སྐབས་འདིའི་སྒྱུ་རྩལ་དུས་ཆེན་གྱིས་"རིག་གནས་ཀྱིས་སྟེགས་བུ་བསྐྲུན་པ་དང་དཔལ་འབྱོར་གྱིས་ཟློས་གར་འཁྲབ་པའི་"་བྱེད་སྟངས་སྤྱད་དེ་དངོས་ཟོག་དང་ཚོང་དོན་སྤེལ་རེས་དང་ཕྱུགས་ལས་ཐོན་རྫས་འགྲེམས་ཚོང་དང་ཚོང་འགུགས་མ་འདྲེན་གྱི་ངོ་འཕྲད་གྲོས་མོལ་སོགས་ཀྱི་བྱེད་སྒོ་ཤུགས་ཆེན་སྤེལ་བ་བརྒྱུད། སྦྲ་ཆེན་རྫོང་གི་སྤུས་ལེགས་ཡུལ་སྐོར་ཐོན་ཁུངས་དྲིལ་བསྒྲགས་དང་འོས་སྦྱོར་གཏིང་ཟབ་བྱས་ཏེ་ཡུལ་སྐོར་ཐོན་ཁུངས་ཀྱི་ངོས་འཛིན་བྱེད་ཚད་མཐོ་རུ་གཏོང་བ་དང་སྦྲ་ཆེན་གྱི་ཡུལ་སྐོར་ལས་རིགས་འཕེལ་རྒྱས་འགྲོ་རྒྱུར་སྐུལ་འདེད་བཏང་ནས་ཡུལ་སྐོར་བ་ཡོང་མཁན་མང་བ་དང་། སྡོད་མཁན་མང་བ། འདུག་ཡུན་རིང་བ་བཅས་ཡོང་བར་སྐུལ་འདེད་བཏང་ཡོད།
