སློབ་མ་རྣམས་ཀྱི་བཅའ་ཁྲིམས་ཀྱི་འདུ་ཤེས་དང་རང་ཉིད་སྲུང་སྐྱོབ་ཀྱི་ནུས་བ་སྔར་བས་ཇེ་མཐོ་རུ་གཏོང་ཆེད། ཟླ་11ཚེས་5ཉིན་གྱི་སྔ་དྲོར། ཧུང་ཡོན་རྫོང་ཁྲིམས་འཛིན་ཅུས་བཅའ་ཁྲིམས་རོགས་སྐྱོར་ལྟེ་གནས་ཀྱི་ཁྲིམས་རྩོད་པ་ལི་ཧུང་ཅུས་ཀྱིས་ཧུང་ཡོན་རྫོང་གནས་སྤོ་མི་སྐྱོང་བཅའ་སྡོད་སློབ་གྲྭའི་དགེ་སློབ་དག་ལ་དམངས་དོན་ཁྲིམས་གཞུང་གི་བཅའ་ཁྲིམས་ཤེས་བྱ་ཐད་ནས་ཆེད་དོན་འཆད་ཁྲིད་ཀྱི་བྱེད་སྒོ་སྤེལ།
བྱེད་སྒོ་རུ། ཁྲིམས་རྩོད་པ་ལི་ཧུང་ཅུས་ཀྱིས་དམངས་དོན་ཁྲིམས་གཞུང་གི་བྱེ་བྲག་ནང་དོན་སྟེ། ནར་མ་སོན་པའི་འབྲེལ་ཡོད་གཏན་འཁེལ་གསར་བ་དང་ནར་མ་སོན་པའི་ན་ཆུང་བྱིས་པའི་བཅའ་ཁྲིམས་ཤེས་བྱ་སོགས་གཞིར་བཟུང་སྟེ། སློབ་མ་རྣམས་ལ་ཁྲིམས་འགལ་བྱ་སྤྱོད་ངོས་འཛིན་ཡོང་བར་བློ་སྟོན་བྱས་པར་མ་ཟད། ནར་མ་སོན་པའི་ན་ཆུང་བྱིས་པའི་ནག་ཉེས་བྱ་སྤྱོད་གང་དག་ཡོད་པ་དང་ནག་ཉེས་བྱ་སྤྱོད་ཐག་གཅོད་བྱ་ཐབས་གང་དག་འདུས་པ། དེ་མིན་ནག་ཉེས་གྲུབ་པའི་བྱ་སྤྱོད་ལ་དབྱེ་ཞིབ་བྱས་སྟེ་སློབ་མ་ཡོངས་ཀྱི་ཡང་དག་པའི་དྲ་བ་བཀོལ་སྤྱོད་དང་སློབ་སྦྱོང་གི་ཁོར་ཡུག་ལ་གཅེས་སྤྲས་བྱེད་པ། བསླུ་བྲིད་ལ་འགོག་རྒོལ་ཐུབ་པ། དགའ་སྐྱོ་ཚོད་འཛིན་ཐུབ་པ་སོགས་གསལ་བཤད་བྱས་པ་དང་། ན་ཆུང་ཚོར་བདེ་ཐང་དང་ཧུར་བརྩོན། ཡར་བསྐྱེད་ཀྱི་སློབ་སྦྱོང་འཚོ་བའི་གོམས་གཤིས་བཟང་པོ་ཞིག་ཆགས་སུ་འཇུག་དགོས་པར་སློབ་སྐུལ་ཡང་དག་བྱས།
རྗེས་མར། ཧུང་ཡོན་རྫོང་ཁྲིམས་འཛིན་ཅུས་ཀྱིས་བཅའ་ཁྲིམས་སློབ་གླིང་དུ་བསྐྱེལ་བའི་བྱེད་སྒོ་དེ་རིམ་བཞིན་དུ་གཞི་རིམ་སློབ་ཆུང་སོ་སོར་བསྐྱལ་རྒྱུ་ཡིན་པས། ཁྲིམས་འཛིན་ཅུས་ཀྱི་ཁྲིམས་སྐྱོང་སློབ་གསོའི་དྲིལ་བསྒྲགས་འགན་འཁྲིའི་ནུས་པ་འདོན་སྤེལ་གང་ལེགས་དང་ཕྱོགས་ཡོངས་ནས་སློབ་གླིང་གི་ཁྲིམས་སྐྱོང་འདུ་ཤེས་ཇེ་མཐོར་གཏོང་བ། ནར་མ་སོན་པའི་བྱིས་པ་རྣམས་ལུས་སེམས་བདེ་ཐང་ངང་འཚར་ལོངས་འབྱུང་ཐུབ་པར་མཐུན་རྐྱེན་བཟང་བོ་བསྐྲུན་ངེས་རེད།
