ཧུང་ཡོན་རྫོང་ཨ་མཆོག་གྲོང་རྡལ་གྱིས་ཐབས་བཀོད་བཞིས་གྲོང་གསེབ་དར་རྒྱས་དབྱར་མཚོ་རྒྱས་པ་ལྟར་གོང་དུ་འཕེལ་བར་སྐུལ།

    ཉེ་བའི་ལོ་འགའི་རིང་། ཧུང་ཡོན་རྫོང་ཨ་མཆོག་གྲོང་རྡལ་གྱིས་ས་གནས་ཐོན་ཁུངས་ཁྱད་ཡོན་ལ་གཞིགས་ནས་རང་རྟོགས་སྒོས་རྫོང་ཡོངས་ཀྱི་གནས་གསུམ་ལྟེ་བ་གཉིས་དུས་རབས་གཅིག་བསྐྲུན་པའི་དམིགས་ཡུལ་ལ་གཞིགས་ཏེ་མཐོ་སྒང་མཁའ་སྐྱོད་ལྟེ་གནས། ལྗོངས་སྐོར་སྤྲོ་གསེང་ཁྱད་ལྡན་གྲོང་རྡལ། རྫོང་རིམ་པའི་གྲོང་གསེབ་དར་རྒྱས་ཚོད་ལྟའི་གྲོང་རྡལ་དང་ཞིང་ཆེན་རིམ་པའི་གྲོང་གསེབ་དར་རྒྱས་སྔོན་ཐོན་གྲོང་རྡལ་སོགས་གོ་སྐབས་གལ་ཆེན་དམ་འཛིན་བྱས་ནས་གྲོང་གསེབ་ལྗོངས་སྐོར་མུ་རུ་འཕེལ་

