བྲག་གཡབ་ཀྱི་མཚན་མོ་ནི་ཤིན་ཏུ་ངོ་མཚར་ལྡན་པ་ཞིག་སྟེ། ཁོ་མོར་སྤྲོ་དགས་བརྟས་ཀྱང་འུར་ཟིང་ཆེ་བ་ཞིག་མིན་པ་དང་། ཡིད་དུ་འོང་ཡང་མིག་ལ་གཟན་པ་ཞིག་མིན་པར། ཀུན་གྱིས་བློ་ངོ་ནས་སྐད་ཅིག་ཡལ་ཐུབ་པ་ཞིག་མིན་ཏེ། གློ་བུར་དུ། ལོ་ངོ་4ཡི་ཡར་སྔོན་གྱི་མཚན་མོ་ཞིག་དྲན་ངོས་སུ་ཤར་བྱུང་།
དེ་ནི་ང་རང་བོད་རང་སྐྱོང་ལྗོངས་ཆབ་མདོ་གྲོང་ཁྱེར་བྲག་གཡབ་རྫོང་དུ་འོང་བའི་མཚན་མོ་ཐོག་མ་སྟེ། སྐབས་དེའི་གནས་ཚུལ་དེ་སྐད་ཅིག་ཉིད་དུ་མིག་ལམ་དུ་འཆར་ཡོང་སྟེ། ལག་པ་བརྐྱངས་ཚེ་མཛུབ་མོ་ལྔ་ཡང་མི་མཐོང་བར་ཕྱི་རོལ་ནག་ཐོམ་མེར་ཡོད་ཅིང་། གཙང་འགྲམ་གྱི་ཚོང་ཁང་ཆུང་གྲས་དག་གི་གློག་འོད་གསལ་ལ་མི་གསལ་བ་དང་། ཐག་རིང་གི་རྫོང་མཁར་ཡང་ནག་ཐོམ་མེར་ཆགས་ཡོད། སྐབས་དེར་གྲོང་བརྡལ(དབྱེན་འདུམ་གྲོང་བརྡལ)ནི་རྫོང་མཁར་དང་བར་ཐག་ཤིན་ཏུ་རིང་བར་སྣང་། འདམ་ལམ་དུ་སྒོ་ཁྱི་གསུམ་བཞི་ཞིག་གི་ཟུག་སྐད་ཁྱབ་ཡོང་པས། སྙིང་ཆུང་བ་དག་ནི་མཚན་མོར་ཕྱི་རུ་འགྲོ་བར་ཡང་སྐྲག གྲོང་བརྡལ་སྲིད་གཞུང་གི་མཐའ་འཁོར་གྱི་ལམ་ཚང་མ་བརླན་བཤེར་ཆེ་བའི་འདམ་ལམ་ཡིན་ཞིང་། སྐབས་འགར་རྐང་པ་སྤོས་མ་ཐག་འདམ་རྫབ་ནང་ལྷུང་གི་ེརེད། འཁྲིས་སུ་ཡོད་པའི་གཙང་པོ་ནི་ལང་ལོང་དུ་བཞུར་་གྱིན་འདུག
འདི་ནི་བྲག་གཡབ་རྫོང་མཁར་གྱི་རྣམ་པ་རྙིང་པ་རེད།
འདི་ནི་དེང་གི་བྲག་གཡབ་རེད།
ལོ་ངོ་བཞིའི་དུས་ཡུན་ནི་སྐད་ཅིག་རིང་ཡལ་ཞིང་། ལོ་བཞིའི་རིང་དུས་བབ་ལ་འགྱུར་ལྡོག་ཕྱིན་པ་དང་ལོ་ངོ་བཞིའི་རིང་གི་བྲག་གཡབ་འཚར་ལོངས་དང་འཕེལ་རྒྱས་བྱུང་བཞིན་ཡོད། ལོ་ངོ་4དེའི་རིང་བྲག་གཡབ་ཀྱི་མཚན་མོ་ལའང་གནམ་ས་བླ་འོག་ལྟ་བུའི་འགྱུར་ལྡོག་བྱུང་ཡོད།
བྲག་གཡབ་ནས་ལོ་ངོ་བཞིའི་རིང་འཚོ་བ་རོལ་མྱོང་བའི་ང་ལ་མཚོན་ན། དེ་གའི་འགྱུར་ལྡོག་ལ་སེམས་ཚོར་མངོན་གསལ་དོད་པོ་ཡོད་པ་སྟེ། རྫོང་གྲོང་གི་གྲོང་སྲིད་ལམ་བུ་ཁྱོན་ཡོངས་ནས་སྲ་འགྱུར་བྱུང་ཡོད་པ་དང་འགྲོ་སྐྱོད་ཀྱི་འགྲོ་ལམ་གཙང་ལ་སྟབས་བདེ་བས་བྲག་གཡབ་ནི་ཤིན་ཏུ་གྲལ་དག་པ་ཞིག་ཡིན་ལ། བྲག་གཡབ་ཀྱི་རྣམ་པ་ལྡན་པའི་ལམ་སྒྲོན་གྱེན་དུ་བསླངས་ཤིང་། ཁ་དོག་དམར་སེར་སྡེབ་པས་རྫོང་གྲོང་དུ་མཛེས་རྒྱན་སྤྲས་ཡོད་ལ། རྫ་ཆུའི་ཐང་ཆེན་ནི་མང་ཚོགས་ཀྱིས་མཚན་མོ་རེ་རེར་སྐོར་བྲོ་འཁྲབ་སའི“སྤྲོ་སྣང་ལྡན་པའི་ཁྱིམ་གཞིས”སུ་གྱུར་ཡོད་ཅིང་། སྐོར་བྲོ་འཁྲབ་ནས་ཉིན་གཅིག་གི་ངལ་དུབ་སེལ་བར་བྱས་ཡོད་། “རྫ་ཆུའི་ལས་འབྲེལ་རྐང་བགྲོད་ཁྲོམ་གཞུང”གིས་གྲོང་ཁྱེར་ལ་གསོན་ཤུགས་དེ་བས་མང་བ་སྦྱིན་ཡོད། ཁང་རྙིང་ཁུལ་བསྒྱུར་བཀོད་བྱས་པ་དེས་རྫོང་གྲོང་གི་དེང་རབས་ཅན་གྱི་འཚོ་བའི་རྣམ་པ་ཇེ་ལེགས་སུ་ཕྱིན་ནས་མང་ཚོགས་ལ་བདེ་སྐྱིད་ལྡན་ཡོད་པ་དང་། རིག་གནས་བར་ཁྱམས་དང་ལྗང་འཛུགས་ལྗང་སྒྱུར་བཅས་རྒྱུན་ཆད་མེད་པར་ཇེ་མང་དུ་འགྲོ་བཞིན་ཡོད་ལ། བྲག་གཡབ་དྭངས་ཤིང་གཙང་ལ་འཁྲུག་ཆ་དོད་པོར་གྱུར། ཉམས་འཇོག་དབང་མེད་པར་གྲོང་ཁྱེར་ལ་འགྱུར་བ་བྱུང་འདུག ཕྱིར་དྲན་བྱས་ཚེ། འགྱུར་ལྡོག་ཕྲན་བུ་བྱུང་བའི་བར་གླགས་སུ་འདས་སོང་གི་ཕྱིར་དྲན་མང་པོ་ཉར་ཡོད་པ་རེད།
བྲག་གཡབ་ཀྱི་འགྱུར་ལྡོག་ཕྲན་བུའི་བར། བགྲང་ལས་འདས་པའི་གཏམ་རྒྱུད་ཀྱིས་ཁྱབ་ཅིང་བགྲང་ལས་འདས་པའི་དྲན་ཤིང་བརྐོས་ཡོད། མི་རབས་ནས་མི་རབས་བར་གྱི་དཔའ་མཛངས་རྟུལ་ཕོད་ཀྱིས་མདུན་དུ་སྐྱོད་མཁན་གྱི་སེམས་ཤུགས་དང་དཀའ་སྤྱད་ཀྱིས་ངལ་རྩོལ་བྱས་ཚུལ་ཟིན་ཐོར་འགོད་བཞིན་ཡོད།
ཚེ་སྲོག་ནི་མེ་ཏོག་དང་འདྲ་སྟེ། ངའི་ཡོད་ཚད་ནི་བྲག་གཡབ་ཀྱི་རི་ཆེན་དག་གིས་བསྩལ་པ་ཡིན་ལ། ངས་ནི་འདི་གའི་ཡོད་ཚད་ལ་བཀའ་དྲིན་ཞུ་འོས་ཏེ། དེ་གའི་བརྩེ་དུང་ལ་དྲིན་ལན་འཇལ་ཐབས་ཉག་ཅིག་ནི་འབད་བརྩོན་ལྷུར་ལེན་གྱིས་ཕུགས་འདུན་མངོན་འགྱུར་ཡོང་བར་བྱ་རྒྱུ་དེ་ལས་མ་འདས་སོ།
སྒེའུ་ཁུང་ཕྱི་རོལ་དུ་ཆར་བ་ཟིམ་ཟིམ་འབབ་བཞིན་འདུག་ལ། མཁའ་དབུགས་ནི་ཧ་ཅང་གཙང་ཞིང་དྭངས། མི་ག་ཚོད་ཅིག་གིས་བྲག་གཡབ་ཀྱི་མཛེས་སྡུག་ལྡན་པའི་མཚན་མོའི་ཁྲོད་བགྲང་གིས་མི་ལངས་པའི་བསམ་གཞིགས་ག་ཚོད་ཉར་ཡོད་ཨང་།
