ཟླ་བ་གཉིས་པའི་ཚེས་གཉིས་ཉིན་ཕྱི་དྲོར། སི་ཁྲོན་ཞིང་ཆེན་སྐབས་བཅུ་གསུམ་པའི་མི་དམངས་འཐུས་མི་ཚོགས་ཆེན་གྱི་གྲོས་ཚོགས་ཐེངས་བཞི་པའི་གྲོས་རིམ་ཁག་ལེགས་གྲུབ་བྱུང་རྗེས་ཁྲེང་ཏུའུ་ནས་མཇུག་སྒྲིལ།
གྲོས་ཚོགས་ཐོག་སི་ཁྲོན་ཞིང་ཆེན་སྐབས་བཅུ་གསུམ་པའི་མི་དམངས་འཐུས་མི་ཚོགས་ཆེན་གྱི་གྲོས་ཚོགས་ཐེངས་བཞི་པས་ཧོང་ཞིན་ཁྲུའུ་དང་ལིའུ་ཙུའོ་མིང་གིས། སི་ཁྲོན་ཞིང་ཆེན་སྐབས་བཅུ་གསུམ་པའི་མི་དམངས་འཐུས་མི་ཚོགས་ཆེན་གྱི་རྒྱུན་ལས་ཨུ་ལྷན་གྱི་ཀྲུའུ་རེན་གཞོན་པའི་ལས་གནས་དགོངས་ཞུ་ལ་དང་ལེན་བྱེད་པའི་ཆོད་དོན་དང་། ཅའོ་ཝེ་ཞ་ཡིས་སི་ཁྲོན་ཞིང་ཆེན་སྐབས་བཅུ་གསུམ་པའི་མི་དམངས་འཐུས་མི་ཚོགས་ཆེན་གྱི་རྒྱུན་ལས་ཨུ་ལྷན་གྱི་དྲུང་ཡིག་ཆེན་མོའི་ལས་གནས་དགོངས་ཞུ་ལ་དང་ལེན་བྱེད་པའི་ཆོད་དོན། ཐང་ཁྲོན་ཕིང་གིས་སི་ཁྲོན་ཞིང་ཆེན་སྐབས་བཅུ་གསུམ་པའི་མི་དམངས་འཐུས་མི་ཚོགས་ཆེན་གྱི་རྒྱུན་ལས་ཨུ་ལྷན་གྱི་ཨུ་ཡོན་གྱི་ལས་གནས་དགོངས་ཞུ་ལ་དང་ལེན་བྱེད་པའི་ཆོད་དོན། དབྱང་ཧུང་པོ་ཡིས་སི་ཁྲོན་ཞིང་ཆེན་མི་དམངས་སྲིད་གཞུང་གི་འགོ་འཛིན་གཞོན་པའི་ལས་གནས་དགོངས་ཞུ་ལ་དང་ལེན་བྱེད་པའི་ཆོད་དོན་བཅས་ལ་བརྡས་ཐག་བཅད་ནས་གྲོས་འཆམ་བྱུང་བ་རེད།
གྲོས་ཚོགས་ཐོག མིང་མི་བཀོད་པར་འདེམ་ཤོག་འཕེན་པའི་ཐབས་ལ་བརྟེན་ནས་ཧོང་ཆའང་སི་ཁྲོན་ཞིང་ཆེན་མི་དམངས་སྲིད་གཞུང་གི་འགོ་འཛིན་ལ་བདམས་པ་དང་། ཝང་དབྱི་ཧུང་དང་དབྱང་ཧུང་པོ། ཕེང་ལིན། སུང་ཁྲའོ་ཧྭ། ཝང་ཧྥེ་བཅས་སི་ཁྲོན་ཞིང་ཆེན་སྐབས་བཅུ་གསུམ་པའི་མི་དམངས་འཐུས་མི་ཚོགས་ཆེན་གྱི་རྒྱུན་ལས་ཨུ་ལྷན་གྱི་ཀྲུའུ་རེན་གཞོན་པར་བདམས། ཅ་རུའེ་ཡུན་སི་ཁྲོན་ཞིང་ཆེན་སྐབས་བཅུ་གསུམ་པའི་མི་དམངས་འཐུས་མི་ཚོགས་ཆེན་གྱི་རྒྱུན་ལས་ཨུ་ལྷན་གྱི་དྲུང་ཡིག་ཆེན་མོར་བདམས་པ་རེད། གྲོས་ཚོགས་ཐོག་ད་རུང་སི་ཁྲོན་ཞིང་ཆེན་སྐབས་བཅུ་གསུམ་པའི་མི་དམངས་འཐུས་མི་ཚོགས་ཆེན་གྱི་རྒྱུན་ལས་ཨུ་ལྷན་གྱི་ཨུ་ཡོན་བདམས་པའི་མིང་ཐོ་དང་། སི་ཁྲོན་ཞིང་ཆེན་སྐབས་བཅུ་གསུམ་པའི་མི་དམངས་འཐུས་མི་ཚོགས་ཆེན་གྱི་ཆེད་དོན་ཨུ་ཡོན་ལྷན་ཁང་ཁ་ཤས་ཀྱི་ཀྲུའུ་རེན་ཨུ་ཡོན་གྱི་མིང་ཐོ་གྲོས་འཆམ་བྱུང་བ་རེད།
