“ལྔ་གཅིག”གུང་གསེང་གཏོང་ལ་ཉེ་བའི་སྐབས་འདིར་ཡུལ་སྐོར་བའི་བདེ་འཇགས་ལ་ཁག་ཐེག་དང་ཡུལ་སྐོར་བའི་འགྲོ་འོང་གི་དོ་དམ་ལ་ཤུགས་སྣོན། ཡུལ་སྐོར་བའི་འདུས་སྡོད་ལ་འགོག་སྲུང་བྱ་ཆེད། དཀར་མཛེས་རྫོང་གེ་སར་མཁར་གྲོང་ཡུལ་སྐོར་ཁུལ་གྱིས་འགོག་སྲུང་གཙོ་བོར་འཛིན་པ་རྒྱུན་འཁྱོངས་བྱས་ནས་ཚད་བཀག་ཡོད་པའི་སྒོ་ནས་ཉིན་རེར་ཡུལ་སྐོར་བ5000སྣེ་ལེན་བྱ་རྒྱུ་ཡིན་པ་དང་། གེ་སར་མཁར་གྲོང་ལ་ཐོན་པའི་མི་ཚང་མས་ངེས་པར་དུ་ལུས་དྲོད་འཇལ་དགོས་པ་དང་། ཡུལ་གཞན་ནས་ཐོན་པའི་ཡུལ་སྐོར་བས་ངེས་པར་དུ་བདེ་འཇགས་བཤེར་ཨང་སྟོན་དགོས། གནས་སྐབས་སུ་ཞིང་ཆེན་གཞན་པའི་ཡུལ་སྐོར་བ་སྣེ་ལེན་བྱེད་རྒྱུ་མ་རེད།