མཐའ་མཚམས་རིམས་འགོག་ཞིབ་བཤེར་འགག་སྒོ་བརྟན་པོར་བསྐྲུན་ནས། ལས་གནས་གསར་པའི་ཞིབ་བཤེར་པས་ལས་འགན་སྒྲུབ་ཡུལ་གྱི་ཏོག་གསར་གློ་ཚད་རིམས་འགོག་ལས་དོན་ལ་གང་མགྱོགས་སྒོས་རྒྱུས་ལོན་པར་བྱས་ཏེ། རིམས་ནད་འགོག་སྲུང་གི་འདུ་ཤེས་ཇེ་ཟབ་ཏུ་གཏོང་བ་དང་། མི་སྒེར་གྱི་འགོག་སྲུང་ནུས་པ་ཆེ་རུ་གཏོང་ཆེད། ཉེ་ཆར་བོད་རང་སྐྱོང་ལྗོངས་ལྷ་སའི་མཐའ་མཚམས་རིམས་འགོག་ཞིབ་བཤེར་ས་ཚིགས་ཀྱི་ལས་སྒྲུབ་རུ་ཁག་གསུམ་པས་རྩ་འཛུགས་བྱས་ཏེ་འགོག་སྲུང་གྱོན་ཆས་གྱོན་སྟངས་ཀྱི་སྦྱོང་བརྡར་བྱས་པ་རེད།
སྦྱོང་བརྡར་དགེ་རྒན་གྱིས་འགོག་སྲུང་གྱོན་ཆས་གྱོན་པའི་བརྒྱུད་རིམ་ངོ་སྤྲོད་བྱེད་པ།
སྦྱོང་བརྡར་གོ་རིམ་ཁྲོད་དགེ་རྒན་གྱིས་ངང་རྒྱུད་རིང་པོའི་སྒོ་ནས་འགྲེལ་བཤད་བྱེད་པ་དང་། འགོག་སྲུང་གྱོན་ཆས་གྱོན་སྟངས་ཀྱི་གོ་རིམ24ངོ་སྤྲོད་བྱས་ལ། ལྷག་པར་དུ་ལག་པ་འཁྲུད་ཐབས་ཀྱི་གོ་རིམ་བདུན（གཅིག ལག་མཐིལ་གཉིས་ཕན་ཚུན་གཏད་ཅིང་། མཛུབ་མོ་བཤིབས་ནས་ཕན་ཚུན་ཕུར་མཉེས་བྱེད་པ། གཉིས། མཛུབ་མོ་ཕན་ཚུན་སྣོལ་ཞིང་ལག་ངོས་ཀྱིས་ལག་པ་གཞན་པའི་རྒྱབ་ལ་ཕུར་མཉེས་བྱེད་པ། གསུམ། མཛུབ་མོ་ཕན་ཚུན་སྣོལ་ཏེ་མཛུབ་མོ་ཕན་ཚུན་གྱི་བར་ལ་ཕུར་མཉེས་བྱེད་པ། བཞི། ལག་པ་གཉིས་ཕན་ཚུན་འཇུས་ཏེ། མཛུབ་མོ་ཕན་ཚུན་གྱི་རྒྱབ་ངོས་ཕུར་བ། ལྔ། ལག་པ་གཅིག་གིས་ལག་པ་གཞན་པའི་ཐེ་བོང་བཟུང་ནས་བསྐོར་ཞིང་ཕུར་བ། དེ་ལྟར་ལག་པ་གཡས་གཡོན་རེས་བསྐོར་བྱེད་པ། དྲུག ལག་པ་གཅིག་གི་མཛུབ་རྩེ་ཕན་ཚུན་ཕྱོགས་གཅིག་ཏུ་བསྡུས་ནས་ལག་པ་གཞན་པའི་ལག་མཐིལ་དུ་བསྐོར་ནས་ཕུར་བ། དེ་ལྟར་ལག་པ་གཡས་གཡོན་རེས་བསྐོར་བྱེད་པ། བདུན། ལག་ངར་དང་དཔུང་བ་ཕུར་བ། དེ་ལྟར་ལག་པ་གཡས་གཡོན་རེས་བསྐོར་བྱེད་པ།）དང་། འགོག་སྲུང་ཞྭ་མོ་དང་། ཁ་ཐུམ། མིག་སྲུང་མིག་ཤེལ། ལག་ཤུབས། འགོག་སྲུང་གྱོན་ཆས་བཅས་གྱོན་སྟངས་ཀྱི་གོ་རིམ་གཙོ་བོ་དང་དོ་སྣང་བྱ་ཡུལ་ངོ་སྤྲོད་བྱས། མི་དམངས་ཉེན་རྟོག་པས་ནན་ཏན་ངང་སློབ་སྦྱོང་བྱེད་པ་དང་། ཞིབ་ཅིང་ཕྲ་བར་བལྟས་ནས་དགེ་རྒན་གྱི་བླང་བྱ་ལྟར་རེ་རེ་བཞིན་སྦྱོང་བརྡར་བྱས་པ་རེད།
སྦྱོང་བརྡར་ནང་ཞུགས་མཁན་མི་དམངས་ཉེན་རྟོག་པས་འབྲེལ་ཡོད་ཤེས་བྱར་ནན་ཏན་སྒོས་སློབ་སྦྱོང་བྱེད་པ།
ཐེངས་འདིའི་སྦྱོང་བརྡར་བྱས་པ་བརྒྱུད། ལས་སྒྲུབ་མི་དམངས་ཉེན་རྟོག་པའི་རང་ངོས་འགོག་སྲུང་གི་ནུས་པ་ཆེ་རུ་ཕྱིན་པ་དང་། རིམས་ནད་གྱི་རྙོག་འཛིང་རང་བཞིན་དང་བརྟན་པོ་མེད་པའི་རང་བཞིན་ལ་ཁ་གཏད་གཅོག་པར་རྨང་གཞི་བརྟན་པོ་ཞིག་བཏིང་ལ། འགག་སྒོ་སྲུང་བ་དང་རིམས་ནད་ནང་ལ་སླེབས་པར་འགོག་པའི་ལས་དོན་ཡག་པོ་བསྒྲུབ་པར་བདེ་འཇགས་ཀྱི་འགན་ལེན་བྱས།
