སྔོན་ཆད་རྒྱལ་ཡོངས་ཀྱི་ཤིན་ཏུ་དབུལ་བའི་རྫོང་ཡིན་པའི་བཙན་ལྷ་རྫོང་ནི་2019ལོར་ཕྱོགས་ཡོངས་ནས་དབུལ་ཕོངས་ལས་ཐར་ཞིང་། དབུལ་ཕོངས་ལས་ཐར་རྗེས་བཙན་ལྷ་རྫོང་གིས་ཐོན་ལས་ཀྱིས་ཡོང་འབབ་འཕར་རྒྱུར་དམིགས་ཏེ། ཞིང་ལས་སྣེ་འདྲེན་ཁེ་ལས་ཀྱིས་སྐུལ་ཁྲིད་བྱེད་པ་དང་ཐོན་ལས་ཀྱི་ཕན་འབྲས་སྲ་བརྟན་དུ་གཏོང་བ་སོགས་ཀྱི་བྱེད་ཐབས་སྤྱད་ས་གནས་མང་ཚོགས་ཀྱི་ཡོང་འབབ་ཇེ་མང་དུ་བཏང་།
ད་སྐབས་ཀྱི་ཞིན་ཆའོ་ཡུལ་ཚོ་རུ་ཉི་འོད་རབ་ཏུ་འཚེར་ལ། ཡུལ་ཚོ་དེའི་སྲིད་འཛིན་གྲོང་སྡེ་6གི་མེ་ཏོག་འདེབས་པའི་ཁྱིམ་ཚང་497ཡུལ་ཚོའི་ལན་ཆིའུ་སྤོ་ལོ་ཐང་དུ་འཛོམས་ཤིང་། ད་ལོའི་རྒྱ་སེའི་ཡོང་འབབ་སྒོར་ཁྲི་290ལྷག་བགོས་པ་དང་། སྒོར་ཁྲི་7ལྷག་བགོས་ཡོད་པའི་སྡེ་མི་ཝུའུ་ལིན་ལན་གྱིས་ངོ་ལ་འཛུམ་གྱིས་གང་ཡོད།
2015ལོར། ཞིན་ཆའོ་ཡུལ་ཚོས་རྒྱ་སེའི་ཐོན་ལས་ནང་འདྲེན་བྱས་ཤིང་། ལོ་གཉིས་ཀྱི་རིང་དུ་རྒྱ་སེ་ནི་ས་གནས་དེའི་ཀ་རྟེན་ཐོན་ལས་སུ་གྱུར་བ་དང་། ཡུལ་ཚོ་དེའི་གྲོང་སྡེ་དབུལ་བོ་5ནི་2017ལོར་དབུལ་ཕོངས་ལས་ཐར་ལ། རྒྱ་སེའི་དྲི་ཞིམ་རི་གྲོང་དུ་འཐུལ་བར་མ་ཟད། མང་ཚོགས་ཀྱི་ཡོང་འབབ་ཡང་ཇེ་མང་དུ་བཏང་ཡོད།
རྒྱ་སེ་ཐོན་ལས་ཆེན་པོར་གྱུར་པ་དང་། རྒྱ་སེ་ཕྱུག་འགྱུར་གྱི་མེ་ཏོག་ཏུ་གྱུར་ཡོད། རྒྱ་སེའི་ཐོན་ལས་འཕེལ་རྒྱས་སུ་ཕྱིན་པ་དེས་བཙན་ལྷ་རྫོང་མགྱོགས་མྱུར་ངང་དབུལ་ཕོངས་ལས་ཐར་ནས་གྲོང་གསེབ་དར་སྤེལ་གྱི་འཐབ་ཇུས་ལ་སྐུལ་སྤེལ་གཏིང་ཟབ་གཏོང་རྒྱུར་རྨང་གཞི་བརྟན་པོ་ཞིག་བཏིང་ཡོད།
མིག་སྔའི་བར་དུ་བཙན་ལྷ་རྫོང་གིས་རྒྱ་སེ་མུའུ་13200བཏབ་ཡོད་པ་དང་། ལོ་ཧྲིལ་བོར་རྒྱ་སེ་ཏུན་490བསྡུ་ཐུབ་ལ། རྒྱ་སེའི་ཡོང་འབབ་སྒོར་ཁྲི་610བགོས་ཏེ། རྫོང་ཡོངས་ཀྱི་ཡུལ་ཚོ་དང་གྲོང་རྡལ་13དང་གྲོང་སྡེ་46གིས་རྒྱ་སེ་བཏབ་པ་དང་། དབུལ་ཕོངས་ཁྱིམ་ཚང་1200ལྷག (དེ་ལས་དབང་བོ་སྐྱོན་ཅན་གྱི་ཁྱིམ་ཚང་470ཚུད) ཡོང་འབབ་འཕར་བ་དང་ཕྱུག་འགྱུར་ཡོང་བར་སྐུལ་ཁྲིད་བྱས་སོ།།