འགོ་ཁྲིད་བྱེད་རྒྱུར་ཤུགས་བསྣན་ཏེ་གྲོང་གསེབ་ལྗོངས་སྐོར་མགོ་འཛུགས་པའི་དཀའ་ངལ་སེལ།

    གྲོང་རྡལ་ཏང་ཨུའི་ཧྲུའུ་ཅི་དང་ཀྲིན་ཀྲང་གཉིས་ཀྱིས་ཚོ་ཆུང་གི་འགོ་འཛིན་བྱས་པ་དང་ལྗོངས་སྐོར་ལས་བགོས་འགན་གཉེར་བྱས་པ། ཀྲེན་ཀྲང་གཞོན་པས་གྲོང་གསེབ་ལྗོངས་སྐོར་ལས་དོན་འགོ་ཁྲིད་ཚོ་ཆུང་གི་འགོ་འཛིན་གཞོན་པའི་འགན་འཁུར་ནས། གྲོང་གསེབ་ལྗོངས་སྐོར་དེ་ལས་དོན་གལ་ཆེན་ཞིག་གི་ཚད་དུ་བཞག་སྟེ་སྒྲུབ་པ། ལོ་འཁོར་དམིགས་འབེན་དཔྱད་ཞིབ་དང་འབྲེལ་ཏེ་འགོ་ཁྲིད་གཙོ་བོས་དངོས་སུ་སྐུལ་ལྕག་བྱས་པ། ལས་བགོས་འགོ་ཁྲིད་ཀྱིས་དངོས་སུ་སྒྲུབ་པ། གྲོང་རྡལ་སྒྲིག་ཨུའི་དུས་གཏན་དུ་དོན་འཁྱོལ་བྱ་བར་ལ་སྐུལ་འདེད་བྱ་རྒྱུའི་ལས་དོན་སྒྲིག་གཞི་ཅིག་བཙུགས། གྲོང་གསེབ་ལྗོངས་སྐོར་གྱི་ཟས་རིགས་དང་མགྲོན་ཁང་། འགྲིམ་འགྲུལ་དང་ཡུལ་སྐོར། ཉོ་སྒྲུབ་དང་སྤྲོ་གསེང་སོགས་རྒྱུ་རྐྱེན་ཆེན་མོ་དྲུག་ལ་དམིགས་ཏེ། ཉེ་བའི་ལོ་འགའི་རིང་ལ་གསར་དུ་རྒྱལ་ཁབ་རིམ་པའི་གཞུང་ལམ་རྟགས་248ལ་ལྗོངས་གཟིགས་ལྟེ་གནས་3དང་ཡུལ་སྐོར་སྤྱི་སྤྱོད་གསང་སྤྱོད་2། ཧུ་ར་སྨད་མའི་འཁོར་གཏོང་ལྗོངས་སྐོར། ཧུ་ར་མ་ཡུལ་ཚོའི་གོང་མ་ཐང་གི་ལྗོངས་སྐོར་སྣེ་ལེན་ལྟེ་གནས་སོགས་སྤྱི་སྤྱོད་རྨང་གཞིའི་སྒྲིག་བཀོད་བསྐྲུན། ཧུང་ཡོན་ཟླ་ཚེས་ཁུག་པའི་ལྗོངས་ཁུལ་ལ་གཞིགས་ནས་འཁོར་གཏོང་ལྗོངས་སྐོར་ལྟེ་གནས་དང་དམངས་སྲོལ་མགྲོན་ཁང་སྣེ་ལེན་དཔེ་སྟོན་ཁྱིམ་ཚང་བསྐྲུན། ཕྱོགས་གཅིག་ཏུ་བསྡུས་ཏེ་ཐོག་མར་ཨ་མཆོག་ཟླ་ཚེས་ཁུག་པའི་ལྗོངས་སྐོར་མཐུན་ཚོགས་བཙུགས། མང་ཚོགས་ཁྱིམ་ཚང་124མཐུན་ཚོགས་སུ་ཞུགས་པར་སྐུལ་སློང་བྱས་ནས་ཁེ་ཕན་མཉམ་མྱོང་བྱ་བའི་ནང་རྐྱེན་ཅིག་བཙུགས་ཏེ་དམངས་སྲོལ་ཁྱད་ཆོས་ལྡན་པའི་སྣེ་ལེན་ཁང་བསྐྲུན་པར་ལ་ཡང་སྐུལ་སློང་བྱས་པས། ད་ལྟ་གྲོང་རྡལ་ཡོངས་ལ་ལྗོངས་སྐོར་དཔེ་སྟོན་སྣེ་ལེན་ཁྱིམ་ཚང་ཁ་གྲངས་27འདུག  གྲོལ་རྡལ་ཡོངས་ལ་བོད་ཁྱིམ་སྤྲོ་ཁང་20ཡོད།

རིགས་སྒྱུར་གོང་འཕེལ་ལ་ཁྲིད་སྟོན་བྱས་ཏེ་གྲོང་གསེབ་ལྗོངས་སྐོར་ཐོན་ལས་འཕེལ་རྒྱས་འཛུགས་སྐྱོང་བྱས།

    སྲོལ་རྒྱུན་རིག་གནས་སྔོག་འདོན་དང་དེང་རབས་གྲོང་གསེབ་ལྗོངས་སྐོར་ལས་རིགས་གཉིས་ཟུང་དུ་སྦྲེལ་ནས་ཐང་ག་འབྲི་བཟོ་བྱ་བ་དང་ས་གདན་བཟོ་བ། བོད་ལྭ་འཚེམ་བཟོ་བྱ་བ་དང་ལག་བཟོའི་ཐོན་རྫས་བཟོ་བ་སོགས་དམངས་སྲོལ་རིག་གནས་ཐོན་ཁུངས་རྒྱུད་འཛིན་དར་སྤེལ་བྱས་པ་བརྒྱུད། ནུས་པ་ལྡན་པའི་སྒོས་གྲོང་གསེབ་ལྗོངས་སྐོར་རིགས་སྒྱུར་གོང་འཕེལ་གཏོང་བར་རྒྱབ་སྐྱོར་བྱས། སྔ་གཞིགས་སུ་མ་དངུལ་སྒོར་ཁྲི་40བཏང་ཏེ་ཧུང་ཡོན་རྫོང་ལག་བདེའི་ལག་རྩལ་ཐོན་རྫས་ཚད་ཡོད་འགན་ལེན་ཀུང་སི་བཙུགས་པ་དང་མ་དངུལ་སྒོར་ཁྲི་100བཏང་ཏེ། ཧུང་ཡོན་རྫོང་དམངས་ཕན་བཟོ་ལས་སྒྱུ་རྩལ་ཐོན་རྫས་བཟོ་བསྐྲུན་ཚད་ཡོད་ཀུང་སི་བཙུགས་སྟེ། ཀུང་སི་+གསོ་སྦྱོང+གནས་གཞི+ཞིང་དུད་བཅས་མཉམ་དུ་འབྲེལ་བའི་ཐུན་མོང་དཔལ་འབྱོར་འཕེལ་ཚུལ་གསར་བ་འཚོལ་ཞིབ་བྱས་ནས་མང་ཚོགས་ཀྱི་ཐོན་སྐྱེད་ཁ་སྒྱུར་བ། རིགས་སྒྱུར་གོང་འཕེལ་གཏོང་བར་མཛུབ་ཁྲིད་བྱས་ཏེ། མང་ཚོགས་ཀྱི་ལས་ཞུགས་དཀའ་ངལ་ཐག་བཅད་དེ་མང་ཚོགས་ཀྱི་ཡོང་འབབ་ཇེ་མང་དུ་བཏང་ནས་རིམ་བཞིན་ཡུལ་ཚོའི་ཐུན་མོང་དཔལ་འབྱོར་ཇེ་ཆེར་བཏང་།

