སྤྱི་ཟླ་8པའི་ཚེས་15ཉིན། ངེད་གསར་འགོད་ཚོ་ཆུང་གསེར་རྟ་རྫོང་མཁར་དང་བར་ཐག་ལེ་དབར་83ཡོད་པའི་སྦོ་མདའ་གྲོང་རྡལ་དུ་བཅར་འདྲིར་བསྐྱོད། སྦོ་མདའ་གྲོང་རྡལ་གྱི་ལྟེ་གནས་སྨན་ཁང་གི་སྒོ་ཆེན་ནས་ནང་དུ་འཛུལ་མ་ཐག །ར་བའི་ལྡུམ་ར་ནས་འཐུལ་ཡོང་བའི་མེ་ཏོག་གི་དྲི་ངད་ཀྱིས་མྱོས་ཞིང་། སྨན་ཁང་ཕྱི་ནང་གི་ཁོ་ར་ཁོར་ཡུག་ཏུ་གཙང་སྦྲ་ལེགས་པོ་བྱས་འདུག །ནད་སྡོད་ཁང་དང་སྒོ་བསྟེན་སྨན་བཅོས་ཁང་གཉིས་ཁ་སྤྲོད་དུ་གནས་ཤིང་། ནད་སྡོད་ཁང་གི་སྒོ་འགྲམ་དུ་སྒྲིག་སྦྱོར་ཆ་ཚང་ལྡན་པའི་མྱུར་སྐྱོབ་རླངས་འཁོར་ཞིག་བཞག་འདུག་ལ། ཕྱིའི་བཟོ་བཀོད་བོད་ལུགས་ཀྱི་ཁྱད་ཆོས་ལྡན་པའི་སྨན་ཁང་དེ་ཉི་འོད་ཀྱི་འོག་ཏུ་ཀྲང་ངེར་འགྱིང་འདུག

གསེར་རྟ་རྫོང་སྦོ་མདའ་གྲོང་རྡལ་ལྟེ་གནས་སྨན་ཁང་དུ་ཁ་གཏད་རོགས་སྐྱོར་དུ་ཡོང་བའི་ཝུན་ཅང་ཆུས་མི་དམངས་སྨན་ཁང་གི་སྨན་པ་ཕང་ཀུའོ་ཁུའོ་ཡིས་ལས་དོན་སྒྲུབ་བཞིན་པ།
对口帮扶色达翁达镇中心医院的温江区人民医院心内科主治医师庞国阔正在工

སྦོ་མདའ་གྲོང་རྡལ་གྱི་ལྟེ་གནས་སྨན་ཁང་ལ་མིང་གཞན་དུ་སྦོ་མདའ་གྲོང་རྡལ་གྱི་འཕྲོད་བསྟེན་ཁང་ཞེས་འབོད་ཅིང་། གསེར་རྟ་རྫོང་མི་དམངས་སྨན་ཁང་གི་ཡན་ལག་སྨན་ཁང་ཞིག་རེད་ལ། སྤྱི་ལོ་2014ལོའི་ཟླ་4པའི་ཚེས་16ཉིན་གསར་དུ་བསྐྲུན་ཞིང་། ལོ་གཅིག་ལྷག་གི་རྗེས་ཏེ་སྤྱི་ལོ་2015ལོའི་ཟླ་10པའི་ཚེས་20ཉིན་ལེགས་གྲུབ་བྱུང་བ་དང་། བསྡོམས་པས་མ་དངུལ་སྒོར་ཁྲི་1300བཏང་བ་རེད། དེ་ལས་གསེར་རྟ་རྫོང་རང་ཉིད་ཀྱིས་འཛུགས་སྐྲུན་ཐད་སྒོར་ཁྲི་436བཏང་བ་དང་ཝུན་ཅང་ཆུས་ཀྱིས་ཁ་གཏད་རོགས་སྐྱོར་དུ་སྒོར་ཁྲི་864བཏང་བ་རེད། སྨན་ཁང་གི་ད་ལྟ་གསར་དུ་སྐྲུན་པའི་ལས་ཀའི་བཀོལ་སྤྱོད་ཁང་པའི་རྒྱ་ཁྱོན་ལ་སྨི་གྲུ་བཞིན་མ་2085.12ཡོད་ལ། འཚོ་བའི་བཀོལ་སྤྱོད་ཁང་པའི་རྒྱ་ཁྱོན་ལ་སྨི་གྲུ་བཞི་མ་1341.66ཡོད། སྨན་ཁང་འཛུགས་སྐྲུན་ལེགས་གྲུབ་བྱུང་རྗེས་དེའི་ཞབས་ཞུའི་ཁྱབ་ཁོངས་སུ་གསེར་རྟ་རྫོང་ཁོངས་ཀྱི་“ཡུལ་ཚོ་བཞི་དང་གྲོང་རྡལ་གཅིག་”གི་མི་གྲངས་13000ལྷག་ཚུད་ཡོད། ད་ལྟ་སྨན་ཁང་དེའི་ནང་སྣ་འཛོམས་སྒོ་བསྟེན་ཚན་ཁག་དང་བོད་སྨན་ཚན་ཁག །སྨན་རྫས་ཁང་། བརྟག་དཔྱད་ཚན་ཁག །གཟུགས་བརྙན་ཚན་ཁག །སྣ་འཛོམས་ནད་སྡོད་ཁང་། སྤྱི་པའི་འཕྲོད་བསྟེན་ཚན་ཁག་སོགས་ཀྱི་སྨན་བཅོས་ཞུབས་ཞུའི་སྡེ་ཁག་འདུས་ཡོད་ལ། བསྡོམས་པས་སྨན་པ་24ཡོད་པ་དང་། དེ་ལས་སྨན་པ་གཉིས་ནི་ཝུན་ཅང་ས་ཁུལ་ནས་ཡོང་བའི་ཁ་གཏད་རོགས་སྐྱོར་གྱི་སྨན་པ་ཡིན།

སྨན་པས་ནད་པར་སྨན་བཅོས་བྱེད་བཞིན་པ།
医生正在帮助住院患者进行治疗

སྒོ་བསྟེན་ཁང་གི་ཐོག་བརྩེགས་གཉིས་པའི་ཐོག་ཏུ། ཝུན་ཅང་ཆུས་ཀྱི་མི་དམངས་སྨན་ཁང་ནས་ཡོང་བའི་སྨན་པ་ཕང་ཀུའོ་ཁུའོ་ཡིས་ནད་པ་ཞིག་ལ་ཟ་འདུག་འགྲོ་གསུམ་ལ་དོགས་ཟོན་དགོས་ཚུལ་དང་།ངེས་པར་དུ་དུས་ལྟར་སྨན་ལ་བསྟེན་ནས་བསྐྱར་དུ་བརྟག་དཔྱད་བྱེད་ས་ཡོང་དགོས་ཚུལ་སོགས་ནན་གྱིས་བཤད་བཞིན་འདུག །ཁོས་གསར་འགོད་པ་ལ་ཁོ་རང་ད་ལོའི་ལོ་འགོ་ལ་གནས་དེར་ལས་དོན་སྒྲུབ་ཏུ་ཡོང་བ་དང་། དེ་གའི་གནམ་གཤིས་ཀྱི་ཆ་རྐྱེན་ཞན་པས། དུས་ཚིགས་རང་བཞིན་གྱི་ནད་རིགས་ཅུང་མང་ཞིང་ཚབས་ཆེ་བ་དང་། སྐབས་འགར་ཉིན་གཅིག་ལ་ནད་པ་20ལྷག་ལ་སྨན་བཅོས་བྱེད་དགོས་ཚུལ་སོགས་བཤད། ད་དུང་ཁོས་གསེར་རྟ་རུ་ལོ་གཅིག་ལྷག་ལ་ལས་དོན་བསྒྲུབ་དགོས་ཤིང་། གནས་དེ་རུ་ཁོས་སྨན་བཅོས་གཅིག་པུ་ཙམ་མིན་པར། ཆེས་གལ་ཆེ་བ་ནི་“སྤེལ་རོགས་ཁྲིད་གསུམ་”གྱི་བསམ་བློ་དར་སྤེལ་གཏང་དགོས་ལ། ས་གནས་དེ་རུ་ལག་རྩལ་བཞག་ནས། ཁྲག་འདྲེན་པ་དེ་ཁྲག་བཟོ་བ་ལ་བསྒྱུར་ཞིང་། དེ་ལས་ལེགས་པ་དང་དེ་ལས་ཡུན་རིང་བའི་སྒོ་ནས་ས་གནས་ཀྱི་མང་ཚོགས་ལ་ཞབས་ཞུ་སྒྲུབ་བཞིན་ཡོད།

ནད་སྡོད་ཁང་གི་ནད་པ་དང་ནད་པའི་ཁྱིམ་མི། 
住院患者及家属

རྒྱུས་ལོན་བྱུང་བ་ལྟར་ན། 2019ལོར་ཝུན་ཅང་ཆུས་ཀྱིས་གསེར་རྟ་རྫོང་ལ་ཁ་གཏད་རོགས་སྐྱོར་བྱས་པའི་ལས་དོན་གཙོ་གནད་དུ་སློབ་གསོའི་འགན་སྲུང་ཤུགས་སྣོན་དང་སྨན་བཅོས་འགན་སྲུང་ཇེ་ལེགས། ཐོན་ལས་འཕེལ་རྒྱས་ཇེ་མགྱོགས། ལས་ཞུགས་རོགས་སྐྱོར་སྐུལ་འདེད། ལས་བྱེད་ཕུལ་བྱུང་མི་སྣ་གསོ་སྐྱོང་བྱེད་པ། སྤྱི་ཚོགས་ནུས་ཤུགས་ཀྱི་རོགས་སྐྱོར་རྩ་འཛུགས་བྱེད་པ། རྨང་གཞིའི་སྒྲིག་བཀོད་འཛུགས་སྐྲུན་སྲ་བརྟན་གཏོང་བ་དང་རིགས་གཞན་པའི་རྣམ་གྲངས་སོགས་ཕྱོགས་བརྒྱད་འདུས་ཡོད་ལ། དངོས་སུ་ལག་ལེན་བྱེད་བཞིན་པའི་རྣམ་གྲངས་13དང་། མ་དངུལ་སྒོར་ཁྲི་3143གཏང་འཆར་ཡོད་དོ། །