རང་རྒྱལ་གྱི་ཏོག་ནད་རིམས་འགོག་སྨན་ཁབ་དངོས་སུ་འགྲེམས་སྟོན་བྱས་པས་ཀུན་གྱི་ཡིད་དབང་འཕྲོག
        ཟླ་9ཚེས་5ཉིན་ནས་ཚེས་9ཉིན་བར། 2020ལོའི་ཀྲུང་གོའི་རྒྱལ་སྤྱིའི་ཞབས་ཞུའི་ཉོ་ཚོང་ཚོགས་འདུ་པེ་ཅིང་དུ་ཚོགས་ལ། རྒྱལ་ཁབ་སྨན་ཚོགས་དང་ཀྲུང་གོའི་སྐྱེ་དངོས་ལག་རྩལ་ཚད་ཡོད་ཀུང་སིས་ཞིབ་འཇུག་དང་ལེན་བྱེད་བཞིནཔའི་རིམས་ཏོག་ནད་འགོག་སྨན་ཁབ་གསར་པ་གཉིས་གདན་ཞུས་ལྟར་སྤྱི་པའི་འཕྲོད་བསྟེན་རིམས་འགོག་ཆེད་དོན་འགྲེམས་ཁུལ་གྱི་འགྲེམས་སྟོན་ནང་ཞུགས་པས། ཀུན་གྱིས་དོ་སྣང་ཆེན་པོ་བྱུང་།

        ཤེས་རྟོགས་བྱུང་བར་གཞིགས་ན། འགྲེམས་སྟོན་ནང་ཞུགས་པའི་འགོག་སྨན་གཉིས་མིག་སྔར་དུས་ཐེངས་IIIཔའི་ནད་ཐོག་སྨན་བཅོས་ཀྱི་ཚོད་ལྟའི་དུས་མཚམས་སུ་སླེབས་ཡོད་ལ། ཨ་རབ་མཉམ་འབྲེལ་ཚོ་དཔོན་རྒྱལ་ཁབ་དང་། པ་ལིན། ཕེ་རུ། མོ་རོ་ཁོ། ཨ་ཀེན་ཐིན་སོགས་རྒྱལ་ཁབ་དང་ས་ཁུལ་དུ་ཚ་ཚ་འུར་འུར་གྱིས་ཚོད་ལྟ་བྱེད་བཞིན་ཡོད། མི་ཁྲི་5ལྷག་ལ་ཚོད་ལྟ་བྱས་ཤིང་མ་དཔེའི་མི་ཚོགས་རྒྱལ་ཁབ་115ལ་ཁྱབ་ཡོད་པ་དང་། ཕྱོགས་སོ་སོའི་འཕེལ་རིམ་ཚང་མ་གོ་ལ་ཧྲིལ་པོའི་མདུན་གྲལ་དུ་སླེབས་ཡོད་པ་རེད།
        དེ་དང་དུས་མཚུངས་སུ། ཀྲུང་གོའི་སྐྱེ་དངོས་ལག་རྩལ་ཚད་ཡོད་ཀུང་སིས་པེ་ཅིང་དང་ཝུའུ་ཧན་གྱི་སྐྱེ་དངོས་བཟོས་རྫས་ཞིབ་འཇུག་སུའོ་དང་མཉམ་དུ་སོ་སོར་རིམ་པ་མཐོ་བའི་སྐྱེ་དངོས་བདེ་འཇགས་ཐོན་སྐྱེད་འཁོར་ཁང་བཙུགས་ཡོད་ལ། རིམས་འགོག་སྨན་ཁབ་ཐོན་སྐྱེད་འཁོར་ཁང་གཉིས་ཀྱི་ལོའི་ཐོན་ནུས་བསྡོམས་འབོར་དུང་ཕྱུར་3ཟིན་ཡོད།