གཙོ་ངོས།>> བོད་འབྲེལ་ས་ཁུལ།

ལོ་ངོ་བདུན་ཅུའི་འཕེལ་རྒྱས་གོམ་སྟབས་བརྟན།　ངོ་མཚར་གྲུབ་འབྲས་མངོན་སུམ་མིག་སྔར་འཆར།

རྩོམ་སྒྲིག་པ།ཚེ་དཔལ།ཡོང་ཁུངས།ཀྲུང་གོའི་བོད་ཀྱི་གསར་འགྱུར་དྲ་བ། སྤེལ་དུས། 10-12

བོད་རང་སྐྱོང་ལྗོངས་ཀྱི་ཤར་རྒྱུད་དུ་གནས་པའི་ཆབ་མདོ་ནི་ཁམས་པའི་རིག་གནས་ཀྱི་འབྱུང་ཁུངས་གྲས་ཤིག་དང་།　ཇ་རྟའི་གནའ་ལམ་གྱི་དངོས་ཟོག་བསྡུ་འགྲེམས་ལྟེ་གནས་ཤིག　བོད་ཀྱི་འགྲིམ་འགྲུལ་ལྟེ་གནས་གལ་ཆེན་ཞིག་བཅས་ཡིན།

1950ལོར་ཆབ་མདོར་བཅིངས་འགྲོལ་ཐོབ་སྐབས་ཆབ་མདོ་གྲོང་ཁྱེར་ས་ཁྱོན་ཆུང་བ་དང་།　ཁང་པའི་ཐོག་པང་དམའ་བ།　འགྲོ་ལམ་འདམ་རྫབ་ཀྱིས་ཁེངས་པ།　འཕེལ་རྒྱས་རྗེས་ལུས་ཡིན་པ་བཅས་ཀྱི་ས་མཐོའི་གྲོང་རྡལ་ཆུང་ངུ་ཞིག་ཡིན།

བཅིངས་འགྲོལ་ཐོབ་ནས་ལོ་ངོ་70སོང་ཚུན།　ཆབ་མདོ་གྲོང་ཁྱེར་གྱི་དཔལ་འབྱོར་དང་སྤྱི་ཚོགས་ལ་གནམ་ས་བླ་འོག་ཏུ་འགྱུར་བ་ལྟ་བུའི་འགྱུར་ལྡོག་བྱུང་ནས་འགྲིམ་འགྲུལ་སྟབས་བདེ་བ་མ་ཟད།　ཐོག་བརྩེགས་ཁང་ཆེན་མང་པོ་ཀྲོང་ངེར་གནས་ཡོད།　མིག་སྔར་གྲོང་ཁྱེར་ཡོངས་ཀྱི་མི་འབོར་ཁྲི་78ཟིན་པ་དང་གྲོང་ཁྱེར་དང་གྲོང་རྡལ་གྱི་མི་འབོར་ཁྲི་23.2ཟིན་ཡོད།　དེའི་ཁྲོད་ཆབ་མདོ་གྲོང་ཁྱེར་གནས་སའི་མི་འབོར་ཁྲི་10ལྷག་ཙམ་ཡོད།

ད་ཆ་ཆབ་མདོ་གྲོང་ཁྱེར་གྱི་གཞི་ཁྱོན་སྔར་བས་ཆེ་རུ་ཕྱིན་པ་དང་ནུས་པ་ཡང་དེང་རབས་ཅན་དུ་གྱུར་ནས་མི་རིགས་ཁག་འགྲོ་འོང་དང་།　སྤེལ་རེས།　མཉམ་འདྲེས་བཅས་བྱེད་པའི་ཆབ་མདོ་གསར་པ་ཞིག་ས་མཐོའི་གྲོག་རོང་དུ་གནས་ཡོད།