སྤུས་ཀ་ཇེ་ལེགས་སུ་བཏང་ཏེ་གྲོང་གསེབ་ལྗོངས་སྐོར་གྱི་ཡུན་ཕན་ལམ་སྲོལ་བསྐྲུན་པ།

    གྲོལ་རྡལ་དེའི་ཧུར་ཐག་སྒོས་འཚོལ་ཞིབ་བྱ་བ་དང་ཕྱོགས་ཀུན་ནས་མ་དངུལ་ཡོང་ཐབས་བྱེད་པ་དང་བརྒྱུད་འབྲོག་པ་མང་ཚོགས་ལ་ལག་རྩལ་ལག་ཤེས་ཐད་ཀྱི་གསོ་སྦྱོང་བྱས་ནས་མུ་མཐུད་དུ་ཞབས་ཞུའི་རིགས་དང་ལག་རྩལ་རིགས་ཀྱི་གྲོང་གསེབ་ལྗོངས་སྐོར་ཐད་ཀྱི་འཇོན་ཐང་རྩེར་སོན་གྱི་མི་སྣ་གང་མང་གསོ་སྐྱོང་བྱས། ཉེ་བའི་ལོ་འགའི་རིང་ལ་བསྡོམས་པའི་གཡོས་སྦྱོར་ལག་རྩལ་དང་འཚེམ་བཟོའི་ལག་རྩལ། དེ་མིན་སྲོལ་རྒྱུན་བོད་རིགས་ལག་བཟོའི་ཐོན་རྫས་བཟོ་ཐབས་དང་ཐང་ག་འབྲི་བཟོ་བྱེད་པ་དང་ས་གདན་སླ་བ་སོགས་གསོ་སྦྱོང་སྐབས་7སྤེལ་བ་དང་གསོ་སྦྱོང་ཁྲོད་དུ་མི་གྲངས་543ཞུགས་ཡོད། ད་དུང་དུས་ཆེན་དང་གུང་སེང་གལ་ཆེན་དང་ཡུལ་སྐོར་བྲིན་པའི་དུས་སྐབས་དང་བླངས་ཞབས་ཞུའི་ཚོ་ཆུང་བཙུགས་ནས་ལྗོངས་སྐོར་བ་རྣམས་ལ་ཚུལ་ལྡན་ཡུལ་སྐོར་བྱ་བ་དྲིལ་བསྒྲགས་བྱ་བ་མ་ཟད་མཁོ་བའོ་ཞབས་ཞུའང་བྱས་ནས་ཨ་མཆོག་གྲོང་རྡལ་གྱི་གྲོང་གསེབ་ལྗོངས་སྐོར་སྤེལ་བར་ཁ་ལེ་ཕུན་སུམ་ཚོགས་པ་བསོགས་ཡོད་པ་དང་ལྗོངས་སྐོར་བ་རྣམས་ལ་འགྱོད་པ་མེད་པ། འབྲོག་པ་མང་ཚོགས་ལ་ཡོང་འབབ་ཧ་ཅང་ཡག་པའི་མཉམ་ཁེ་མཉམ་སྤྱོད་ཀྱི་རྣམ་པ་ཤར་ཡོད་དོ།།