ཀོང་ཏུང་གི་ཧྲེན་ཀྲེན་གྲོང་ཁྱེར་གྱིས་རོགས་སྐྲུན་བྱས་པའི“མཐའ་མཚམས་ཀྱི་འབྱོར་འབྲིང་གྲོང་ཚོ”རྫ་ཡུལ་རྫོང་སྒྲུབ་དགོན་གྲོང་རྡལ་གཞུང་ཇོ་གྲོང་གསར་སྐྲུན་མཇུག་འགྲིལ་ཞིང་། སྔོན་ཆད་ཤིང་ཁང་ནང་སྡོད་པའི་དུད་ཚང་27ད་ཆ་ཁང་པ་གསར་པའི་ནང་སྤོ་རྒྱུ་ཡིན་པ་རེད།

     2017ལོ་ནས་བཟུང་། བོད་ལྗོངས་ཀྱིས་ལྗོངས་ཡོངས་ཀྱི་མཐའ་མཚམས་སྲིད་འཛིན་གྲོང་ཚོར་འབྱོར་འབྲིང་གྲོང་ཚོ་འཛུགས་སྐྲུན་བྱ་རྒྱུའི་གཏན་འབེབས་ལག་བསྟར་བྱས་པ་དང་། གཙོ་བོ“ཆུ་དང་། གློག ལམ། སློབ་གསོ། ཚན་རིག རིག་གནས། འཕྲོད་བསྟེན”སོགས་ཕྱོགས་བཅུ་ལ་དམིགས་ནས་མཐའ་མཚམས་ཡུལ་མིའི་ཐོན་སྐྱེད་དང་འཚོ་བའི་ཆ་རྐྱེན་ལེགས་སུ་གཏོང་རྒྱུ་ཡིན་པ་རེད།