ཧུའུ་ཁྲུན་ཧྭ་སྔ་རྗེས་སུ་རྒྱལ་ཁབ་ཀྱི་གྲོང་གསེབ་དར་རྒྱས་གཏོང་བའི་གཙོ་གནད་རོགས་སྐྱོར་རྫོང་གི་དཀར་མཛེས་བོད་རིགས་རང་སྐྱོང་ཁུལ་དཀར་མཛེས་རྫོང་དང་།ཉག་རོང་རྫོང་།བྲག་འགོ་རྫོང་བཅས་དང་།དབུལ་སྒྲོལ་གྲོང་གསེབ་དང་།གནས་སྤོའི་བཀོད་སྒྲིག་བྱ་ཡུལ།ཐོན་ལས་གླིང་ཁུལ།སློབ་གྲྭའི་སྨན་ཁང་བཅས་སུ་ཕེབས་ནས་ཡུལ་དངོས་སུ་དབུལ་སྒྲོལ་གྲུབ་འབྲས་དང་།གྲོང་གསེབ་ཀྱི་ཐོན་ལས་འཕེལ་རྒྱས།གྲོང་གསེབ་ཀྱི་མིའི་འཚོ་སྡོད་ཁོར་ཡུག་བཅོས་སྒྲིག་སོགས་ཀྱི་ལས་དོན་འཕེལ་རིམ་ལ་བརྟག་ཞིབ་གནང་བ་རེད།
ཧུའུ་ཁྲུན་ཧྭ་ཡིས་ས་ཁུལ་ཁག་དང་འབྲེལ་ཡོད་སྡེ་ཚན་ཁག་གིས་གྲོང་གསེབ་དར་རྒྱས་གཏོང་བའི་གཙོ་གནད་རོགས་སྐྱོར་རྫོང་འཕེལ་རྒྱས་གཏོང་རྒྱུར་རྒྱབ་སྐྱོར་ཤུགས་ཆེན་བྱས་ནས་འགན་འཁྲི་དང་།སྲིད་ཇུས།ལས་དོན་བཅས་དོན་འཁྱོལ་བྱ་རྒྱུར་སྔར་བས་ཤུགས་སྣོན་རྒྱག་པ་དང་།མ་དངུལ་དང་རྣམ་གྲངས་བཀོད་སྒྲིག་ལ་སྤྱི་འདོམས་བྱེད་པ།སྲིད་ཇུས་དང་བྱ་ཐབས་མགྱོགས་མྱུར་ཞིབ་ཚགས་སུ་བཏང་སྟེ་ལས་ཀའི་མཉམ་ཤུགས་ཆེན་པོ་ཞིག་ཆགས་པ་བྱེད་དགོས།
ཞིང་ཨུད་ཀྱི་ཧྲུའུ་ཅི་ཕེང་ཆིང་ཧྭ་དང་ཁུལ་ཨུད་ཀྱི་ཧྲུའུ་ཅི་ཧྲེན་དབྱང་མཉམ་དུ་བརྟག་ཞིབ་གནང་བ་རེད།
