2021ལོའི་ཟླ་5བར། བྲག་འགོ་རྫོང་སྤྱི་བདེ་ཅུས་ལ་ལི་སྟོད་ཞང་གི་འབྲོག་པ་ཁ་ཤས་ཀྱི་ཉེན་བརྡ་འབྱོར་ནས་ནོར་གནག་བརྐུས་སོང་ཟེར། སྙན་ཞུ་འབྱོར་རྗེས་དེ་གའི་སྤྱི་བདེ་ཅུས་ཀྱིས་འཕྲལ་མར་མི་སྣ་རྩ་འཛུགས་བྱས་ནས་དོན་རྐྱེན་བྱུང་སར་རྩད་ཞིབ་དང་བརྟག་དཔྱད་བྱས་པ་དང་། བརྟག་དཔྱད་བྱས་པ་བརྒྱུད། བྲག་འགོ་རྫོང་ལི་སྟོད་ཞང་གི་ཏིང་ཆེ་གེ་མོར་ཉེས་གསོག་གི་དོགས་པ་ཡོད་པ་ཤེས།
        2021ལོའི་ཟླ8པའི་ཚེས10ཉིན་གྱི་ནམ་གུང་ཆུ་ཚོད2ཙམ་ལ། བྲག་འགོ་རྫོང་སྤྱི་བདེ་ཅུས་ཀྱིས་མི་དམངས་ཉེན་རྟོག་པ་རྩ་འཛུགས་བྱས་ཏེ་ཏིང་ཆེ་གེ་མོ་འཛིན་བཟུང་བྱེད་པར་ཆས་པ་དང་། རླངས་འཁོར་གྱི་གཞུག་སྒམ་ནང་ཡིབ་པའི་ཏིང་ཆེ་གེ་མོ་མི་དམངས་ཉེན་རྟོག་པས་བཙན་ཤེད་ཀྱི་བྱེད་ཐབས་སྤྱད་ནས་འཛིན་བཟུང་བྱས་ཤིང་། མཐར་དོགས་ཡོད་ཉེས་ཅན་འཛིན་བཟུང་བྱས་པ་རེད། 
        འདྲི་རྩད་བྱས་པ་བརྒྱུད། 2021ལོའི་ཟླ4བར་ཏིང་ཆེ་གེ་མོས་ལི་སྟོད་ཞང་དུ་ནོར་གནག་གསུམ་བརྐུས་པར་མ་ཟད། རྔ་བ་ཁུལ་གྱི་སྦྱིན་བདག་ཅིག་ལ་བཙོང་བའི་ཉེས་བསགས་དོན་དངོས་ཇི་བཞིན་ངོས་ལེན་བྱས།
        ཟླ4བའི་ཚེས29ཉིན་བརྐུས་པའི་ནོར་གནག་དེ་དག་མཚོ་སྔོན་ཞིང་ཆེན་གྱི་ས་ཁོངས་ནས་རྙེད་དེ་ཕྱིར་བདག་པོར་སྤྲད་ཡོད་པ་རེད། མིག་སྔར། ཏིང་ཆེ་གེ་མོ་ཁྲིམས་ལྟར་ཉེས་དོན་བཀག་ཉར་བྱས་ཡོད་པ་དང་གྱོད་གཞི་སྔར་བས་མྱུལ་ཞིབ་བྱེད་བཞིན་མཆིས།