ཉེ་ཆར། མཚོ་སྔོན་ཞིང་ཆེན་རྨ་འབྲི་རྫ་གསུམ་འབྱུང་ཁུངས་ཀྱི་སྐྱེ་ཁམས་ཁོར་ཡུག་སྲུང་སྐྱོང་མཐུན་ཚོགས་ཀྱིས་པེ་ཅིང་གསར་འགྱུར་ཐོག་བརྩེགས་ཁང་ཆེན་དུ་རྨ་འབྲི་རྫ་གསུམ་འབྱུང་ཁུངས་ཀྱི་སྐྱེ་ཁམས་ཁོར་ཡུག་སྲུང་སྐྱོང་སྐོར་གྱི་སྤྱི་ཕན་པར་རིས་འགྲེམས་སྟོན་བྱས་ཤིང་། གཙོ་སྒྲུབ་ལས་ཁུངས་ཀྱི་འབྲེལ་ཡོད་མི་སྣས་ངོ་སྤྲོད་གནང་བ་ལྟར་ན། འགྲེམས་སྟོན་དུ་བཀྲམས་པའི་པར་རིས་རྣམས་སྤྱི་ཚོགས་ཡོངས་ལ་ཁ་ཕྱོགས་ནས་ཕྱིར་འཚོང་བྱེད་བཞིན་ཡོད་པ་དང་། པར་རིས་ཕྱིར་འཚོང་གི་ཡོང་འབབ་ཚང་མ་རྨ་འབྲི་རྫ་གསུམ་འབྱུང་ཁུངས་ཀྱི་སྐྱེ་ཁམས་ཁོར་ཡུག་སྲུང་སྐྱོང་ཐད་སྤྱོད་རྒྱུ་རེད། །
