ཀྲུང་གོའི་ས་འགུལ་ལས་ཁུངས་དྲ་བས་དངོས་སུ་བརྟག་དཔྱད་གཏན་འཁེལ་བྱས་པ་ལྟར་ན། ཟླ་༧པའི་ཚེས་༡༤ཉིན་གྱི་དགོང་མོའི་ཆུ་ཚོད་༡༡དང་སྐར་མ་༣༦ཐོག་ཏུ། སི་ཁྲོན་ཞིང་ཆེན་རྔ་བ་བོད་རིགས་ཆཱང་རིགས་རང་སྐྱོང་ཁུལ་ཝུན་ཁྲོན་རྫོང་༼བྱང་འཕྲེད་ཚད་ཏུའུ་༣༠.༩༧དང་ཤར་གཞུང་ཚད་ཏུའུ་༡༠༣.༣༧༽དུ་ས་འགུལ་ཚད་རིམ་༤.༨ཅན་ཞིག་བྱུང་བ་དང་འགུལ་ཁུངས་ཟབ་ཚད་སྟོང་སྨི་༡༥རེད།
        ས་འགུལ་རྐྱེན་གྱིས་ཁྲེང་ཏུའུ་ཏུའུ་ཅང་ཡན་ལ་འགུལ་སྣང་དྲག་པོ་ཡིན་པ་དང་། ཁྲེང་ཏུའུ་དང་ཏེ་དབྱང་། ལི་ཧྲན་སོགས་ས་ཆར་འགུལ་སྣང་མངོན་གསལ་ལྡན། སྤྱི་ལེ༢༠ནང་ཚུད་ཀྱི་ཤང་དང་གྲོང་རྡལ་ནི་སན་ཅང་གྲོང་རྡལ་དང་། ཞོན་ཁུའུ་གྲོང་རྡལ། ཀེན་དར་གྲོང་རྡལ། དབྱིན་ཞིའུ་གྲོང་རྡལ། ཨོ་ལུང་གྲོང་རྡལ་སོགས་ཡོད་པ་རེད། ས་འགུལ་གྱི་འགུལ་ལྟེ་ཏུའུ་ཅང་ཡན་གྲོང་ཁྱེར་དང་བར་ཐག་སྤྱི་ལེ་༢༦དང་། ཁྲུང་ཀྲོའུ་གྲོང་ཁྱེར་དང་བར་ཐག་སྤྱི་ལེ་༤༨། ཁྲེང་ཏུའུ་གྲོང་ཁྱེར་དང་བར་ཐག་སྤྱི་ལེ་༧༦ཡོད་པ་རེད།