མཛོད་དགེ་རྫོང་གིས་ལས་ཀ་དང་སློབ་སྦྱོང་གཉིས་དོ་མཉམ་པར་བྱས་ནས་ཏང་གི་ལོ་རྒྱུས་སློབ་སྦྱོང་སློབ་གསོ་ཟབ་སྤེལ་བྱས།
ཏང་གི་ལོ་རྒྱུས་སློབ་སྦྱོང་སློབ་གསོ་ཟབ་སྤེལ་བྱ་ཆེད། ད་ལོ་ནས་བཟུང་། མཛོད་དགེ་རྫོང་གིས་ཏང་གི་ལོ་རྒྱུས་སློབ་སྦྱོང་བྱེད་སྟངས་གསར་གཏོད་བྱས་ཤིང་། ལས་ཀ་དང་སློབ་སྦྱོང་གཉིས་དོ་མཉམ་པར་བྱས་ནས་ཏང་གི་ལོ་རྒྱུས་སློབ་སྦྱོང་སློབ་གསོ་ཟབ་སྤེལ་བྱས།
གཟའ་ཟླ་བ་དང་གཟའ་པ་སངས་ཀྱི་ཚོགས་འདུ་དང་ཚོགས་འདུ་གསུམ་དང་སློབ་ཚན་གཅིག བརྗོད་གཙོའི་ཏང་གི་སློབ་ཚན་སོགས་བེད་སྤྱོད་གང་ལེགས་བྱས་ཏེ། ཏང་ཡོན་ལས་བྱེད་པ་2000ལྷག་རྩ་འཛུགས་བྱས་ནས་ཏང་གི་ལོ་རྒྱུས་སློབ་པ་དང་། ཏང་གི་ལོ་རྒྱུས་སློབ་སྦྱོང་སློབ་གསོ་རྒྱུན་གཏན་གྱི་ལས་ཀར་འདྲེས་པར་བྱས་ནས་སློབ་སྦྱོང་གི་རྣམ་པ་བཟང་བོ་ཆགས་ཡོད།
འགོ་ཁྲིད་ཚན་པ་དང་ཏང་ཡོན་ལས་བྱེད་པས་གུང་གསེང་སྐབས་ཀྱི་དུས་ཚོད་བེད་སྤྱོད་གང་ལེགས་བྱས་ཏེ། རིགས་པའི་གཞུང་ལུགས་སློབ་སྦྱོང་ལྟེ་བའི་ཚན་ཆུང་དང་། ལས་ཁུངས་ཀྱི་རོང་འབྲོག་པའི་མཚན་མོའི་སློབ་གྲྭ། ཏང་གི་ལོ་རྒྱུས་ཆེད་དོན་དཔེ་ཀློག་འཛིན་གྲྭ་སོགས་ཀྱི་ཐོན་ཁུངས་བསྡུ་སྒྲིལ་བྱས་པ་དང་། ཏང་གི་ལོ་རྒྱུས་སློབ་སྦྱོང་སློབ་གསོའི་ཕན་འབྲས་དེ་རང་གི་ལས་ཀ་ཡག་པོ་སྒྲུབ་པ་དང་བྱ་གཞག་འཕེལ་རྒྱས་སུ་འགྲོ་བའི་བསམ་བློའི་སྒུལ་ཤུགས་སུ་བསྒྱུར།
སྐད་འཕྲིན་ཚོགས་པ་དང་སློབ་སྦྱོང་ལ་བརྟེན་ནས་རྒྱལ་ཁབ་སྟོབས་ལྡན་གྱི་ APP། གུང་ཁྲན་ཏང་ཡོན་གྱི་སློབ་གསོའི་ལས་སྟེགས། ཏང་གི་ལོ་རྒྱུས་སློབ་སྦྱོང་སློབ་གསོའི་སྤྱི་རྟགས་སོགས་བེད་སྤྱོད་གང་ལེགས་བྱས་ཏེ། དྲྭ་རྒྱའི་སྨྱན་སྦྱོར་དང་སློབ་སྦྱོང་། ཚོད་ལྟ་བཅས་སྦྲེལ་བའི་རྣམ་པ་བཏོད་པ་དང་། དྲྭ་རྒྱའི་ཐོག་ནས་སློབ་སྦྱོང་བྱས་ནས་ཏང་གི་ལོ་རྒྱུས་སྐོར་གྱི་ཤེས་བྱ་ཚད་ལེན་ཚོད་ལྟ་ཐེངས་བརྒྱ་ལྷག་བྱས།
