ལས་ཀའི་ཚོ་ཆུང་གིས་གྲྭ་པ་བསོད་ནམས་ཉི་མ་དང་གླེང་མོལ་བྱེད་བཞིན་པ།

           2015ལོའི་སྤྱི་ཟླ་1པོའི་ཚེས་11ཉིན། ལུགས་རྙིང་ལོ་སར་མ་སླེབས་གོང་གི་འཚམས་འདྲིའི་ལས་ཀ་ཡག་པོར་བསྒྲུབ་ཆེད་དང་། བོད་རོད་དགོན་པའི་གྲྭ་བཙུན་རྣམས་ཀྱིས་དྲོད་སྐྱིད་ལྡན་པའི་ངང་དགུན་སྐྱེལ་ཞིང་ལོ་སར་གྱི་འབྲེལ་ཡོད་ལས་ཀར་ཁག་ཐེག་བྱ་ཆེད། དཀར་མཛེས་ཁུལ་གྱི་རིག་གནས་ཁང་གི་འགོ་གཙོ་བཀྲ་ཤིས་དཔལ་འབྱོར་གྱིས་སྣེ་ཁྲིད་པའི་ལས་ཀའི་ཚོ་ཆུང་སེར་ཤུལ་རྫོང་དུ་འབྱོར་ཞིང་། བོད་རོད་དགོན་པར་འབྲེལ་བ་བྱས་ཏེ་ལུགས་རྙིང་ལོ་སར་སྔོན་གྱི་འཚམས་འདྲིའི་ལས་ཀ་ཡག་པོར་བསྒྲུབས།

ལས་ཀའི་ཚོ་ཆུང་གིས་བོད་རོད་དགོན་པའི་གྲྭ་བཙུན་རྣམས་ལ་དགུན་སྐྱེལ་བལ་ཕྱར་བྱིན་བཞིན་པ།

          སྤྱི་ཟླ་1པོའི་ཚེས་11ཉིན་གྱི་དགོང་མོར་ལས་ཀའི་ཚོ་ཆུང་སེར་ཤུལ་རྫོང་དུ་འབྱོར་ཡོད་མོད། འགྲིམ་འགྲུལ་སྟབས་མི་བདེ་ཞིང་ནམ་ཟླ་ཧ་ཅང་འཁྱགས་པས། ཁ་པར་གྱི་ལམ་ནས་བོད་རོད་དགོན་པའི་འབྲེལ་ཡོད་མི་སྣར་འབྲེལ་བ་བྱ་རྒྱུ་ལས་ཐབས་མེད་པར་གྱུར། དེ་ནས་ཚེས་12ཉིན་དགོན་པས་མངགས་པའི་གྲྭ་པ་བསོད་ནམས་ཉི་མ་སེར་ཤུལ་རྫོང་ཐོག་ཏུ་ཕེབས་ནས་ལས་ཀའི་ཚོ་ཆུང་དང་མཉམ་དུ་གླེང་མོལ་བྱས། ཕན་ཚུན་གླེང་མོལ་བྱས་ཏེ་རིག་གནས་ཁང་གིས་བོད་རོད་དགོན་པའི་གནས་ཚུལ་ལ་རྒྱུས་ལོན་ཅུང་གསལ་བོ་ཞིག་བྱུང་ཡོད། དེ་མིན་ཁུལ་རིག་གནས་ཁང་གིས་བོད་རོད་དགོན་པའི་གྲྭ་བཙུན་རེར་དགུན་སྐྱེལ་བལ་ཕྱར་རེ་བྱིན་ཡོད་པ་དང་། མཁན་པོ་པད་མ་ལགས་ལ་འཚམས་འདྲིའི་སྒོར་500བསྐུར་ཏེ་ལོ་གསར་པའི་ནང་སྐུ་གཟུགས་བདེ་ཐང་ཡོང་བར་སྨོན་འདུན་ཞུས། །