1གཟུགས་པོ་རིང་ཞིང་གྱོན་པ་སྔོན་པོ་གྱོན།།
གདོང་པ་སེར་ལ་ཉམས་དགའི་རྣམ་འགྱུར་ཅན།།
ཉིན་ལྟར་ཉི་མར་ཕྱོགས་ཏེ་གད་མོ་དགོད།།
བཏགས་པའི་འབྲས་བུ་དག་ནི་རྩིས་མི་ཚར།།
མེ་ཏོག་ཉི་དགའ
2གཡག་གཅིག་ཐག་པ་བརྒྱ་ཡིས་བཏགས། སྦྲ།
3འཕུར་ནས་སླེབས་རྒྱུ་མེད་པ།དར་ཆ
4དུས་བཞིའི་དབྱར་སྟོན་བཙལ་མཁན་མ།། སྦྲང་མ།
5མདའ་མ་འཕངས་ལུང་བ་མདེའུ་ཡིས་བཀང་། སྡོང་བོའི་ལོ་མ་ལྷུང་བ།
6རྡོ་སྔོ་ལེབ་ཐོག་གི་རྡེའུ་ཁྲ་ལེབ། སྐར་མ།
7བན་དེ་གཟན་ཤམ་དམར་པོ་ཅན།།ཁོག་ན་ཤིང་གི་གྲོད་པུ་ཅན།། ཁམ་བུ་རག་ཤ
8བྲག་གི་ར་མ་སྔོ་རིས་མ།།ལྷུང་ལ་ཡོད་ཀྱང་ལྷུང་རྒྱུ་མེད།། ཟྭ།
9འགྲོ་དུས་ཟུར་གྱིས་འགྲོ།འདུག་དུས་ལེབ་ཀྱིས་འདུག གཏུབ་གྲི།
10ཙན་དན་སྡོང་བོའི་རྩེ་མོ་ནས།།
གཡུ་འབྲུག་སྔོན་མོས་འཁྱུག་འགྲོས་བྱེད།། བདུག་སྤོས།
11བྱུ་རུ་དམར་པོའི་སྒམ་ཆུང་ནང་།།
གསེར་གྱི་དོང་ཙེ་བརྒྱ་ཡིས་བཀང་།། ཁ་ཚ།
12ཁ་ནས་འཐུང་སྟེ་ཁ་ནས་བཏང་། སྨྱུ་གུ།
13ཤིང་སྡོང་གཅིག་ལ་བུ་ག་དགུ གླིང་བུ།
