འཆར་ཡན་ངོས་སུ་ལྡིང་སྐོར་བྱེད། །
ཏིང་འཛིན་སྒྱུ་མའི་རླུང་གཡོལ་ནས། །
སྙན་ངག་ལུས་ཀྱི་ཆ་ཤས་སྟེང་། །
དབྱངས་དང་ཚིག་གི་དར་ཐག་ལ། །
ཐོད་བརྒལ་ཚིག་གི་སྙན་ངག་འབྲི། །
ཚོར་བའི་ཁ་དོག་ཡང་ཡང་བྲན། །
ཚེ་འཛིན་གསོལ་བའི་སྙན་ངག་འདི། །
ཚོར་འདུ་སྨག་གི་རབ་རིབ་འདི། །
ང་ཡི་རྨི་ལམ་གོང་རོལ་ནས། །
དབྱངས་ཅན་ལྷ་མོའི་སྒོམ་གཏོཊ་སོ། །
རྣམ་རྟོག་སྤུ་རིས་ཡང་ཡང་གཡོ། །
ལྷོད་ཀྱིས་གདངས་ལ་དཀྲོལ་བའི་ཚེ། །
སྣ་ཚོགས་ཚིག་གི་དྲི་བཞོན་འདི། །
པདྨ་ཚལ་གྱི་འདབ་མ་དག །
ཚེ་ཡི་གོ་རིམ་མངོན་གྱི་འདུག །
དབྱངས་ལ་བསྐུས་པའི་འགྲོས་མ་ཡིན། །
བདག་གི་འཆར་ཡན་སྒེའུ་ཁུང་དུ། །
སྔར་བཞིན་ཁྱེད་སྐུ་ཟླ་བ་ལ། །
ང་ཡི་ལན་གཅིག་མཐོང་བའི་ཚེ། །
ཚེ་ཡི་དབུ་ཐོད་ངོས་སུ་བྲིས། །
དབྱངས་ཀྱི་དྲ་བ་རབ་ཏུ་འཚེར། །
ཟླ་བའི་གདོང་ཉིད་ཡང་དུ་འཁོར། །
ལྷོད་ཀྱིས་ཆགས་པའི་འཛུམ་ཟུར་ལ། །
མ་རྙིང་བརྩེ་བའི་ཡིག་འབྲུ་ལ། །
སྐྱོ་བའི་གདུང་བ་ཇི་ལྟར་འོང་། །
