ཁོངས་ཡོངས་འཆར་འགོད་བྱས་པ། ཁྱད་ལྡན་གྱི་ལྗོངས་སྐོར་ཐོན་ཁུངས་ལ་བརྟེན་ནས《བཙན་ལྷ་རྫོང་རི་བོ་སྐུ་བླའི་རྒྱལ་ཁབ་ཀྱི་5Aརིམ་པའི་ལྗོངས་སྐོར་མཛེས་ལྗོངས་ཁུལ་དང་ཁྱད་ལྡན་གྲོང་རྡལ་གྱི་ཁོར་ཡུག་བཅོས་སྐྱོང་དང་ཞབས་ཞུའི་སྤུས་ཚད་མཐོ་རུ་གཏོང་བའི་ལས་ཀའི་ཇུས་གཞི》དང་།《བཙན་ལྷ་རྫོང་ཞིང་ཆེན་རིམ་པའི་སྐྱེ་ཁམས་ལྗོངས་སྐོར་དཔེ་སྟོན་ཁུལ་གཏོད་པའི་ཇུས་གཞི》སོགས་འཆར་འགོད་ཇུས་གཞི་སྒྲིག་བཟོ་བྱས། 《བཙན་ལྷ་རྫོང་རི་འཛེག་ལུས་རྩལ་ལྗོངས་སྐོར་འཕེལ་རྒྱས་ཀྱི་ལོ་བཅུའི་འཆར་འགོད（2021ལོ་ནས་2030ལོའི་བར）》མགྱོགས་མྱུར་ངང་སྒྲིག་བཟོས་བྱས་ནས་རྒྱལ་སྤྱིའི་རི་འཛེག་ལུས་རྩལ་ལྗོངས་སྐོར་ཁུལ་དང་། རྒྱང་སྐྱོད་རྒྱལ་ཁབ་རིག་གནས་སྤྱི་གླིང་དཔེ་སྟོན་ཁུལ། རྒྱལ་ཁབ་ཀྱི་ཁོངས་ཡོངས་ལྗོངས་སྐོར་དཔེ་སྟོན་རྫོང་བཅས་སྐྲུན་ཚད་མགྱོགས་སུ་བཏང་།
མཛེས་ལྗོངས་ཁུལ་བཏོད་པ། མཛེས་ལྗོངས་ཁུལ་རྒྱ་བསྐྱེད་དང་སྤུས་ཚད་མཐོར་གཏོང་གཙོ་གནད་དུ་བྱས་ནས་མཛེས་ལྗོངས་ཁུལ་མགྱོགས་མྱུར་ངང་བསྐྲུན། ནུས་ཤུགས་ཡོད་རྒུས་རི་བོ་སྐུ་བླ་5Aརིམ་པའི་མཛེས་ལྗོངས་ཁུལ་དང་རི་བོ་སྐུ་བླ་གྲོང་རྡལ་གྱི་5Aགསར་སྐྲུན་ལ་སྐུལ་སྤེལ་བཏང་། རིམ་རྩིས་བྱས་ན་སྒོར་དུང་ཕྱུར་8.2བཏང་སྟེ་རྣམ་གྲངས་24བསྐྲུན་པ་དང་། རྣམ་གྲངས་6མགྱོགས་མྱུར་ངང་སྐྲུན་བཞིན་ཡོད། རི་བོ་སྐུ་བླ་5Aརིམ་པའི་མཛེས་ལྗོངས་ཁུལ་ཞིང་ཆེན་གྱིས་ཞིབ་བཤེར་བྱས་པ་དང་རི་བོ་སྐུ་བླ་གྲོང་རྡལ་དེ་ཐེན་ཧྥུའུ་གྲོང་རྡལ་གྲགས་ཅན་དང་། རྔ་བ་ཁུལ་གྱི་ཁྱད་ལྡན་རིག་གནས་ལྗོངས་སྐོར་གྲོང་རྡལ་གྲགས་ཅན་བཅས་ཀྱི་མིང་བྱང་དུ་ཚུད།
