ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་ཨུད་ཀྱི་ཀྲུའུ་ཞི་ཞི་ཅིན་ཕིང་གིས་ཚེས་4ཉིན་ཀྲུང་དབྱང་དམག་ཨུད་ཀྱི་2021ལོའི་བཀག་རྒྱ་ཨང་དང་པོར་མིང་རྟགས་བཀོད་ནས་དམག་ཡོངས་ལ་དམག་སྦྱོང་འགོ་འཛུགས་རྒྱུའི་སྐུལ་སློང་བཀའ་རྒྱ་གནང་ཡོད། འབྲེལ་ཡོད་ནང་དོན་གཤམ་གསལ་ལྟར།

        སྤྱི་ལོ་2021ལོར། དམག་ཡོངས་ནས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པས་མཛུབ་ཁྲིད་བྱ་རྒྱུ་རྒྱུན་འཁྱོངས་བྱེད་པ་དང་། ཞི་ཅིན་ཕིང་གི་དམག་དཔུང་སྟོབས་ཆེར་གཏོང་བའི་དགོངས་པ་ལག་བསྟར་དོན་འཁྱོལ་བྱེད་པ། དུས་རབས་གསར་པའི་དམག་དོན་འཐབ་ཇུས་བྱེད་ཕྱོགས་ལག་བསྟར་དོན་འཁྱོལ་བྱེད་པ། ཀྲུང་དབྱང་དམག་ཨུད་ཀྱི་དམག་དོན་སྦྱོང་བརྡར་གྲོས་ཚོགས་ཀྱི་དགོངས་དོན་ལག་བསྟར་དོན་འཁྱོལ་བྱེད་པ། ཏང་གིས་དམག་དོན་སྦྱོང་བརྡར་ལས་དོན་ལ་འགོ་ཁྲིད་བྱེད་ཤུགས་ཆེ་རུ་གཏོང་བ། དམག་འཁྲུག་གི་གྲ་སྒྲིག་ལས་དོན་ལ་དོ་ཁུར་བྱེད་པ། དམག་དོན་སྦྱོང་བརྡར་བརྗེ་བསྒྱུར་ལ་སྐུལ་འདེད་གཏིང་ཟབ་གཏོང་བ། དམག་དོན་སྦྱོང་བརྡར་གྱི་མ་ལག་གསར་པ་འཛུགས་སྐྱོང་བཅས་བྱས་ནས། སྦྱོང་བརྡར་དངོས་འཐབ་ཅན་གྱི་ཆུ་ཚད་དང་དམག་ལ་རྒྱལ་ཁ་ལེན་པའི་ནུས་པ་ཁྱོན་ཡོངས་ནས་མཐོ་རུ་གཏོང་དགོས་ཀྱི་ཡོད།

        འཐབ་འཛིང་ངོ་མ་དང་སྦྱོང་བརྡར་ངོ་མ་གཏིང་ཟབ་ཏུ་གཏོང་བ་དང་། དམག་འཐབ་ལ་བརྟེན་ནས་སྦྱོང་བརྡར་ལ་ཁྲིད་སྟོན་བྱ་རྒྱུ་དང་སྦྱོང་བརྡར་ལ་བརྟེན་ནས་དམག་འཐབ་ལ་སྐུལ་འདེད་གཏོང་རྒྱུ་རྒྱུན་འཁྱོངས་བྱེད་པ་དང་། དམག་འཁྲུག་དང་དམག་འཐབ་གནད་དོན་ལ་ཞིབ་འཇུག་བྱེད་ཤུགས་ཆེ་རུ་གཏོང་བ། དངོས་དཔེ་ཅན་དང་འགྲན་རྒོལ་ཅན་གྱི་སྦྱོང་བརྡར་བྱེད་ཤུགས་ཆེ་རུ་གཏོང་བ། བབ་བསྟུན་དམག་འཐབ་ཀྱི་ཆེད་དམིགས་སྦྱོང་བརྡར་བྱེད་ཤུགས་ཆེ་རུ་གཏོང་བ། དམག་དོན་འཐབ་རྩོད་ཀྱི་འཐབ་ས་དང་པོའི་དམག་སྦྱོང་ལ་ཤུགས་སྣོན་བརྒྱབ་པ། དམག་འཐབ་དང་སྦྱོང་བརྡར་མཐུན་སྦྱོར་མཉམ་འདྲེས་གཏིང་ཟབ་ཡོང་རྒྱུར་སྐུལ་འདེད་གཏོང་བ། དམག་འཐབ་དང་སྦྱོང་བརྡར་གཞི་གཅིག་ཅན་མངོན་འགྱུར་ཡོང་བ་བཅས་བྱས་ནས། ཆུ་ཚོད་24དམག་གྲ་སྒྲིག་ཐུབ་པ་དང་དུས་དང་རྣམ་པ་ཀུན་དུ་དམག་བརྒྱབ་ཐུབ་པ་བྱེད་དགོས།

