད་བྱས། དཀར་མཛེས་ཁུལ་དང་རྔ་བ་ཁུལ་གྱིས་2019ལོའི་བོད་ཁུལ་གྱི་དབུལ་སེལ་འགག་སྒྲོལ་ལས་ཀ་སྤེལ་ཚུལ་སྙན་སེང་ཞུས་པ་རེད། སྡེ་དགེ་རྫོང་དང་སེར་ཤུལ་རྫོང་། འཛམ་ཐང་རྫོང་། རྔ་བ་རྫོང་། དམུ་ལི་རྫོང་བཅས་ཀྱི་ཚོགས་ཆེན་ཐོག་སྤེལ་རེས་གཏམ་བཤད་བྱས་པ་རེད། ཁྲེན་ཏུའུ་གྲོང་ཁྱེར་ཅིན་ཅང་ཆུས་ཀྱི་འཐུས་མིས་ཞིང་ཆེན་ནང་ཁུལ་གྱི་བོད་རིགས་ས་ཁུལ་ལ་རོགས་རམ་བྱེད་མཁན་ས་གནས་ཀྱི་ཚབ་བྱས་ནས་གཏམ་བཤད་བྱས་པ་རེད། །