མི་དམངས་དྲ་བའི་འཕྲིན། ཉིན་ཤས་གོང་། བོད་ལྗོངས་མཛེས་རྩལ་མཁས་ཅན་མཐུན་ཚོགས་ཀྱིས《བོད་ལྗོངས་མཛེས་རྩལ་མཁས་ཅན་མཐུན་ཚོགས་ཀྱིས“ཕྱར་བ་གྲུ་འདེགས་ངང་རིམས་ནད་འགོག་པའི་བརྗོད་དོན་གཙོ་བོའི་རི་མོ་གསར་གཏོད”ཀྱི་གྲོས་འགོའི་ཡི་གེ》ཁྱབ་བསྒྲགས་བྱས་ནས། ལྗོངས་ཡོངས་ཀྱི་མཛེས་རྩལ་ལས་དོན་པས་རིམས་ནད་སྔོན་འགོག་ཚོད་འཛིན་གྱི་འགོག་རྒོལ་དམག་འཐབ་ལ་རྒྱལ་ཁ་ལེན་པར་རམ་འདེགས་བྱས་ནས། རང་འགུལ་ངང་འགན་འཁྲི་གཙང་སྒྲུབ་དང་མཛེས་རྩལ་བརྩམས་ཆོས་ཀྱི་ནུས་པ་འདོན་སྤེལ་གང་ལེགས་བྱེད་དགོས་པའི་གྲོས་འགོ་བཏོན་ནས། ལྗོངས་ཡོངས་ཀྱི་ཁྱབ་ཁོངས་ནས་བརྗོད་དོན་གཙོ་བོའི་མཛེས་རྩལ་བརྩམས་ཆོས་འཚོལ་བསྡུ་བྱས་པ་རེད་། རིམས་ནད་སྔོན་འགོག་ཚོད་འཛིན་གྱི་གནད་དོན་ཛ་དྲག་པོའི་འོག ཉིན་ཤས་བསྟུད་མར་བོད་ལྗོངས་ཀྱི་སྒྱུ་རྩལ་མཁས་ཅན་ཚོས་རང་ཉིད་ཀྱི་རི་མོ་འབྲི་རྩལ་ལ་བརྟེན་ནས་ཡིད་ཆེས་བརྟན་པོ་དང་། ཕྱར་བ་གྲུ་འདེགས། ཚན་རིག་དང་མཐུན་པའི་འགོག་བཅོས་བྱ་ཐབས་བཅས་ལ་ལེགས་སྐྱེས་ཕུལ་ཡོད། བོད་ལྗོངས་ཀྱི་མཛེས་རྩལ་མཁས་ཅན་ཚོས་བྲིས་པའི་ས་མཐོས“རིམས་ནད”འགོག་རྒོལ་བྱེད་པའི་དམག་འཐབ་ཅེས་པའི་བརྩམས་ཆོས་ལ་ང་ཚོས་སྔོན་ལ་གཅིག་གཟིགས་དང་།
