གསེར་རྟ་རྫོང་གི་སྟོང་ཧྥུ་110ཅན་གྱི་གློག་སྒྱུར་ས་ཚིགས།

            སྤྱི་ཟླ་12པའི་ཚེས་16ཉིན་གྱི་ཕྱི་དྲོའི་དུས་ཚོད་4དང་ཕྱེད་ཀའི་ཐོག  རྒྱལ་ཁབ་གློག་དྲ་ཏེ་དབྱང་གློག་འདོན་སྤྱི་གཉེར་ཁང་གིས་བཟོ་སྐྲུན་བྱས་པའི་གསེར་རྟ་རྫོང་གི་སྟོང་ཧྥུ་110ཅན་གྱི་གློག་སྒྱུར་ས་ཚིགས་དེ་ལོ་ཕྱེད་ཀྱི་སྔོན་ལ་འཁོར་རྒྱུག་བྱ་རྒྱུ་ཡིན་པ་དང་གསེར་རྟ་རྫོང་དུ་དངོས་སུ་གློག་དྲ་གཙོ་བོ་འཐེན་བཞིན་ཡོད་པས། གསེར་རྟ་རྫོང་དུ་གློག་དྲ་ཆུང་བ་ལས་མེད་པའི་ལོ་རྒྱུས་མཇུག་བསྒྲིལ་བྱས།

             གསེར་རྟ་རྫོང་གི་སྟོང་ཧྥུ་110ཅན་གྱི་གློག་སྒྱུར་ས་ཚིགས་ནི་གསེར་རྟ་རྫོང་ཐོག་དང་བར་ཐག་སྤྱི་ལེ་6གི་མཚམས་ཀྱི་ལོ་རོ་ཡུལ་ཤོག་ཏུ་ཡོད་ལ། དེའི་རྒྱ་ཁྱོན་ལ་མུའུ་7.495ཡོད། དེ་ནི་དཀར་མཛེས་ཁུལ་གྱི་གློག་ཤུགས་མཁའ་ལམ་འཛུགས་སྐྲུན་གྱི་ལས་གཞི་གལ་ཆེན་ཞིག་ཡིན། གློག་སྒྱུར་ས་ཚིགས་འདི་འཁོར་རྒྱུག་བྱས་རྗེས། ར་རྔ་ཁ་དང་དཀར་མཛེས། ཧྲི་ལེན་གྱི་གློག་དྲ་གཙོ་བོ་དག་བརྒྱུད་ནས་གསེར་རྟ་རྫོང་གི་གློག་དྲ་དང་སི་ཁྲོན་གྱི་གློག་དྲ་གཙོ་བོ་གཉིས་སྦྲེལ་མཐུད་བྱས་ཏེ། གསེར་རྟ་རྫོང་གི་གློག་འདོན་གྱི་འགག་རྩ་ཞིག་ཏུ་འགྱུར་རྒྱུ་རེད། །