2020ལོའི་ཟླ8པའི་ཚེས30ཉིན་གྱི་ཆུ་ཚོད7པ་ཡས་མས་སུ་ལྕགས་ཟམ་རྫོང་འབོ་ཞབས་གྲོང་རྡལ་དུ་རི་ཉིལ་ནས་ཞིང་ཆེན་རིམ་པའི་གཞུང་ལམ་གྱི་ལམ་ཐིག434ཡི་དཀར་མཛེས་ཁུལ་ལྕགས་ཟམ་རྫོང་འབོ་ཞབས་གྲོང་རྡལ་གྱི་ལམ་དུམ་ཆད་སོང་བ་དང་།  ཡང་ཉིན་དེའི་ཆུ་ཚོད10དང་སྐར་མ30ཡས་མས་སུ་གློ་བུར་དུ་རི་ཉིལ་ནས་ལམ་ཐིག་དེའི་ལམ་དུམ་གཞན་ཞིག་ཀྱང་ཆད་སོང་བ་རེད། མིག་སྔར་ལྕགས་ཟམ་རྫོང་གཞུང་ལམ་ཡན་ལག་ཅུས་ཀྱིས་ལམ་དུམ་དེ་གཉིས་ནས་རླངས་འཁོར་ཤར་བགྲོད་ཡོང་བར་འབད་བཞིན་ཡོད་པ་རེད། དྲག་ཆར་བབས་པའི་རྐྱེན་གྱིས་ལས་ཡུལ་དངོས་སུ་རི་ཉིལ་བ་སོགས་ཀྱིས་གནོད་འཚེ་འབྱུང་བཞིན་ཡོད་པས།རླངས་འཁོར་ཤར་གཏོང་གི་དུས་ཚོད་ད་དུང་གཏན་ཁེལ་བྱེད་ཐུབ་ཀྱི་མེད།

         ལྕགས་ཟམ་རྫོང་ནས་དུང་དཀར་ལུང་པའི་ལྗོངས་ཁུལ་དུ་འགྲོ་དགོས་ན་ལྕགས་ཟམ་རྫོང་ནས་དར་མདོའི་མྱུར་བགྲོད་གཞུང་ལམ།དུང་དཀར་ལུང་པའི་ཡུས་ལིན་དང་འབོ་ཞབས་ལམ་བསྐོར་ནས་འགྲོ་དགོས།