སྤྱི་ལེ་900ཡི་ཕ་རོལ་གྱི་བོད་ལྗོངས་དཔའ་ཤོད་རྫོང་གི་ལས་རེས་མི་སྣས་ཞིབ་ཚགས་ཀྱིས་རླུང་འགོག་ཤེལ་སྒོའི་ངོས་ཀྱི་ཁ་བ་གཙང་ཕྱིས་བྱས་ནས། སྡོད་ཡུལ་ནས་རླངས་འཁོར་བཏང་སྟེ་ཉིན་གཅིག་གི་གཞུང་ལམ་སྐོར་ཞིབ་དང་སྲུང་སྐྱོང་ལས་ཀ་འགོ་བརྩམས་སོང་། ཁྲེན་ཏུའུ་ནས་ལྷ་སའི་བར་སྤྱི་ལེ་2000ལྷག་ཡོད་པའི་ཁྲོན་བོད་གཞུང་ལམ་ནི་ཡུལ་སྐོར་བས་ཉེན་མཆོང་གི་ལམ་བུ་ཞིག་དང་། མེས་རྒྱལ་ནང་ཁུལ་གྱིས་གངས་ལྗོངས་མཐོ་སྒང་ལ་བར་ཆད་མེད་པར་“ཁྲག་འདོན་”པའི་འཕེལ་རྒྱས་ཀྱི་ལམ་བུ། མི་རབས་རེ་རེའི་ལམ་བཟོ་བ་དང་ལམ་སྲུང་བའི་སྙིང་སྟོབས་རྒྱུད་འཛིན་གྱི་ལམ་བུ་དེའང་རེད། ལོ་ངོ་65ཡི་རིང་། མི་རབས་རེ་རེའི་ཁྲོན་བོད་གཞུང་ལམ་གྱི་ལས་བྱེད་མི་སྣ་དང་ལམ་འགྲམ་གྱི་མང་ཚོགས་ཀྱིས་སྐྱེས་འབུལ་དང་། བློས་གཏོང་། སེམས་བཟང་། བབ་ཆགས་བཅས་ཀྱི་སེམས་པས་ལམ་བུ་འདིའི་ཐོག་ཏུ་ངོ་མཚར་གྱི་གཏམ་རྒྱུད་རེ་རེ་འབྲི་བཞིན་ཡོད།
