ལྷ་ས་གྲོང་ཁུལ་ནས་ནུབ་ཕྱོགས་སུ་སྤྱི་ལེ་30ཙམ་གྱི་སར་བོད་བཟོའི་སྡོད་ཁང་266ལས་གྲུབ་པའི་གྲོང་ཚོ་ཞིག་ཡོད་པ་འདི་ནི་བོད་ཀྱི་ས་བབ་མཐོ་བའི་སྣོད་བཅུད་གནས་སྤོའི་རྣམ་གྲངས་ཏེ། ས་བབ་མཐོ་བའི་སྣོད་བཅུད་གནས་སྤོས་རོང་དམར་ཁུལ་ཡིན།
ཡུལ་གཞན་དུ་གནས་སྤོས་དབུལ་སྐྱོར་གྱི་སྲིད་ཇུས་བཟང་པོ་ལས་རྒྱལ་ཁབ་རིམ་པའི་བྱང་ཐང་རང་བྱུང་སྲུང་སྐྱོང་ཁུལ་གྱི་རི་སྐྱེས་སྲོག་ཆགས་ལ་འཚོ་གནས་ཀྱི་ཁྱིམ་གཞིས་ཤིག་བྱུང་ཡོད། 2018ལོར་ནག་ཆུ་གྲོང་ཁྱེར་ཉི་མ་རྫོང་རོང་དམར་ཤང་གི་འབྲོག་པ་ཆིག་སྟོང་ལྷག་ཙམ་ཆ་སྙོམས་ས་བབ་མཐོ་ཚད་སྨི་5000ཡོད་པའི་བྱང་རྩྭ་ཐང་ནས་ལྷ་ས་གྲོང་ཁྱེར་སྟོད་ལུང་བདེ་ཆེན་ཆུས་རྒུ་རུམ་ཤང་དུ་སྤོས་ཏེ་འཚོ་བ་གསར་པ་སྐྱེལ་འགོ་ཚུགས།
ས་གནས་དེ་གའི་སྲིད་གཞུང་གི་ཤུགས་ཆེའི་རྒྱབ་སྐྱོར་འོག་གནས་སྤོས་ཁུལ་གྱིས་འབྲི་གཡག་གསོ་ཚགས་དང་། ལུག་གསོ་ཚགས། དབུལ་སྐྱོར་ཕྱོགས་བསྡུས་ཚོང་ཁང་། འབྲོག་ཁྱིམ་གྱི་ཁྱད་ལྡན་འཚོ་བའི་ཉམས་ལེན་ཁུལ་སོགས་དབུལ་སྐྱོར་རྣམ་གྲངས་གཙོ་གནད་ཐོག་འཕེལ་རྒྱས་བཏང་ནས་མང་ཚོགས་འབབ་འཕར་ཕྱུག་འགྱུར་ཡོང་བར་སྣེ་ཁྲིད་བྱས་ཡོད། 2019ལོར་ས་བབ་མཐོ་བའི་སྣོད་བཅུད་གནས་སྤོས་རོང་དམར་ཁུལ་གྱི་གྲོང་མི་མི་རེའི་ཆ་སྙོམས་ཡོང་འབབ་སྒོར་14992.36ཟིན་ཡོད།
འདི་ནི་ལྷ་ས་གྲོང་ཁྱེར་སྟོད་ལུང་བདེ་ཆེན་ཆུས་རྒུ་རུམ་ཤང་གི་ས་བབ་མཐོ་བའི་སྣོད་བཅུད་གནས་སྤོས་རོང་དམར་ཁུལ་གྱི་ཟུར་ཞིག་ཡིན་པ།
འདི་ནི་ལྷ་ས་གྲོང་ཁྱེར་སྟོད་ལུང་བདེ་ཆེན་ཆུས་རྒུ་རུམ་ཤང་གི་ས་བབ་མཐོ་བའི་སྣོད་བཅུད་གནས་སྤོས་རོང་དམར་ཁུལ་གྱི་དབུལ་སྐྱོར་ཕྱོགས་བསྡུས་ཚོང་ཁང་དུ་ཉི་རྒྱས་ཀྱིས་ཚོང་ཁང་ཞིག་ལ་མཛེས་བཟོ་བྱེད་བཞིན་པ། 2018ལོར་ཉི་རྒྱས་ས་བབ་མཐོ་བའི་སྣོད་བཅུད་གནས་སྤོས་རོང་དམར་ཁུལ་དུ་སྤོས་རྗེས་གྲོགས་པོ་དང་མཉམ་དུ་ཁང་པའི་མཛེས་བཟོའི་ལས་ཀ་བྱེད་བཞིན་ཡོད།
འདི་ནི་ལྷ་ས་གྲོང་ཁྱེར་སྟོད་ལུང་བདེ་ཆེན་ཆུས་རྒུ་རུམ་ཤང་ས་བབ་མཐོ་བའི་སྣོད་བཅུད་གནས་སྤོས་རོང་དམར་ཁུལ་དུ་པད་མ་ལྷ་མཚོས་ཕྲུ་གུ་པང་དུ་ཉར་བཞིན་པ།
2018ལོར་པད་མ་ལྷ་མཚོ་ནང་མི་7པོ་ཉི་མ་རྫོང་རོང་དམར་ཤང་གཙང་ཆུ་གྲོང་ཚོའི་སྨི་ངོས་གྲུ་75ཙམ་ལས་མེད་པའི་ཁང་རྙིང་ནས་ས་བབ་མཐོ་བའི་སྣོད་བཅུད་གནས་སྤོས་རོང་དམར་ཁུལ་གྱི་སྨི་ངོས་གྲུ་150ཟིན་པའི་སྡོད་ཁང་གསར་པའི་ནང་སྤོས་པ་རེད།
འདི་ནི་ལྷ་ས་གྲོང་ཁྱེར་སྟོད་ལུང་བདེ་ཆེན་ཆུས་རྒུ་རུམ་ཤང་གི་ས་བབ་མཐོ་བའི་སྣོད་བཅུད་གནས་སྤོས་རོང་དམར་ཁུལ་དུ་དངོས་མཚོ(གཡོན)དང་བུ་བསོད་ནམས་ཕུར་བུས་རང་ཁྱིམ་གྱི་ཟ་ཁང་ནང་ལས་ཀ་བྱེད་བཞིན་པ།
