༄༅།།སྙན་རྩོམ།

དབང་ཆེན། རྩོམ་སྒྲིག་པ།དབང་ཆེན།ཡོང་ཁུངས།ངེད་དྲ་བ། སྤེལ་དུས། 06-28



འཇར་འགོག་དྲག་པོའི་མཚོན་ཆའི་འཁོར་ལོ་ཡིས།།

ཤ་ཡི་རི་བོ་ཁྲག་གི་རྒྱ་མཚོ་བསྒྱུར།།

རླབས་ཆེན་ཏང་གི་དམག་གི་རུ་མཚོན་གྱིས།།

རྒྱལ་ཁའི་དར་དམར་གནམ་གྱི་ཀ་བ་བཙུགས།།


བཟོ་ལས་ཐོན་རྫས་ཐབས་འཕྲུལ་ཐོ་བས་བསྐྲུན།།

ཞིང་ལས་ལོ་ལེགས་སྙེ་མ་ཟོ་བས་བསྡུད།།

དམར་དམག་དཔའ་བོས་རྒྱལ་ཁའི་དར་དམར་སྒྲེང་།།

ལོ་བརྒྱའི་ཡབ་མེས་བཟོ་ཞིང་དམག་གསུམ་ཡིན།།


ཕྱི་དགྲ་འགོག་རྒོལ་དྲག་པོའི་དཔུང་གིས་བཅོམ།།

ནང་གི་རུལ་སུང་ཁྲིམས་ཀྱིས་གཉའ་བར་མནན།།

ཉམས་ཆུང་སེམས་ལ་རིག་པའི་མཚོན་ཆ་སྤྲས།།

དཔའ་ངར་ཆེར་སྐྱེད་ཏང་འཛུགས་ལམ་དུ་སྐྱོད།།


གྲོང་སྟོང་སྦས་སྡེའི་འགག་སྒོ་ཡངས་པོར་བྱས།།

གྲོགས་མེད་ཁེར་རྐྱང་ཁྱིམ་ཐབས་ཆོ་ག་བསྐྲུན།།

སྤྲོ་བ་དང་ལེན་རྒྱལ་ཁམས་རིག་པས་སྐོར།།

དུས་ཀྱི་འཕོ་འགྱུར་གནམ་ས་བླ་འོག་ཐེབས།།


གོ་ལ་ཧྲིལ་པོའི་ཏང་གི་བྱས་རྗེས་ལ།།

ཟབ་གསལ་རྗེས་དྲན་སེམས་ཀྱི་རི་མོ་ཞིག།།

སྙན་འགྱུར་དགེ་མཚན་འབུམ་གྱི་རྡུང་ལེན་གྱིས། །

ཏང་གི་ལོ་བརྒྱའི་འཁྲུངས་སྐར་བསུ་མར་བྲེལ།།





དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1