རོང་བྲག་རྫོང་ལ་“རྒྱལ་མོ་རྔུལ་ཆུའི་གྲོང་ཁྱེར་དང་པོ”དང་“མཛེས་མའི་ལུང་པ”ཞེས་འབོད་སྲོལ་ཡོད། མིག་སྔར། རྫོང་ཁོངས་ཀྱི་ཡུལ་ཀུན་ཏུ་ལི་ཡི་མེ་ཏོག་རབ་ཏུ་བཞད་ཅིང་། མཁའ་དབུགས་ཁྲོད་མེ་ཏོག་གི་དྲི་ཞིམ་འཐུལ་ལ།མེ་ཏོག་གི་འདབ་མས་རི་ངོས་དང་ཆུ་རོང་ཀུན་བརྒྱན་ཞིང་རོང་བྲག་རྫོང་གི་དམིགས་བསལ་གྱི་ཁྱད་ཆོས་ལྡན་པའི་རྒྱ་རོང་བོད་མིའི་ཁང་པ་དང་བོད་སྡེའི་རྫོང་མཁར་ཐོག་ཏུའང་ལྷུང་བཞིན་འདུག
རོང་བྲག་རྫོང་བརྒྱ་གཅིག་བོད་སྡེར་སླེབས་དུས། མིག་ལམ་དུ་མཐོང་རྒྱུ་ནི་དུང་ལྟར་དཀར་བའི་ལི་ཡི་མེ་ཏོག་དང་། འཛུལ་མདངས་མེ་ཏོག་ལས་མཛེས་པའི་བོད་པའི་བུ་མོ་ཚོ་རེད། ཡུལ་སྐོར་བའི་སེམས་པར་བོད་སྡེའི་རང་བྱུང་མཛེས་ལྗོངས་དེ་ནི་མི་རྣམས་ཀྱི་ཡིད་ལ་སྨོན་པའི་སྙན་ངག་ཁྲོད་ཀྱི་ཡུལ་ཁམས་རེད་སྙམ་པའི་ཚོར་སྣང་ཟབ་མོ་སྐྱེ།