        མཉམ་འབྲེལ་དམག་འཐབ་དང་མཉམ་འབྲེལ་སྦྱོང་བརྡར་གཏིང་ཟབ་ཏུ་སྤེལ་དགོས། མཉམ་འབྲེལ་སྦྱོང་བརྡར་ལ་བརྟེན་ནས་དམག་རིགས་ཀྱི་སྦྱོང་བརྡར་ལ་ཁྲིད་སྟོན་དང་། དམག་རིགས་ཀྱི་སྦྱོང་བརྡར་ལ་བརྟེན་ནས་མཉམ་འབྲེལ་སྦྱོང་བརྡར་ལ་འདེགས་སྐྱོར་བྱ་རྒྱུ་རྒྱུན་འཁྱོངས་བྱེད་པ་དང་། ཁྱོན་ཡོངས་ཀྱི་རང་བཞིན་ལྡན་པའི་གནད་དོན་གལ་ཆེན་ལ་ཞིབ་འཇུག་དང་སྦྱོང་བརྡར་བྱེད་པ། མཉམ་འབྲེལ་བཀོད་འདོམས་དང་སྦྱོང་བརྡར་གཙོ་གནད་དུ་འཛིན་པ། ཁྱབ་ཁོངས་ལས་བརྒལ་བའི་དམག་རིགས་ཀྱི་མཉམ་འབྲེལ་ཆེད་དམིགས་སྦྱོང་བརྡར་གཙོ་གནད་དུ་འཛིན་པ། དམག་དཔུང་དང་ས་གནས་མཉམ་འབྲེལ་གྱིས་སྦྱོང་བརྡར་བྱ་རྒྱུ་མངོན་གསལ་དོད་དུ་གཏོང་བ། རང་དམག་གི་ཁྱད་ཆོས་ལྡན་པའི་མཉམ་འབྲེལ་སྦྱོང་བརྡར་མ་ལག་འཕེལ་རྒྱས་གཏོང་བ། གཞི་གཅིག་ཅན་གྱི་མཉམ་འབྲེལ་དམག་འཐབ་ནུས་ཤུགས་མགྱོགས་མྱུར་ཆེ་རུ་གཏོང་དགོས།

        ཚན་རྩལ་ལ་བརྟེན་ནས་སྦྱོང་བརྡར་བྱེད་ཤུགས་ཆེ་རུ་གཏོང་དགོས། ཚན་རྩལ་ནི་སྲོག་ཤིང་དུ་གྱུར་བའི་དམག་འཐབ་ནུས་པ་ཡིན་པའི་བསམ་བློ་ཤུགས་ཆེར་གཏོང་བ་དང་། དེང་རབས་ཚན་རྩལ་སྤྱི་དང་ལྷག་པར་དུ་དམག་དོན་མཐོ་གསར་ལག་རྩལ་ཤེས་བྱ་སློབ་སྦྱོང་བྱེད་ཤུགས་ཆེ་རུ་གཏོང་བ། སྒྲིག་ཆས་གསར་པ་དང་། སྟོབས་ཤུགས་གསར་པ། ཁྱབ་ཁོངས་གསར་པའི་སྦྱོང་བརྡར་བཅས་པ་དང་དམག་འཐབ་དང་སྦྱོང་བརྡར་ནང་འདྲེས་ཡོང་བར་ཤུགས་སྣོན་རྒྱག་པ། འདྲ་བཟོ་ཅན་དང་། དྲ་བ་ཅན། འགྲན་རྒོལ་རང་བཞིན་བཅས་ཀྱི་བྱེད་ཐབས་འཛུགས་སྐྱོང་བྱེད་ཤུགས་ཆེ་རུ་གཏོང་བ། ཚན་རྩལ་+དང་། དྲ་བ་+སོགས་སྦྱོང་བརྡར་བྱེད་ཐབས་འཚོལ་ཞིབ་བཅས་བྱས་ནས། སྦྱོང་བརྡར་ནང་གི་ཚན་རྩལ་འདུས་ཚད་ཇེ་ཆེར་གཏོང་དགོས།

