ཟླ་བཞི་བའི་ཚེས་བཅུ་བཞི་ཉིན། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་སེར་ཝེ་ཡའི་ཙུང་ཐུང་ཝུའུ་ཆི་ཆི་ལ་ཁ་པར་བཏང་།
        ཞི་ཅིན་ཕིང་གིས་བསྟན་དོན། ཀྲུང་གོ་དང་སེར་ཝེ་ཡའི་འབྲེལ་བ་ནི་ཆེས་ཟབ་པའི་རྒྱལ་ཁབ་དང་རྒྱལ་ཁབ་བར་གྱི་འབྲེལ་བ་ཡིན། པྲོག་གསར་གློ་ཚད་རིམས་ནད་ཀྱི་མདུན་དུ་རྒྱལ་ཁབ་གཉིས་ཀྱིས་དོན་དངོས་འགུལ་སྐྱོད་ལ་བརྟེན་ནས་རྒྱལ་ཁབ་གཉིས་བར་མཛའ་བཤེས་ཟབ་མོ་ཆགས་ཡོད་པར་མཚོན་པར་བྱས། ཀྲུང་གོས་དེང་སྐབས་སེར་ཝེ་ཡའི་མི་དམངས་ལ་རིམས་ནད་ཀྱིས་འཇིགས་སྐུལ་ཐེབས་པར་ཧ་ཅང་མཐོང་ཆེན་བྱེད་ཀྱིན་ཡོད་པ་དང་། སེར་ཝེ་ཡ་ཕྱོགས་ལ་མྱུར་མཁོའི་སྨན་བཅོས་འགོག་སྲུང་དངོས་རྫས་འདོན་སྤྲོད་བྱས་པར་མ་ཟད་ཆུ་ཚད་མཐོ་བའི་སྨན་བཅོས་ཆེད་མཁས་ཚན་ཁག་མངགས། ཀྲུང་གོ་ཕྱོགས་ཀྱིས་མུ་མཐུད་དུ་སེར་ཝེ་ཡ་ཕྱོགས་ལ་རིམས་འགོག་ཐད་ལ་རོགས་རམ་དང་རྒྱབ་སྐྱོར་བྱེད་ངེས་ཡིན། ཁྱེད་ཀྱི་ཡང་དག་པའི་འགོ་ཁྲིད་འོག སེར་ཝེ་ཡའི་མི་དམངས་ཀྱིས་སྔ་མོ་ནས་རིམས་འགོག་ཐད་ནས་རྒྱལ་ཁ་ལེན་ཐུབ་པར་ཡིད་ཆེས་ཡོད་ཟེར།
        ཝུའུ་ཆི་ཆི་ཡིས་བཤད་དོན། སེར་ཝེ་ཡའི་མི་དམངས་དཀའ་ཁག་ལ་ཐུག་པའི་སྐབས་སུ། ཀྲུང་གོས་རོགས་སྐྱོར་བྱས་པ་དང་ལྷག་པར་དུ་ཀྲུང་གོའི་སྨན་བཅོས་ཆེད་མཁས་ཚན་ཁག་གིས་སེར་ཝེ་ཡའི་རིམས་ནད་འགོག་བཅོས་ཐད་ལ་རྒྱབ་སྐྱོར་དང་རོགས་རམ་ཆེན་པོ་བྱས་པས། ང་ཚོས་ནམ་ཡང་བརྗེད་མི་སྲིད། དཀའ་ཁག་དང་འགྲན་རྩོད་གང་རུང་ལ་ཐུག་ཚེ། སེར་ཝེ་ཡའི་མི་དམངས་ནི་ཀྲུང་གོ་མི་དམངས་ཀྱི་ཡིད་རྟོན་རུང་བའི་གྲོགས་པོ་བཟང་བོ་ཡིན་ཟེར།