བསོད་ནམས་སྟོབས་རྒྱལ་གྱིས་འབུམ་རམས་གོང་མའི་དམ་བཅའ་འཇོག་བཞིན་པ།
དགེ་རྒན་ཚོས་ཁོང་ལ་དྲི་བ་འདོན་བཞིན་པ།
སྤྱི་ལོ་2015ལོའི་ཟླ་1པོའི་ཚེས་15ཉིན་ལྷོ་ནུབ་མི་རིགས་སློབ་གྲྭ་ཆེན་མོའི་ནང་དུ། སློབ་མ་བསོད་ནམས་སྟོབས་རྒྱལ་གྱིས་འབུམ་རམས་གོང་མའི་དཔྱད་རྩོམ་ཁ་བྱང་གཏན་འཁེལ་བྱ་བའི་བགྲོ་གླེང་གི་ཚོགས་འདུ་སྤེལ་བ་རེད། ཁོང་གིས་ཁ་བྱང་ལ་ཡུལ་ཤུལ་རིག་གནས་ལོ་རྒྱུས་ཞིབ་འཇུག་ཞེས་པའི་བོད་ཡིག་གི་དཔྱད་རྩོམ་དེ་བོད་སྐད་ཐོག་ནས་སྙན་ཞུ་གནང་ཞིང་། དེ་བཞུགས་ཀྱི་དགེ་རྒན་ཚོས་ཀྱང་བོད་སྐད་ཐོག་ནས་འདྲི་བ་བཏོན་པ་དང་བགྲོ་གླེང་མཛད། སི་ཁྲོན་དགེ་འོས་སློབ་ཆེན་གྱི་དགེ་རྒན་ཆེན་མོ། བོད་ཀྱི་འབུམ་རབས་པ་ཐོག་མ་དཔལ་ལྡན་ཉི་མས། སྤྱིར་བོད་རིགས་ནང་དུ་འབུམ་རམས་གོང་མ་ནི་ཧ་ཅང་ཉུང་ཞིང་། ལྷག་པར་དུ་སློབ་མ་བསོད་ནམས་སྟོབས་རྒྱལ་ནི་རང་རྒྱལ་གྱི་སློབ་གསོའི་ལོ་རྒྱུས་ཐོག་ཐེངས་དང་པོ་བོད་ཀྱི་སྐད་ཡིག་བརྒྱུད་ནས་འབུམ་རམས་གོང་མའི་སློབ་གནས་ཀྱི་དཔྱད་རྩོམ་ཁ་བྱང་གཏན་འབེབས་དང་། དཔྱད་རྩོམ་འབྲི་མཁན་དེ་ཡིན་པས་རང་རྒྱལ་གྱི་ཐེངས་དང་པོ་བོད་ཀྱི་སྐད་ཡིག་ཐོག་ནས་འབུམ་རམས་གོང་མའི་སློབ་གནས་འཕར་བ་བས་དོན་སྙིང་ཧ་ཅང་ཆེན་པོ་ལྡན། ལྷོ་ནུབ་མི་རིགས་སློབ་གྲྭ་ཆེན་མོའི་འབུམ་རམས་པའི་སློབ་སྟོན་པ་ཐུབ་བསྟན་ཕུན་ཚོགས་ཀྱིས་གསུང་རྒྱུར། དེང་སྐབས་ཏང་གི་མི་རིགས་སྲིད་ཇུས་དང་། སྐད་ཡིག་སློབ་གསོའི་སྲིད་ཇུས་དོན་འཁྱོལ་ཡང་དག་པར་བྱུང་བའི་རྐྱེན་གྱིས་བོད་ཀྱི་སྐད་ཡིག་དེ་སློབ་ཆུང་ནས་སློབ་འབྲིང་དང་། དེ་ནས་སློབ་གྲྭ་ཆེན་མོའི་དངོས་གཞི་སློབ་མ། རབ་འབྱམས་པ། འབུམ་རམས་པ། འབུམ་རམས་གོང་མ་བཅས་སྐས་རིམ་ལྟར་བོད་ཀྱི་སྐད་ཡིག་ཐོག་ནས་སློབ་འཕར་བྱ་རྒྱུ་མངོན་གྱུར་བྱུང་ཡོད་པ་འདི་ནི་རྒྱལ་ཁབ་ཀྱི་དོན་ཆེན་ཞིག་དང་བོད་མི་རིགས་ཀྱི་འཚོ་བའི་ནང་གི་དོན་ཆེན་ཞིག་རེད།ཅེས་གསུངས།