གྲོས་ཚོགས་ཐོག་ད་དུང་སི་ཁྲོན་ཞིང་ཆེན་མི་དམངས་སྲིད་གཞུང་གི་ལས་ཀའི་སྙན་ཞུའི་སྐོར་གྱི་གྲོས་ཆོད་དང་སི་ཁྲོན་ཞིང་ཆེན་རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་ལོ་ལྔའི་འཆར་གཞི་ཨང་བཅུ་བཞི་པ་དང་ཉིས་སྟོང་སོ་ལྔ་ལོའི་ཕུགས་ཡུན་དམིགས་འབེན་རྩ་གནད་ཀྱི་གྲོས་ཆོད་སོགས་ལ་གྲོས་འཆམ་བྱུང་བ་རེད། གྲོས་ཚོགས་ཐོག་རྩ་ཁྲིམས་ལ་དམ་བཅའ་འཇོག་པའི་མཛད་སྒོ་སྤེལ་བ་རེད།
སི་ཁྲོན་ཞིང་ཆེན་ཏང་ཨུའི་ཧྲུའུ་ཅི། ཞིང་ཆེན་དམངས་ཆེན་རྒྱུན་ལས་ཨུ་ལྷན་གྱི་ཀྲུའུ་རེན་ཕེང་ཆིང་ཧྭ་ཡིས་མཇུག་བསྡུའི་ཚོགས་འདུའི་ཐོག་གསུང་བཤད་གནང་བ་རེད། ཁོང་གིས། ཉིས་སྟོང་ཉེར་གཅིག་ལོ་ནི་ཏང་དབུ་བརྙེས་ནས་ལོ་བརྒྱ་འཁོར་བའི་ལོ་ཡིན་ལ། ལོ་ལྔའི་འཆར་གཞི་ཨང་བཅུ་བཞི་པ་འགོ་ཚུགས་པའི་ལོ་ཡང་རེད། ད་ལོའི་ལས་ཀ་ཡག་པོ་བསྒྲུབ་པ་ལ་དོན་སྙིང་གལ་ཆེན་ལྡན། ཞིང་ཆེན་ཡོངས་ཀྱི་གོང་འོག་ཚང་མས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པས་མཛུབ་སྟོན་བྱེད་པ་རྒྱུན་འཁྱོངས་དང་། ཁྱོན་ཡོངས་གཉིས་སེམས་ནང་དམ་པོར་འཛིན་པ། རྒྱལ་ཁབ་གཙོ་བོར་འཛིན་པ། ཏང་ཀྲུང་དབྱང་གི་སྲིད་དོན་གལ་ཆེན་གྱི་བྱེད་ཕྱོགས་དང་ཞིང་ཆེན་ཏང་ཨུའི་འཐབ་ཇུས་བཀོད་སྒྲིག་ལག་བསྟར་ནན་མོ། ཞིང་ལས་ཇེ་བརྟན་དང་བཟོ་ལས་སྟོབས་ལྡན། འཛད་སྤྱོད་ལ་སྐུལ་བ། ནང་མཁོ་རྒྱ་བསྐྱེད། ལས་གཞི་དམ་འཛིན། གསར་གཏོད་ལ་མཐོང་ཆེན། འཁོར་རྒྱུན་ཐོགས་མེད། སྤུས་ཀ་མཐོར་འདེགས་བཅས་ཀྱི་རིག་ལམ་ལྟར། འབད་པ་ལྷོད་མེད་ཀྱིས་ལོ་ལྔའི་འཆར་གཞི་ཨང་བཅུ་བཞི་པའི་འགོ་ཡག་པོ་བརྩམ་པ་དང་རྣམ་པ་གསར་པ་གཏོད་དགོས་ཞེས་གསུངས་པ་རེད།
