ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཟླ5པའི་ཚེས11ཉིན། སྤྱི་ཁྱབ་ཧྲུའུ་ཅི་ཞི་ཅིན་ཕིང་ཧྲན་ཞི་རུ་བྱ་བར་རྟོག་ཞིབ་གནང་བར་ཕེབས་པ་རེད། ཉིན་དེའི་ཕྱི་དྲོར། ཞི་ཅིན་ཕིང་ཐོག་མར་ཏ་ཐུང་གྲོང་ཁྱེར་ཡུན་ཀྲོའུ་ཁུལ་གྱི་སྐྱེས་ལྡན་ཧོང་ཧྭ་ཚད་ལྡན་ཅན་གྱི་འདེབས་འཛུགས་རྟེན་གཞི་དང་། ཞི་ཕིང་གྲོང་རྡལ་ཧྥང་ཁྲེང་གྲོང་གསར་དུ་ཕེབས་ནས། དབུལ་ཐར་མཁྲེགས་གཏོར་གྱི་གྲུབ་འབྲས་སྲ་བརྟན་དུ་གཏོང་བའི་ལས་ཀའི་གནས་ཚུལ་ལ་རྒྱུས་ལོན་བྱས་པ་རེད། དེའི་རྗེས། ཞི་ཅིན་ཕིང་ཡུན་ཀང་བྲག་ཕུག་ཏུ་ཕེབས་ནས་ལོ་རྒྱུས་རིག་གནས་ཤུལ་བཞག་སྲུང་སྐྱོང་གི་གནས་ཚུལ་ལ་རྒྱུས་ལོན་བྱས་པ་རེད།
