ཞི་ཅིན་ཕིང་དང་ལི་ཁེ་ཆང་། ལི་ཀྲན་ཧྲུའུ། ཝང་དབྱང་། ཝང་ཧུའུ་ཉིང་། ཀྲའོ་ལེ་ཅི། ཧན་ཀྲེང་། ཝང་ཆི་ཧྲན་སོགས་ཏང་དང་རྒྱལ་ཁབ་ཀྱི་འགོ་ཁྲིད་པ་ཀྲུང་ནན་ཧའེ་ཧོའེ་རེན་ཐང་གི་མདུན་དུ་ཕེབས་ཏེ། མེ་ཏོག་དཀར་པོ་བཏགས་ནས་རྣམ་འགྱུར་བརྟན་ཞིང་གུས་སྟབས་ཀྱིས་བཞེངས།
སྔ་དྲོའི་ཆུ་ཚོད་10པར། མཁའ་ཟོན་ཉེན་བརྡ་གཏོང་འགོ་ཚུགས་པ་དང་ཞི་ཅིན་ཕིང་སོགས་ཀྱིས་ཏོག་གསར་གློ་ཚད་ཀྱི་རིམས་ནད་ཁྲོད་ཚེ་སྲོག་བཏང་བའི་སྔོན་གཤེགས་དཔའ་བོ་དང་ཚེ་འདས་སྤུན་ཟླ་རྣམས་ལ་མྱ་ངན་སྐར་མ་གསུམ་ཞུས་པ་རེད།
ཧུའུ་པེ་ཝུའུ་ཧན་དང་རྒྱལ་ཡོངས་ས་གནས་ཁག་གི་མང་ཚོགས་ཀྱིས་མྱ་ངན་ཞུས་པ་རེད། རླངས་འཁོར་དང་མེ་འཁོར། གྲུ་གཟིངས། མཁའ་ཟོན་ཉེན་བརྡ་བཅས་དུས་གཅིག་ཏུ་གྲགས་པ་རེད།
