མཐོ་སྒང་གི་སྐྱེ་ཁམས་སྲུང་སྐྱོང་ནི་སྒེར་གྱི་ལས་ཀ་ཞིག་གཏན་ནས་མིན།
ད་ལོའི་སྲིད་གཞུང་ལས་ཀའི་སྙན་ཞུའི་ནང་། སྐྱེ་ཁམས་འབག་མེད་འཕེལ་རྒྱས་གཏོང་བ་དམིགས་སུ་བཀར་ནས་རྒྱུན་འཁྱོངས་བྱེད་པའི་ཐད། ༢༠༢༡ལོར་འབག་བཙོག་འགོག་བཅོས་ཀྱི་འགག་སྒྲོལ་ལས་ཀ་ཡག་པོ་སྒྲུབ་པ་དང་། རང་བྱུང་སྐྱེ་ཁམས་ཉེན་མེད་སྲུང་ཡོལ་སྲུང་སྐྱོང་ཡག་པོ་བྱེད་པ། འབག་མེད་འཕེལ་རྒྱས་ཇེ་ཆེར་གཏོང་བ་བཅས་ཁ་ཕྱོགས་གསུམ་བཏོན་ཡོད། དེས་ན་རི་སྔོན་པོ་དང་ཆུ་དྭངས་མོ་སྲུང་སྐྱོང་ཡག་པོ་དང་། ཀྲུང་ཧྭའི་ཆུ་གཏེར་འགན་སྲུང་ནུས་ལྡན་ཇི་ལྟར་བྱས་ནས་མི་དམངས་ལ་ཕན་འདོགས་དགོས་ཞེ་ན། དེ་རིང་ང་ཚོས་སི་ཁྲོན་ཞིང་ཆེན་སྲིད་གྲོས་ཀྱི་ཨུ་ཡོན་ངག་དབང་ཚུལ་ཁྲིམས་རྒྱ་མཚོ་དང་དབྱང་ཞའོ་ལི་རྣམ་གཉིས་དྲ་ཐོག་བཅར་འདྲི་ལ་གདན་ཞུས་ནས། ཁོང་རྣམ་པ་གཉིས་ཀྱི་མཐོ་སྒང་གི་སྐྱེ་ཁམས་ཁོར་ཡུག་སྲུང་སྐྱོང་བྱེད་པའི་ཐད་ཀྱི་ལྟ་ཚུལ་ལ་རྒྱུས་ལོན་ཞིག་བྱེད།
མི་རིགས་རིག་གནས་འཛིན་སྐྱོང་སྤེལ་གསུམ་ལ་དོ་སྣང་བྱེད་པའི་སྐོར།
སི་ཁྲོན་ཞིང་ཆེན་གྱི་ཚོགས་ཆེན་གཉིས་ཀྱིས་སི་ཁྲོན་བཅོས་སྐྱོང་དང་དར་རྒྱས་གཏོང་བར་འཕེལ་རྒྱས་གསར་པ་ཡོང་བཅུག་ཆེད། ཇུས་གཞི་གསར་པ་འགོད་པ་མ་ཟད། སི་ཁྲོན་གྱི་མི་རིགས་ས་ཁུལ་མུ་མཐུད་དུ་འཕེལ་རྒྱས་གཏོང་བར་ཁ་ཕྱོགས་གསལ་པོ་བཏོན་ཡོད། ལོ་རྟག་པའི་ཚོགས་ཆེན་གཉིས་ཀྱི་ཐོག རིག་གནས་དར་སྤེལ་གཏོང་བ་ནི་ཀུན་གྱིས་དོ་སྣང་བྱེད་པའི་གྲོས་གཞི་གཙོ་བོ་ཞིག་རེད། ད་ལོའི་སི་ཁྲོན་ཞིང་ཆེན་གྱི་ཚོགས་ཆེན་གཉིས་ཀྱི་སྲིད་གཞུང་ལས་དོན་སྙན་ཞུའི་ནང་དམངས་ཁྲོད་ཀྱི་རིག་གནས་སྒྱུ་རྩལ་དར་ཡུལ་ཁག་ཅིག་འཛུགས་སྐྲུན་དང་། གཟུགས་མེད་རིག་གནས་ཤུལ་བཞག་སྲུང་སྐྱོང་ཡག་པོ་བྱེད་པ་སོགས་ཀྱི་གྲོས་འགོ་བཏོན་ཡོད། ཁྱད་དུ་འཕགས་པའི་མི་རིགས་རིག་གནས་ནི་ཀྲུང་ཧྭ་རིག་གནས་ཀྱི་གྲུབ་ཆ་གཙོ་བོ་ཡིན་པའི་ཆ་ནས་འཛིན་སྐྱོང་སྤེལ་གསུམ་ཅི་ལྟར་བྱེད་དགོས་ཟེར་ན། དེ་རིང་ང་ཚོས་དཀར་མཛེས་ཁུལ་ནས་ཡོང་བའི་སི་ཁྲོན་ཞིང་ཆེན་དམངས་ཆེན་འཐུས་མི་མགོན་དགའ་དང་། རྔ་བ་ཁུལ་ནས་ཡོང་བའི་སི་ཁྲོན་ཞིང་ཆེན་གྱི་སྲིད་གྲོས་ཨུ་ཡོན་བསོད་ནམས་སྐྱིད་གཉིས་ལ་དྲ་ཐོག་ནས་རིག་གནས་རྒྱུན་འཛིན་དང་ཁྱབ་གདལ་ཇི་ལྟར་གཏོང་བའི་ཐད་བཅར་འདྲི་བྱས་ཡོད་པས། འོག་གི་བརྙན་ལ་ལྟ་ནས་རྒྱུས་ལོན་ཞིག་བྱེད།
