འདི་ག་ཚགས་པར་ཁང་དུ་གནས་ཚུལ་འབྱོར་གསལ། སི་ཁྲོན་དཔལ་འབྱོར་དྲ་བའི་ཐོག་གནས་ཚུལ་སྤེལ་བར་གཞིགས་ན། གཞི་རིམ་ཏང་དོན་ལས་དོན་པའི་ལས་སྒོའི་འཇོན་ཐང་དང་བྱང་ཚད་སྔར་བས་མཐོ་རུ་གཏོང་བ་དང་། འགན་ནུས་ཞབས་ཞུའི་ནུས་པ་ཆེ་རུ་གཏོང་བ། གཞི་རིམ་ཏང་འཛུགས་སྐྱོང་གི་ཆུ་ཚད་མཐོ་རུ་གཏོང་བ་བཅས་བྱ་ཆེད། རྔ་པ་རྫོང་གིས་རྫོང་ཡོངས་ཀྱི་ཤང་གྲོང་ཁག་གི་ཏང་ཨུད་ཀྱི་ཧྲུའུ་ཅི་གཞོན་པ（ཏང་དོན་ལས་དོན་ལ་དོ་དམ་བྱེད་མཁན）དང་། རྩ་འཛུགས་ཀྱི་ཨུ་ཡོན། རྫོང་རིམ་པའི་ལས་ཁུངས་ཀྱི་ཏང་ཨུད་ཀྱི་ཧྲུའུ་ཅི། ཏང་འཛུགས་སྐྱོང་ལས་དོན་སྒྲུབ་མཁན་བོད་སྐྱོར་ལས་བྱེད་པ་སོགས་ཏང་དོན་ལས་དོན་པ་50སྒྲིག་འཛུགས་ཀྱིས་ཀྲེ་ཅང་སློབ་ཆེན་དུ་བསྐྱོད་དེ་གཞི་རིམ་ཏང་རྩ་འཛུགས་འཛུགས་སྐྱོང་གི་ཆེད་དོན་གསོ་སྦྱོང་བྱས་པ་རེད། དེ་ཡང་རྔ་པ་རྫོང་གིས“ཕྱིར་སྐྱོད་པའི”སློབ་སྦྱོང་བྱེད་སྒོ་སྤེལ་ནས་གྲོང་གསེབ་ཀྱི་ཤེས་ལྡན་མི་སྣའི་བྱང་ཚད་མཐོ་རུ་གཏོང་བའི་མངོན་ཚུལ་ཞིབ་ཕྲ་ཞིག་རེད།
ཐེངས་འདིའི་གསོ་སྦྱོང་གི་དུས་ཡུན་ཉིན་7ཡིན་པ་དང་། སློབ་ཁྲིད་རིང་། འཆད་ཁྲིད་དང་། ས་གནས་ས་ཐོག་ཏུ་སློབ་ཁྲིད། ཕན་ཚུན་སྤེལ་རེས་བཅས་ཟུང་འབྲེལ་གྱི་སློབ་ཁྲིད་བྱེད་ཐབས་སྤྱད་པ་མ་ཟད། ཏང་གི་ཆབ་སྲིད་རིགས་པའི་གཞུང་ལུགས་དང་། ལས་སྒོའི་ཤེས་བྱ། ལག་ལེན་ཉམས་མྱོང་། གསར་གཏོད་འདུ་ཤེས་སོགས་ལ་དམིགས་ནས་གསོ་སྦྱོང་བྱས་པ་དང་འབྲེལ། ཏང་གི་སྐབས་བཅུ་དགུ་པའི་ཀྲུང་གོ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་དང་། དུས་རབས་གསར་པའི་ཏང་དོན་ལས་བྱེད་པར་འཛོམས་དགོས་པའི་གཞི་རྩའི་བྱང་ཚད་དང་ནུས་པ། དུས་བབ་གསར་པའི་འོག་གཞི་རིམ་ཏང་འཛུགས་སྐྱོང་ལས་དོན་ལ་ཇི་ལྟར་ཤུགས་སྣོན་དང་གསར་གཏོད་བྱེད་པ། ཏང་འཛུགས་སྐྱོང་ལ་བརྟེན་ནས་གཞི་རིམ་བཅོས་སྐྱོང་གི་ཉམས་མྱོང་དང་འཕེལ་རྒྱས་ཁ་ཕྱོགས་ལ་ཁྲིད་སྟོན། དེ་བཞིན་དམངས་འཚོ་ལེགས་བཅོས་དང་སྤྱི་ཚོགས་བཅོས་སྐྱོང་གསར་གཏོད་ཀྱི་ཀྲེ་ཅང་གི་ལག་ལེན་དང་ཉམས་མྱོང་བཅས་སློབ་སྦྱོང་གཏིང་ཟབ་བྱས་པ་བརྒྱུད་གཞི་རིམ་ཏང་དོན་ལས་དོན་པའི་མིག་རྒྱང་ཆེ་རུ་ཕྱིན་པ་མ་ཟད། སྔོན་ཐོན་དཔེ་མཚོན་གྱི་ཉམས་མྱོང་བྱེད་ཐབས་དཔྱད་གཞིར་འཛིན་པ་དང་སློབ་སྦྱོང་བྱེད་ཐུབ་ཡོད། རིགས་པའི་གཞུང་ལུགས་དང་ལག་ལེན་ཟུང་དུ་འབྲེལ་བའི་སློབ་ཁྲིད་བྱེད་ཐབས་ཀྱི་དམིགས་ཡུལ་ནི། སློབ་མ་ཚོས་དེ་བས་ལེགས་པའི་སྒོ་ནས་སློབ་སྦྱོང་གཏིང་ཟབ་དང་གོ་བ་མཐིལ་རྟོགས་བླངས་ཏེ་གཞི་རིམ་ཏང་འཛུགས་སྐྱོང་ལས་དོན་གྱི་ནུས་པ་དང་ཆུ་ཚད་ཟམ་མི་ཆད་པར་མཐོ་རུ་བཏང་ནས། རྔ་པ་རྫོང་གི་དཔལ་འབྱོར་དང་སྤྱི་ཚོགས་འཕེལ་རྒྱས་ཆེད་རྨང་གཞི་བརྟན་པོ་འདིང་ཆེད་ཡིན་པ་རེད།
ནན་ཧུའུ་གསར་བརྗེའི་དྲན་གསོ་ཁང་དུ་ལྟ་སྐོར་བྱེད་སྐབས། སློབ་མ་མ་ནེ་ཆང་གིས་གསར་འགོད་པར“འདི་ནི་ཐོབ་དཀའ་བའི་གོ་སྐབས་ཤིག་རེད། དུས་རྒྱུན་རི་གྲོང་གི་ལས་ཀར་གོམས་པ་དང་བསམ་བློ་ཡང་གུ་ཡངས་པོ་མེད། ཧང་ཀྲོའུ་རུ་གསོ་སྦྱོང་ནང་ཞུགས་རྗེས། མིག་རྒྱང་ཆེ་རུ་ཕྱིན་པ་མ་ཟད། གཞི་རིམ་ཏང་འཛུགས་སྐྱོང་གི་ཤེས་བྱ་སྦྱོངས་ཐུབ་ནས་འབྲས་བུ་ཆེན་པོ་ཐོབ་བྱུང”ཞེས་བརྗོད་བྱུང་།
