ཀྲུང་གོ་གསར་འགྱུར་དྲ་བས་སྤེལ་བའི་གནས་ཚུལ་ལྟར་ན། ཟླ་7ཚེས་6ཉིན་གསར་འགོད་པས་མཚོ་སྔོན་ཞིང་ཆེན་མགོ་ལོག་བོད་རིགས་རང་སྐྱོང་ཁུལ་པད་མ་རྫོང་ཨུ་དྲིལ་བསྒྲགས་པུའུ་ནས་ཤེས་རྟོགས་བྱུང་གསལ། རྫོང་དེ་ནས་རྡོའི་པུར་སྒམ་དུར་འཇུག་བྱས་པ་ཞིག་རྙེད་ཡོད་ཅིང་། དེ་ནི་མཚོ་སྔོན་ཞིང་ཆེན་མགོ་ལོག་ཁུལ་ནས་རྡོའི་པུར་སྒམ་དུར་འཇུག་བྱས་པ་རྙེད་ཐེངས་དང་པོ་དེ་རེད།
ངོ་སྤྲོད་བྱས་པར་གཞིགས་ན། པད་མ་རྫོང་གི་ཉེ་འགྲམ་གྱི་མཚེར་ཆེན་ཐང་པད་མ་གཏེར་ཆུ་འཛུགས་སྐྲུན་ཁུལ་དུ་ཨར་ལས་བྱེད་སྐབས། རུས་སྒྲོམ་ཤིག་བསློགས་ཡོད་པ་གནའ་བོའི་བང་སོ་དང་འདྲ་བོ་ཡོད། རྗེས་སུ་མཚོ་སྔོན་ཞིང་ཆེན་རིག་དངོས་གནའ་རྫས་རྟོག་ཞིབ་ཞིབ་འཇུག་ཁང་གི་འབྲེལ་ཡོད་རིགས་གཅིག་མཁས་ཅན་གྱིས་ཡུལ་དངོས་སུ་རྟོག་ཞིབ་བྱས་པ་བརྒྱུད། དེ་ནི་དཔེ་མཚོན་རང་བཞིན་གྱི་རྡོའི་པུར་སྒམ་དུར་འཇུག་བྱས་པ་ཞིག་ཡིན་པ་གཏན་འཁེལ་བྱས།
མཚོ་སྔོན་ཞིང་ཆེན་རིག་དངོས་གནའ་རྫས་རྟོག་ཞིབ་ཞིབ་འཇུག་ཁང་གི་ལས་དོན་མི་སྣས་བཤད་དོན། རྡོའི་པུར་སྒམ་དུར་འཇུག་བྱེད་པ་ནི་དམིགས་བསལ་གྱི་དུར་འཇུག་བྱེད་སྲོལ་ཞིག་ཡིན་པ་དང་། ནུབ་བྱང་དུ་གཙོ་བོ་མཚོ་སྔོན་དང་ཀན་སུའུ་རུ་ཁྱབ་ཡོད་ཅིང་། ཆེས་ཐོག་མར་ཧུང་ཧྲན་རིག་གནས་དང་། ཞ་ཅ་ཏེན་མཐོ་རིམ་རིག་གནས། རི་ཕྱེད་རིག་གནས་བཅས་ནས་རྙེད་མྱོང་ཞིང་། རིང་ཤོས་ལ་ལོ་ངོ་5000ལྷག་གི་ལོ་རྒྱུས་ཡོད་པ་དང་། རིག་གཞུང་ལས་རིགས་ཀྱིས་རྡོའི་པུར་སྒམ་གྱི་འབྱུང་ཁུངས་དང་རིགས་ཁོངས་ནི་སྔ་མོ་ནས་ནུབ་བྱང་ས་ཁུལ་གྱི་ཆའང་མི་རིགས་ཡིན་པ་བསྟན་ཡོད།
“འདི་ནི་མགོ་ལོག་ཁུལ་དུ་ད་བར་ཐོག་མར་རྙེད་པའི་རྡོའི་པུར་སྒམ་ཞིག་ཀྱང་ཡིན་ཞིང་། མགོ་ལོག་ས་ཁུལ་གྱི་སྔ་དུས་ཀྱི་མིའི་རིགས་ཀྱི་བྱེད་སྒོའི་རྗེས་ཤུལ་དང་རིག་གནས་གྲུབ་ཚུལ་ཞིབ་འཇུག་ཐད་ལ་གནའ་རྫས་རྟོག་ཞིབ་ཀྱི་རིན་ཐང་ཆེན་པོ་ལྡན།”ཞེས་མཆོ་སྔོན་ཞིང་ཆེན་རིག་གནས་གནའ་རྫས་ཞིབ་འཇུག་ཁང་གི་ལས་བྱེད་མི་སྣས་དེ་ལྟར་བཤད།
མཚོ་སྔོན་ཞིང་ཆེན་རིག་དངོས་གནའ་རྫས་རྟོག་ཞིབ་ཞིབ་འཇུག་ཁང་གི་ལས་བྱེད་མི་སྣས། རྡོའི་པུར་སྒམ་ནང་གཞོགས་ཉལ་བྱས་པའི་མི་གཅིག་གི་རུས་སྒྲོམ་ཡོད་པ་དང་། རུས་སྒྲོམ་གྱི་ལོགས་གཉིས་ནི་བྲག་རྡོ་མང་པོས་གྲུབ་ཡོད་ཅིང་དུར་རྫས་མེད། གནའ་རྫས་རྟོག་ཞིབ་ཀྱི་རིན་ཐང་ལ་འགན་ལེན་ཏན་ཏིག་བྱེད་ཆེད། རྡོའི་པུར་སྒམ་ཉེ་འཁོར་གྱི་སྨི་20ཙམ་གྱི་ཚངས་ཕྱེད་ཁྱབ་ཁོངས་སུ་ས་ངོས་རྩད་ཞིབ་བྱེད་དགོས། འོན་ཀྱང་རྡོའི་པུར་སྒམ་གསར་པ་རྙེད་མེད་ཅེས་བཤད།
