ཀྲུང་གོ་ས་འགུལ་ཚད་འཇལ་དྲ་བས་གཏན་འཁེལ་བྱས་པར་གཞིགས་ན། སྤྱི་ཟླ་9པའི་ཚེས་16ཉིན་གྱི་ཆུ་ཚོད་4དང་སྐར་མ་33གི་སྟེང་། སི་ཁྲོན་ལུའུ་ཀྲོའུ་གྲོང་ཁྱེར་དུ་ཚད་རིམ་6.0ཅན་གྱི་ས་འགུལ་བྱུང་བ་དང་། ཡོམ་ཁུངས་ཀྱི་གཏིང་ཚད་སྟོང་སྨི་10ཟིན་ཡོད་པ་དང་། ཡོམ་ལྟེ་ནི་བྱང་འཕྲེད་ཏུའུ་29.20དང་ཤར་གཞུང་ཏུའུ་105.34ཡིན་པ་རེད། སྤྱི་ཟླ་9པའི་ཚེས་16ཉིན་གྱི་ཆུ་ཚོད་5པའི་བར། ཐེངས་འདིའི་ས་འགུལ་གྱིས་རྐྱེན་ནས་ཁང་པ་ཁ་ཤས་བརྡིབས་ཡོད་པ་དང་། ལུའུ་རྫོང་ཧྥུ་ཅི་གྲོང་རྡལ་ཚའོ་པ་གྲོང་པ་རུ་མི་གཉིས་ཤི་བ་དང་མི་གསུམ་ལ་རྨས་སྐྱོན་བྱུང་ཡོད།