        ཁྲིམས་ལྟར་སྦྱོང་བརྡར་ནན་པོ་བྱ་དགོས། སྦྱོང་བརྡར་དོ་དམ་སྒྱུར་བཅོས་ལ་སྐུལ་འདེད་གཏོང་བ་དང་། སྦྱོང་བརྡར་གྱི་ཇུས་འགོད་འཆར་འགོད་གཅིག་གྱུར་ཡོང་བར་ཤུགས་སྣོན་རྒྱག་པ། སྦྱོང་བརྡར་གྱི་ཁྲིམས་སྲོལ་ཚད་གཞི་འཐུས་ཚང་དུ་གཏོང་བ། སྦྱོང་བརྡར་གྱི་ནང་དོན་དང་བྱེད་ཐབས་གསར་གཏོད་བྱེད་པ། རྩ་གནད་ལྟར་སྦྱོང་བརྡར་ནན་པོ་བྱེད་པ། སྦྱོང་བརྡར་ལྟ་ཞིབ་ལ་ཤུགས་སྣོན་དང་དེ་ལེགས་བཅོས་བྱེད་པ། སྦྱོང་བརྡར་དཔྱད་ཞིབ་དཔྱད་དཔོག་འཐུས་ཚང་དུ་གཏོང་བ། སྦྱོང་བརྡར་དང་བདེ་འཇགས་སྔོན་འགོག་ཚོད་འཛིན་དམ་འཛིན་བཅས་བྱས་ནས། སྦྱོང་བརྡར་ནན་པོ་དང་། ཚན་རིག་དང་མཐུན་པར་སྦྱོང་བརྡར། བདེ་འཇགས་སྦྱོང་བརྡར་བཅས་གཅིག་གྱུར་ཡོང་བ་བྱ་དགོས།

        དམག་ཡོངས་ཀྱི་བཀོད་འཐབ་པས་ཏང་ཀྲུང་དབྱང་དང་དང་ཀྲུང་དབྱང་དམག་ཨུད་ཀྱི་བཀོད་ཇུས་མཛུབ་སྟོན་ལག་ལེན་མཐའ་གཅིག་ཏུ་བསྟར་ནས། གཅིག་ནས་དཀའ་ངལ་ལ་མི་སྐྲག་པ་དང་གཉིས་ནས་འཆི་རྒྱུར་མི་སྐྲག་པའི་དམག་འཐབ་ཀྱི་སྙིང་སྟོབས་དར་སྤེལ་བཏང་སྟེ། སྤྱོད་ཚུལ་ལེགས་སུ་གཏོང་བ་དང་། དམག་འཐབ་ཀྱི་བློ་སྟོབས་སྦྱོང་བརྡར་བྱེད་པ། འཇོན་ཐང་སྦྱོང་བརྡར་བཅས་བྱས་ནས། ཏང་དང་མི་དམངས་ཀྱིས་སྤྲས་པའི་དུས་རབས་གསར་པའི་འགན་འཁྲིའི་ལས་འགན་མཐའ་གཅིག་ཏུ་ལེགས་སྒྲུབ་བྱས་ཏེ། ཕུལ་བྱུང་གི་གྲུབ་འབྲས་ཐོག་ནས་ཀྲུང་གོ་གུང་ཁྲན་ཏང་དབུ་བརྙེས་ནས་ལོ་ངོ་100འཁོར་བར་བསུ་བ་ཞུ་དགོས་ཞེས་འཁོད་ཡོད་པ་རེད།