མངའ་ཁོངས་སུ་འཁྱག་རོམ་མང་པོ་ཡོད་པས་ཉིང་ཁྲི་གྲོང་ཁྱེར་སྤོ་བོ་རྫོང་ལ་འཁྱགས་རོམ་གྱི་བང་མཛོད་ཞེས་འབོད་ཅིང་གྲུ་གཤིས་འཁྱགས་རོམ་ནི་དེའི་ནང་གི་གཅིག་ཡིན།  གྲུ་གཤིས་འཁྱགས་རོམ་ནི་སྤོ་བོ་རྫོང་གི་ནུབ་བྱང་རྒྱུད་དུ་གནས་པ་དང་སྤོ་བོ་རྫོང་དབར་ལམ་ཐག་སྤྱི་ལེ ༣༩ ཙམ་ཡོད་པ་དང་།  མཐའ་འཁོར་དུ་རི་འཁྱར་སྲོག་ཆགས་མང་བ་དང་རྩི་ཤིང་ཧ་ཅང་ཕུན་སུམ་ཚོགས་པས།  བེར་དོ་དང་གསོམ་ཤིང་གི་རིགས་སོགས་རྩི་ཤིང་དང་རི་འཁྱར་སྲོག་ཆགས་རིགས ༣༠༠ ལྷག་ཙམ་མཐོང་རྒྱུ་ཡོད།  གནས་འདིའི་འཁྱགས་རོམ་གྱི་གཞི་ཁྱོན་ཆེ་ལ་བརྗིད་ཉམས་ལྡན་པས།  ལེ་དབར་སྟོང་གི་ས་ལ་འཁྱིལ་བའི་སྦྲུལ་དཀར་པོ་ཞིག་དང་གཉིས་སུ་མ་མཆིས།  རྒྱལ་ལམ ༣༡༨ བརྒྱུད་དུ་གནས་པའི་རྒུ་ཤང་འཁྱགས་རོམ་དང་རྒྱུད་གཅིག་ཡིན་པ་དང་།  འཁྱགས་རོམ་གི་གཤམ་དུ་ཁ་དོག་རྣམ་པར་བཀྲ་ཞིང་དབྱིབས་གཟུགས་མི་འདྲ་བའི་མཚེའུ་ཆུང་ཆུང་ ༡༨༠ ལྷག་ཙམ་ཡོད་པ་དེ་དག་འཁྱགས་རོམ་གྱི་མུ་ཁྱུད་ལ་སྒེག་ཉམས་འགྲན་ནས་ཡོད།།