མིག་སྔར། ཏོག་གསར་གློ་ཚད་ཀྱི་རིམས་ནད་གནས་ཚུལ་གྱིས་རྒྱལ་ཡོངས་མི་དམངས་ཀྱི་སེམས་པ་སྒུལ་བཞིན་པར། རྒྱལ་ཡོངས་ནས་གོང་འོག་གཅིག་ཏུ་སྒྲིལ་ཏེ་དཀའ་ངལ་མཉམ་སེལ་གྱིས་ཐུན་མོང་ངང་ཏོག་གསར་གློ་ཚད་རིམས་ནད་གནས་ཚུལ་སྔོན་འགོག་ཚོད་འཛིན་གྱི་འཇབ་རྒོལ་དམག་འཐབ་ཀྱི་མི་དམངས་དམག་འཁྲུག་རྒྱག་བཞིན་ཡོད། དེ་བཞིན་དཀར་མཛེས་ཁུལ་རྟའུ་རྫོང་དུ་རིམས་འགོག་དངོས་ཟོག་དཀོན་པའི་གནས་ཚུལ་འོག སྤྱི་ཚོགས་ཡོངས་ཀྱི་ཚོགས་པ་དང་མི་སྒེར་སོ་སོས་རིམས་འགོག་གི་མདུན་སར་རོགས་སྐྱོར་གྱི་དངོས་ཟོག་དང་དངུལ་སྒོར་གྱི་ཞལ་འདེབས་ཕུལ་ཏེ། “དམག་འཁྲུག་”འདིར་དྲོད་ཁོལ་བསྩལ་ཞིང་འགན་འཁྲི་དང་བརྩེ་བ་ཟབ་མོ་མངོན་འདུག 

དེ་ཡང་རྒྱལ་ཡོངས་སྲིད་གྲོས་ཀྱི་རྒྱུན་ཨུ། ཀྲུང་གོའི་ནང་བསྟན་མཐུན་ཚོགས་ཀྱི་ཚོགས་གཙོ་གཞོན་པ་པཎ་ཆེན་ཨེར་ཏེ་ནི་ཆོས་ཀྱི་རྒྱལ་པོ་མཆོག་ནས་དཀར་མཛེས་ཁུལ་ནང་བསྟན་མཐུན་ཚོགས་དང་ཆོས་ལུགས་ལས་རིགས་ལ་མི་དམངས་ཤོག་སྒོར་ས་ཡ་1གི་ཏོག་གསར་གློ་ཚད་འགོག་བཅོས་ལ་མཁོ་བའི་རིམས་འགོག་དངོས་རྫས་ཞལ་འདེབས་གནང་།

དཀར་མཛེས་ཁུལ་ཡོངས་ཀྱི་ནང་བསྟན་ཆོས་ལུགས་ལས་རིགས་ཁག་གིས་ཞལ་འདེབས་སྡོམ་འབོར་སྒོར་3470116ཕུལ།

རྔ་བ་ཁུལ་ཡོངས་ཀྱི་ནང་བསྟན་ཆོས་ལུགས་ལས་རིགས་ཁག་གིས་ཞལ་འདེབས་སྡོམ་འབོར་སྒོར་1876445.4ལྷག་ཕུལ་བ་དང་། དངོས་ཟོག་གི་རིན་པ་དམངས་སྒོར་ལ་ཕབ་ན་སྒོར་753770ཙམ་ཕུལ།

ཉེ་ཆར། བོད་ཀྱི་གླུ་མ་འཇམ་དབྱངས་སྒྲོལ་མས་ཀྱང་རང་གི་བརྩེ་སེམས་མཚོན་བྱེད་དུ་སྒོར་ཁྲི་16ལྷག་གི་སྨན་པའི་ཆེད་སྤྱོད་ཁ་ཤུབས་N95རྟགས་ཅན་3300ཉོས་ནས་རྟའུ་རྫོང་སྨན་ཁང་དུ་ཕུལ་བ་རེད། གླུ་མ་ཨ་ལན་ཟླ་བ་སྒྲོལ་མས་དཀར་མཛེས་ཁུལ་ལ་སྒོར་100000གིས་ཁ་ཤུབས་7000ཕུལ་བ་དང་། བོད་ཀྱི་གླུ་མ་ཚེ་དབང་ལྷ་མོས་རྟའུ་རྫོང་རྒྱ་གྲམ་དམར་པོའི་ཚོགས་པ་ལ་སྒོར་80000ཕུལ།

དེ་མིན་ཁྲེན་ཏུའུ་དཀར་མཛེས་ཁུལ་ཚོང་ཚོགས་ཀྱིས་དཀར་མཛེས་ཁུལ་ལ་སྒོར་970000དང་སྒོར་130000ཡི་རིན་ཐང་ལྡན་པའི་དངོས་ཟོག་ཞལ་འདེབས་ཕུལབ་དང་། དར་མདོའི་ནོར་བུས་དཀར་མཛེས་ཁུལ་རྒྱ་གྲམ་དམར་པོའི་ཚོགས་པ་ལ་སྒོར་100000ཕུལ་འདུག །